Mahanyasam 15. Uttara Narayanam – १५) उत्तरनारायणम्

(तै.आ.३-१३-४०)

अ॒द्भ्यः सम्भू॑तः पृथि॒व्यै रसा᳚च्च । वि॒श्वक॑र्मण॒: सम॑वर्त॒ताधि॑ । तस्य॒ त्वष्टा॑ वि॒दध॑द्रू॒पमे॑ति । तत्पुरु॑षस्य॒ विश्व॒माजा॑न॒मग्रे᳚ । वेदा॒हमे॒तं पुरु॑षं म॒हान्त᳚म् । आ॒दि॒त्यव॑र्णं॒ तम॑स॒: पर॑स्तात् । तमे॒वं वि॒द्वान॒मृत॑ इ॒ह भ॑वति । नान्यः पन्था॑ विद्य॒तेऽय॑नाय । प्र॒जाप॑तिश्चरति॒ गर्भे॑ अ॒न्तः । अ॒जाय॑मानो बहु॒धा विजा॑यते ॥ ८ ॥

// अद्भ्यः, सम्भूतः, पृथिव्यै, रसात्, च, विश्वकर्मणः, समवर्तत, अधि, तस्य, त्वष्टा, विदधत्, रूपं, एति, तत्, पुरुषस्य, विश्वं, आजानं, अग्रे, वेद, अहं, एतं, पुरुषं, महान्तं, आदित्य-वर्णं, तमसः, परः, तात्, तं, एवं, विद्वान्, अमृतः, इह, भवति, न, अन्यः, पन्थाः, विद्यते, अयनाय, प्रजापतिः, चरति, गर्भे, अन्तः, अजायमानः, बहुधा, विजायते //

तस्य॒ धीरा॒: परि॑जानन्ति॒ योनि᳚म् । मरी॑चीनां प॒दमि॑च्छन्ति वे॒धस॑: । यो दे॒वेभ्य॒ आत॑पति । यो दे॒वानां᳚ पु॒रोहि॑तः । पूर्वो॒ यो दे॒वेभ्यो॑ जा॒तः । नमो॑ रु॒चाय॒ ब्राह्म॑ये । रुचं॑ ब्रा॒ह्मं ज॒नय॑न्तः । दे॒वा अग्रे॒ तद॑ब्रुवन् । यस्त्वै॒वं ब्रा᳚ह्म॒णो वि॒द्यात् । तस्य॑ दे॒वा अस॒न्वशे᳚ ॥ ९ ॥

// तस्य, धीराः, परि-जानन्ति, योनिं, मरीचीनां, पदं, इच्छन्ति, वेधसः, यः, देवेभ्यः, आतपति, यः, देवानां, पुरोहितः, पूर्वः, यः, देवेभ्यः, जातः, नमः, रुचाय, ब्राह्मये, रुचं, ब्राह्मं, जनयन्तः, देवाः, अग्रे, तत्, अब्रुवन्, यः, तु, एवं, ब्राह्मणः, विद्यात्, तस्य, देवाः, असन्, वशे //

ह्रीश्च॑ ते ल॒क्ष्मीश्च॒ पत्न्यौ᳚ । अ॒हो॒रा॒त्रे पा॒र्श्वे । नक्ष॑त्राणि रू॒पम् । अ॒श्विनौ॒ व्यात्त᳚म् । इ॒ष्टं म॑निषाण । अ॒मुं म॑निषाण । सर्वं॑ मनिषाण ॥ १० ॥

// ह्रीः, च, ते, लक्ष्मीः, च, पत्न्यौ, अहः-रात्रे, पार्श्वे, नक्षत्राणि, रूपं, अश्विनौ, व्यात्तं, इष्टं, मनिषाण, अमुं, मनिषाण, सर्वं, मनिषाण //

ओं नमो भगवते॑ रुद्रा॒य । उत्तरनारायणग्ं शिखायै वषट् ॥

Did you see any mistake/variation in the content above? Click here to report mistakes and corrections in Stotranidhi content.