Read in తెలుగు / ಕನ್ನಡ / தமிழ் / देवनागरी / English (IAST)
नमोऽस्त्वनन्ताय विशुद्धचेतसे
स्वरूपरूपाय सहस्रबाहवे ।
सहस्ररश्मिप्रभवाय वेधसे
विशालदेहाय विशुद्धकर्मणे ॥ १ ॥
समस्तविश्वार्तिहराय शम्भवे
समस्तसूर्यानलतिग्मतेजसे ।
नमोऽस्तु विद्यावितताय चक्रिणे
समस्तधीस्थानकृते सदा नमः ॥ २ ॥
अनादिदेवाच्युतशेखरप्रभो
भाव्युद्भवद्भूतपते महेश्वर ।
मरुत्पते सर्वपते जगत्पते
भुवस्पते भुवनपते सदा नमः ॥ ३ ॥
यज्ञेश नारायण जिष्णु शङ्कर
क्षितीश विश्वेश्वर विश्वलोचन ।
शशाङ्कसूर्याच्युत वीरविश्व-
-प्रवृत्तमूर्तेऽमृतमूर्त अव्यय ॥ ४ ॥
ज्वलद्धुताशर्चिनिरुद्धमण्डल
प्रदेशनारायण विश्वतोमुख ।
समस्तदेवार्तिहरामृताव्यय
प्रपाहि मां शरणगतं तथा विभो ॥ ५ ॥
वक्त्राण्यनेकानि विभो तवाहं
पश्यामि यज्ञस्य गतिं पुराणम् ।
ब्रह्माणमीशं जगतां प्रसूतिं
नमोऽस्तु तुभ्यं प्रपितामहाय ॥ ६ ॥
संसारचक्रक्रमणैरनेकैः
क्वचिद्भवान् देववराधिदेवः ।
तत्सर्वविज्ञानविशुद्धसत्वै-
-रुपास्यसे किं प्रणमाम्यहं त्वाम् ॥ ७ ॥
एवं भवन्तं प्रकृतेः पुरस्ता-
-द्यो वेत्त्यसौ सर्वविदांवरिष्ठः ।
गुणान्वितेषु प्रसभं विवेद्यो
विशालमूर्तिस्त्विह सूक्ष्मरूपः ॥ ८ ॥
वाक्पाणिपादैर्विगतेन्द्रियोपि
कथं भवान्वै सुगतिः सुकर्मा ।
संसारबन्धे निहितेन्द्रियोऽपि
पुनः कथं देववरोसि वेद्यः ॥ ९ ॥
मूर्तादमूर्तं न तु लभ्यते परं
परं वपुर्देवविशुद्धभावैः ।
संसारविच्छित्तिकरैर्यजद्भि-
-रतोऽवसीयेत चतुर्मुख त्वम् ॥ १० ॥
परं न जानन्ति यतो वपुस्ते
देवादयोऽप्यद्भुतरूपधारिन् ।
विभोवतारेऽग्रतरं पुराण-
-माराधयेद्यत्कमलासनस्थम् ॥ ११ ॥
न ते तत्त्वं विश्वसृजोपि योनि-
-मेकान्ततो वेत्ति विशुद्धभावः ।
परं त्वहं वेद्मि कथं पुराणं
भवन्तमाद्यं तपसा विशुद्धम् ॥ १२ ॥
पद्मासनो वै जनकः प्रसिद्ध
एवं प्रसिद्धिर्ह्यसकृत् पुराणात् ।
सञ्चिन्त्य ते नाथ विभुं भवन्तं
जानाति नैवं तपसाविहीनः ॥ १३ ॥
अस्मादृशैश्च प्रवरैर्विबोध्यं
त्वां देवमूर्खाः स्वमतिं विभज्य ।
प्रबोद्धुमिच्छन्ति न तेषु बुद्धि-
-रुदारकीर्तिष्वपि वेदहीनाः ॥ १४ ॥
जन्मान्तरैर्वेदविवेकबुद्धि-
-र्भवेद्यथा वा यदि वा प्रकाशः ।
तल्लाभलुब्धस्य न मानुषत्वं
न देवगन्धर्वपतिः शिवः स्यात् ॥ १५ ॥
न विष्णुरूपो भगवान् सुसूक्ष्मः
स्थूलोऽसि देवः कृतकृत्यतायाः ।
स्थूलोऽपि सूक्ष्मः सुलभोऽसि देव
त्वद्बाह्यकृत्या नरके पतन्ति ॥ १६ ॥
विमुच्यते वा भवति स्थितेस्मिन्
दस्रेन्दुवह्न्यर्कमरुन्महीभिः ।
तत्वैः स्वरूपैः समरूपधारिभि-
-रात्मस्वरूपे वितत स्वभावः ॥ १७ ॥
इति स्तुतिं मे भगवन् ह्यनन्त
जुषस्व भक्तस्य विशेषतश्च ।
समाधियुक्तस्य विशुद्धचेतस-
-स्त्वद्भावभावैकमनोनुगस्य ॥ १८ ॥
सदा हृदिस्थो भगवन्नमस्ते
नमामि नित्यं भगवन् पुराण ।
इति प्रकाशं तव मे तदीश
स्तवं मया सर्वगतिप्रबुद्ध ।
संसारचक्रे भ्रमणादियुक्तां
भीतिं पुनर्नः प्रतिपालयस्व ॥ ९ ॥
इति श्रीपद्ममहापुराणे सृष्टिखण्डे चतुस्त्रिंशत्तमोऽध्याये विष्णु कृत श्री ब्रह्म स्तवम् ॥
इतर श्री ब्रह्म स्तोत्राणि पश्यतु |
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
