Read in తెలుగు / ಕನ್ನಡ / தமிழ் / देवनागरी / English (IAST)
कश्यप उवाच ।
नमो नमस्तेऽखिलकारणाय
नमो नमस्तेऽखिलपालकाय ।
नमो नमस्तेऽखिलनायकाय
नमो नमो दैत्यविनाशनाय ॥ १ ॥
नमो नमो भक्तजनप्रियाय
नमो नमः सज्जनरञ्जिताय ।
नमो नमो दुर्जननाशकाय
नमोऽस्तु तस्मै जगदीश्वराय ॥ २ ॥
नमो नमः कारणवामनाय
नारायणायामितविक्रमाय ।
श्रीशार्ङ्गचक्रासिगदाधाराय
नमोऽस्तु तस्मै पुरुषोत्तमाय ॥ ३ ॥
नमः पयोराशिनिवासनाय
नमोऽस्तु ते हृत्कमलासनाय ।
नमोऽस्तु सूर्यांशुनिभप्रभाय
नमो नमः पुण्यकथागताय ॥ ४ ॥
नमो नमोऽर्केन्दुविलोचनाय
नमोऽस्तु ते यज्ञफलप्रदाय ।
नमोऽस्तु यज्ञाङ्गविराजिताय
नमोऽस्तु ते सज्जनवल्लभाय ॥ ५ ॥
नमो नमः कारणकारणाय
नमोऽस्तु शब्दादिविवर्जिताय ।
नमोऽस्तु ते दिव्यसुखप्रदाय
नमो नमो भक्तमनोगताय ॥ ६ ॥
नमोऽस्तु तस्मै भ्रमनाशनाय
नमोऽस्तु ते मन्दरधारणाय ।
नमोऽस्तु ते यज्ञवराहनाम्ने
नमो हिरण्याख्यविदारणाय ॥ ७ ॥
नमोऽस्तु ते वामनरूपभाजे
नमोऽस्तु ते क्षत्त्रकुलान्तकाय ।
नमोऽस्तु ते रावणमर्दकाय
नमोऽस्तु ते नन्दसुताग्रजाय ॥ ८ ॥
नमस्ते कमलाकान्त नमस्ते सुखदायिने ।
स्मृतार्तिनाशिने तुभ्यं भूयो भूयो नमो नमः ॥ ९ ॥
य इदं वामनस्तोत्रं त्रिसन्ध्यं पठते नरः ।
बालारोग्यार्थसन्तानैः तस्य नित्योत्सवो भवेत् ॥ १० ॥
इति श्रीनारदपुराणे पूर्वभागे एकादशोऽध्याये कश्यप कृत श्री वामन स्तोत्रम् ॥
స్తోత్రనిధి (తెలుగు) వాట్సాప్ ఛానల్ : మా వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
