Read in తెలుగు / ಕನ್ನಡ / தமிழ் / देवनागरी / English (IAST)
हयाननं हयग्रीवं हारनूपुरशोभितम् ।
पीताम्बरधरं देवं हयग्रीवमुपास्महे ॥ १ ॥
कुन्देन्दुशङ्खधवलं पद्मपत्रनिभेक्षणम् ।
शङ्खचक्रधरं देवं हयग्रीवमुपास्महे ॥ २ ॥
मुक्तादामसमायुक्तं नेमिकोटिसमप्रभम् ।
रत्नकुण्डलकेयूरं हयग्रीवमुपास्महे ॥ ३ ॥
शेषासन समासीनं लक्ष्मीनीलासमन्वितम् ।
श्रीवत्सकौस्तुभधरं हयग्रीवमुपास्महे ॥ ४ ॥
योगासनसमासीनं वेदशास्त्रसमन्वितम् ।
सर्ववेदान्ततत्त्वज्ञं हयग्रीवमुपास्महे ॥ ५ ॥
श्वेतवर्णं चतुर्बाहुं वैजयन्तीविराजितम् ।
सर्वाभरणसम्युक्तं हयग्रीवमुपास्महे ॥ ६ ॥
मणिपीठसमासीनं मकुटोज्ज्वलमण्डितम् ।
मुक्ताहारधरं देवं हयग्रीवमुपास्महे ॥ ७ ॥
ब्रह्माण्डकोटिगर्भस्थं मन्दहाससुशोभितम् ।
सर्वविद्याप्रदं देवं हयग्रीवमुपास्महे ॥ ८ ॥
हयग्रीवाष्टकं पुण्यं ये जनाः समुपासते ।
आयुर्वृद्धिः बलं धैर्यं विद्याबुद्धिसुखप्रदम् ॥ ९ ॥
आप्नयुः सकलान् कामान् सर्वत्र विजयं शुभम् ।
सर्वपापप्रशमनं हयग्रीवप्रभावतः ॥ १० ॥
इति श्री हयग्रीवाष्टकम् ॥
మా తదుపరి ప్రచురణ : శ్రీ విష్ణు స్తోత్రనిధి ముద్రించుటకు ఆలోచన చేయుచున్నాము. ఇటీవల శ్రీ దక్షిణామూర్తి స్తోత్రనిధి పుస్తకము విడుదల చేశాము. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
