Read in తెలుగు / ಕನ್ನಡ / தமிழ் / देवनागरी / English (IAST)
आचम्य । प्राणानायम्य । देशकालौ सङ्कीर्त्य । गणपति स्मरणं कृत्वा ।
पुनः सङ्कल्पं –
अद्य पूर्वोक्त एवं गुणविशेषण विशिष्ठायां शुभतिथौ मम सूर्य ग्रहपीडा परिहारार्थं सूर्य ग्रहदेवता प्रसाद द्वारा आयुरारोग्य ऐश्वर्यादि उत्तमफलावाप्त्यर्थं मम सङ्कल्पित मनोवाञ्छाफलसिद्ध्यर्थं यथा सङ्ख्याकं सूर्य ग्रहस्य न्यासपूर्वक वेदोक्त मन्त्रजपं करिष्ये ॥
– १। सूर्य मन्त्रः –
आ कृष्णेनेत्यस्य मन्त्रस्य हिरण्यस्तूप ऋषिः विराट् त्रिष्टुप् छन्दः सूर्यो देवता रजसेति बीजं वर्तमान इति शक्तिः सूर्य प्रीत्यर्थे जपे विनियोगः ।
न्यासः –
ओं हिरण्यस्तूप ऋषये नमः शिरसि ।
ओं विराट् त्रिष्टुप् छन्दसे नमः मुखे ।
ओं सूर्य देवतायै नमः हृदये ।
ओं रजसेति बीजाय नमः गुह्ये ।
ओं वर्तमान शक्तये नमः पादयोः ।
ओं सूर्य प्रीत्यर्थे जपे विनियोगाय नमः सर्वाङ्गे ।
करन्यासः –
ओं आकृष्णेनेति अङ्गुष्ठाभ्यां नमः ।
ओं रजसेति तर्जनीभ्यां नमः ।
ओं वर्तमान इति मध्यमाभ्यां नमः ।
ओं निवेशयन्नमृतं मर्त्यं चेति अनामिकाभ्यां नमः ।
ओं हिरण्ययेन सविता रथेनेति कनिष्ठिकाभ्यां नमः ।
ओं आदेवो याति भुवना विपश्यन्निति करतलकरपृष्ठाभ्यां नमः ।
हृदयादिन्यासः –
ओं आकृष्णेनेति हृदयाय नमः ।
ओं रजसेति शिरसे स्वाहा ।
ओं वर्तमान इति शिखायै वषट् ।
ओं निवेशयन्नमृतं मर्त्यं चेति कवचाय हुम् ।
ओं हिरण्ययेन सविता रथेनेति नेत्रत्रयाय वौषट् ।
ओं आदेवो याति भुवना विपश्यन्निति अस्त्राय फट् ।
ध्यानम् –
पद्मासनः पद्मकरो द्विबाहुः
पद्मद्युतिः सप्ततुरङ्गवाहः ।
दिवाकरो लोकगुरुः किरीटी
मयि प्रसादं विदधातु देवः ॥
लमित्यादि पञ्चपूजा –
लं पृथिव्यात्मने गन्धं परिकल्पयामि ।
हं आकाशात्मने पुष्पं परिकल्पयामि ।
यं वाय्वात्मने धूपं परिकल्पयामि ।
रं अग्न्यात्मने दीपं परिकल्पयामि ।
वं अमृतात्मने नैवेद्यं परिकल्पयामि ।
सं सर्वात्मने सर्वोपचारान् परिकल्पयामि ।
(य।वे।३३-४३)
ओं आ कृ॒ष्णेन॒ रज॑सा॒ वर्त॑मानो निवे॒शय॑न्न॒मृतं॒ मर्त्यं॑ च ।
हि॒र॒ण्यये॑न सवि॒ता रथे॒ना दे॒वो या॑ति॒ भुव॑नानि॒ पश्य॑न् ॥
ओं सूर्याय नमः ।
समर्पणम् –
गुह्याति गुह्य गोप्ता त्वं गृहाणास्मत्कृतं जपम् ।
सिद्धिर्भवतु मे देव त्वत्प्रसादान्मयि स्थिर ॥
अनेन मया कृत सूर्य ग्रहस्य मन्त्र जपेन सूर्य सुप्रीतो सुप्रसन्नो वरदो भवन्तु ।
ओं शान्तिः शान्तिः शान्तिः ॥
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
