Read in తెలుగు / ಕನ್ನಡ / தமிழ் / देवनागरी / English (IAST)
ప్రాతర్నమామి జగతాం జనన్యాశ్చరణాంబుజమ్ |
శ్రీమత్త్రిపురసుందర్యా వందితాయా హరాదిభిః || ౧ ||
ప్రాతస్త్రిపురసుందర్యాః వ్రజామి చరణాంబుజమ్ |
హరిర్హరో విరించిశ్చ సృష్ట్యాదీన్ కురుతే యయా || ౨ ||
ప్రాతస్త్రిపురసుందర్యాః నమామి పదపంకజమ్ |
యత్పాద్యమంబు శిరసి భాతి గంగా మహేశితుః || ౩ ||
ప్రాతః పాశాంకుశ శర చాపహస్తాం నమామ్యహమ్ |
ఉద్యదాదిత్యసంకాశాం శ్రీమత్త్రిపురసుందరీమ్ || ౪ ||
ప్రాతర్నమామి పాదాబ్జం యయేదం భాసతే జగత్ |
తస్యాస్త్రిపురసుందర్యాః యత్ప్రసాదాన్నివర్తతే || ౫ ||
యః శ్లోక పంచకమిదం ప్రాతర్నిత్యం పఠేన్నరః |
తస్మై దద్యాదాత్మపదం శ్రీమత్త్రిపురసుందరీ || ౬ ||
త్రైలోక్యచైతన్యమయే పరేశి
శ్రీనాథనిత్యే భవదాజ్ఞయైవ |
ప్రాతః సముత్థాయ తవ ప్రియార్థం
సంసారయాత్రామనువర్తయిష్యే || ౭ ||
సంసారయాత్రామనువర్తమానం
త్వదాజ్ఞాయా శ్రీత్రిపురే పరేశి |
స్పర్ధా తిరస్కార కలిప్రమాద
భయాని మామభిభవంతు మాతః || ౮ ||
జానామి ధర్మం న చ మే ప్రవృత్తిః
జానామ్యధర్మం న చ మే నివృత్తిః |
త్వయా హృషీకేశి హృదిస్థయాఽహం
యథా నియుక్తోఽస్మి తథా కరోమి || ౯ ||
ఇతి శ్రీ త్రిపురసుందరీ ప్రాతః స్మరణమ్ |
మరిన్ని దశమహావిద్యా స్తోత్రాలు చూడండి.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
