Read in తెలుగు / ಕನ್ನಡ / தமிழ் / देवनागरी / English (IAST)
नमः श्रीरङ्गनाथाय नमः श्रीरङ्गशायिने ।
नमः श्रीरङ्गदेवाय श्री श्रीनिवासाय ते नमः ॥ १ ॥
नमो भगवते तुभ्यं वासुदेवाय ते नमः ।
सङ्कर्षणाय प्रद्युम्नाय अनिरुद्धाय ते नमः ॥ २ ॥
पुरुषाय नमस्तुभ्यं अच्युताय पराय च ।
वासुदेवाय ताराय नमः श्रीरङ्गशायिने ॥ ३ ॥
केशवाय नमस्तेऽस्तु नमो नारायणाय च ।
माधवाय नमस्तुभ्यं गोविन्दाय च ते नमः ॥ ४ ॥
ओं नमो विष्णवे देव मधुसूदन ते नमः ।
त्रिविक्रम नमस्तेऽस्तु नमस्ते वामनाय च ॥ ५ ॥
श्रीधराय नमस्तुभ्यं हृषीकेश नमोऽस्तु ते ।
नमोऽस्तु पद्मनाभाय नमो दामोदराय च ॥ ६ ॥
मत्स्यकूर्मवराहाय हंसाश्वशिरसे नमः ।
नमोऽस्तु जामदग्न्याय दत्ताय कपिलाय च ॥ ७ ॥
वेदव्यासाय बुद्धाय नृसिंहाय ते नमः ।
रामलक्ष्मणशत्रुघ्नभरतात्मन् नमोऽस्तु ते ॥ ८ ॥
कृष्णाय बलभद्राय नमः साम्भाय कल्किने ।
अनन्तानन्दशयने पुराण पुरुषोत्तम ।
रङ्गनाथ जगन्नाथ नाथ तुभ्यं नमो नमः ॥ ९ ॥
इति श्री रङ्गनाथ स्तोत्रम् ।
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
