Read in తెలుగు / ಕನ್ನಡ / தமிழ் / देवनागरी / English (IAST)
|| వానరబలసంఖ్యానమ్ ||
తతస్తమక్షోభ్యబలం లంకాధిపతయే చరాః |
సువేలే రాఘవం శైలే నివిష్టం ప్రత్యవేదయన్ || ౧ ||
చారాణాం రావణః శ్రుత్వా ప్రాప్తం రామం మహాబలమ్ |
జాతోద్వేగోఽభవత్కించిచ్ఛార్దూలం వాక్యమబ్రవీత్ || ౨ ||
అయథావచ్చ తే వర్ణో దీనశ్చాసి నిశాచర |
నాసి కచ్చిదమిత్రాణాం క్రుద్ధానాం వశమాగతః || ౩ ||
ఇతి తేనానుశిష్టస్తు వాచం మందముదీరయత్ |
తదా రాక్షసశార్దూలం శార్దూలో భయవిహ్వలః || ౪ ||
న తే చారయితుం శక్యా రాజన్వానరపుంగవాః |
విక్రాంతా బలవంతశ్చ రాఘవేణ చ రక్షితాః || ౫ ||
నాపి సంభాషితుం శక్యాః సంప్రశ్నోఽత్ర న లభ్యతే |
సర్వతో రక్ష్యతే పంథా వానరైః పర్వతోపమైః || ౬ ||
ప్రవిష్టమాత్రే జ్ఞాతోఽహం బలే తస్మిన్నచారితే |
బలాద్గృహీతో రక్షోభిర్బహుధాఽస్మి విచాలితః || ౭ ||
జానుభిర్ముష్టిభిర్దంతైస్తలైశ్చాభిహతో భృశమ్ |
పరిణీతోఽస్మి హరిభిర్బలవద్భిరమర్షణైః || ౮ ||
పరిణీయ చ సర్వత్ర నీతోఽహం రామసంసదమ్ |
రుధిరాదిగ్ధసర్వాంగో విహ్వలశ్చలితేంద్రియః || ౯ ||
హరిభిర్వధ్యమానశ్చ యాచమానః కృతాంజలిః |
రాఘవేణ పరిత్రాతో జీవామీతి యదృచ్ఛయా || ౧౦ ||
ఏష శైలః శిలాభిశ్చ పూరయిత్వా మహార్ణవమ్ |
ద్వారమాశ్రిత్య లంకాయా రామస్తిష్ఠతి సాయుధః || ౧౧ ||
గారుడవ్యూహమాస్థాయ సర్వతో హరిభిర్వృతః |
మాం విసృజ్య మహాతేజా లంకామేవాభివర్తతే || ౧౨ ||
పురా ప్రాకారమాయాతి క్షిప్రమేకతరం కురు |
సీతాం వాఽస్మై ప్రయచ్ఛాశు సుయుద్ధం వా ప్రదీయతామ్ || ౧౩ ||
మనసా తం తదా ప్రేక్ష్య తచ్ఛ్రుత్వా రాక్షసాధిపః |
శార్దూలం సుమహద్వాక్యమథోవాచ స రావణః || ౧౪ ||
యది మాం ప్రతి యుధ్యేరన్దేవగంధర్వదానవాః |
నైవ సీతాం ప్రదాస్యామి సర్వలోకభయాదపి || ౧౫ ||
ఏవముక్త్వా మహాతేజా రావణః పునరబ్రవీత్ |
చారితా భవతా సేనా కేఽత్ర శూరాః ప్లవంగమాః || ౧౬ ||
కీదృశాః కింప్రభాః సౌమ్య వానరా యే దురాసదాః |
కస్య పుత్రాశ్చ పౌత్రాశ్చ తత్త్వమాఖ్యాహి రాక్షస || ౧౭ ||
తథాఽత్ర ప్రతిపత్స్యామి జ్ఞాత్వా తేషాం బలాబలమ్ |
అవశ్యం బలసంఖ్యానం కర్తవ్యం యుద్ధమిచ్ఛతామ్ || ౧౮ ||
తథైవముక్తః శార్దూలో రావణేనోత్తమశ్చరః |
ఇదం వచనమారేభే వక్తుం రావణసన్నిధౌ || ౧౯ ||
అథర్క్షరజసః పుత్రో యుధి రాజా సుదుర్జయః |
గద్గదస్యాథ పుత్రోఽత్ర జాంబవానితి విశ్రుతః || ౨౦ ||
గద్గదస్యైవ పుత్రోఽన్యో గురుపుత్రః శతక్రతోః |
కదనం యస్య పుత్రేణ కృతమేకేన రక్షసామ్ || ౨౧ ||
సుషేణశ్చాపి ధర్మాత్మా పుత్రో ధర్మస్య వీర్యవాన్ |
సౌమ్యః సోమాత్మజశ్చాత్ర రాజన్ దధిముఖః కపిః || ౨౨ ||
సుముఖో దుర్ముఖశ్చాత్ర వేగదర్శీ చ వానరః |
మృత్యుర్వానరరూపేణ నూనం సృష్టః స్వయంభువా || ౨౩ ||
పుత్రో హుతవహస్యాథ నీలః సేనాపతిః స్వయమ్ |
అనిలస్య చ పుత్రోఽత్ర హనుమానితి విశ్రుతః || ౨౪ ||
నప్తా శక్రస్య దుర్ధర్షో బలవానంగదో యువా |
మైందశ్చ ద్వివిదశ్చోభౌ బలినావశ్విసంభవౌ || ౨౫ ||
పుత్రా వైవస్వతస్యాత్ర పంచ కాలాంతకోపమః |
గజో గవాక్షో గవయః శరభో గంధమాదనః || ౨౬ ||
దశ వానరకోట్యశ్చ శూరాణాం యుద్ధకాంక్షిణామ్ |
శ్రీమతాం దేవపుత్రాణాం శేషం నాఖ్యాతుముత్సహే || ౨౭ ||
పుత్రో దశరథస్యైష సింహసంహననో యువా |
దూషణో నిహతో యేన ఖరశ్చ త్రిశిరాస్తథా || ౨౮ ||
నాస్తి రామస్య సదృశో విక్రమే భువి కశ్చన |
విరాధో నిహతో యేన కబంధశ్చాంతకోపమః || ౨౯ ||
వక్తుం న శక్తో రామస్య నరః కశ్చిద్గుణాన్ క్షితౌ |
జనస్థానగతా యేన యావంతో రాక్షసా హతాః || ౩౦ ||
లక్ష్మణశ్చాత్ర ధర్మాత్మా మాతంగానామివర్షభః |
యస్య బాణపథం ప్రాప్య న జీవేదపి వాసవః || ౩౧ ||
శ్వేతో జ్యోతిర్ముఖశ్చాత్ర భాస్కరస్యాత్మసంభవౌ |
వరుణస్య చ పుత్రోఽన్యో హేమకూటః ప్లవంగమః || ౩౨ ||
విశ్వకర్మసుతో వీరో నలః ప్లవగసత్తమః |
విక్రాంతో బలవానత్ర వసుపుత్రః సుదుర్ధరః || ౩౩ ||
రాక్షసానాం వరిష్ఠశ్చ తవ భ్రాతా విభీషణః |
పరిగృహ్య పురీం లంకాం రాఘవస్య హితే రతః || ౩౪ ||
ఇతి సర్వం సమాఖ్యాతం తవేదం వానరం బలమ్ |
సువేలేఽధిష్ఠితం శైలే శేషకార్యే భవాన్గతిః || ౩౫ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే త్రింశః సర్గః || ౩౦ ||
యుద్ధకాండ ఏకత్రింశః సర్గః (౩౧) >>
సంపూర్ణ శ్రీవాల్మీకి రామాయణ యుద్ధకాండ చూడండి
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
