Read in తెలుగు / ಕನ್ನಡ / தமிழ் / देवनागरी / English (IAST)
మనోజ్ఞమణికుండలాం మహితచక్రరాజాలయాం
మనోఽంబుజవిహారిణీం పరశివస్య వామాంకగామ్ |
మహాహరిముఖామరప్రణతపాదపంకేరుహాం
మహాత్రిపురసుందరీం మనసి భావయే సంతతమ్ || ౧ ||
మతంగమునిపూజితాం మథితపాపసంఘాం జవా-
-న్మదారుణితలోచనాం మదముఖారినిర్వాపిణీమ్ |
మనఃసు యమినాం సదా స్థితివిహారిణీం మోదతో
మహాత్రిపురసుందరీం మనసి భావయే సంతతమ్ || ౨ ||
విచిత్రకవితాప్రదాం నతతతేర్విలంబం వినా
విధీంద్రహరివందితాం విధినిషేధసక్తార్చితామ్ |
వినాయకవిభావసూద్భవవిభాసిపార్శ్వద్వయాం
మహాత్రిపురసుందరీం మనసి భావయే సంతతమ్ || ౩ ||
వినిందితవిభావరీవిటసహస్రగర్వాననాం
వినిర్మితజగత్త్రయీం విధుసమానమందస్మితామ్ |
విబోధనపటీయసీం వినతసంతతేః సత్వరం
మహాత్రిపురసుందరీం మనసి భావయే సంతతమ్ || ౪ ||
విమానచరమానినీవిహితపాదసేవాం ముదా
విశాలనయనాంబుజాం విధృతచాపపాశాంకుశామ్ |
విశుద్ధిసరసీరుహే కృతనిజాసనాం సర్వదా
మహాత్రిపురసుందరీం మనసి భావయే సంతతమ్ || ౫ ||
విరాగిజనసేవితాం విమలబుద్ధిసందాయినీం
విరాధరిపుపూజితాం వివిధరత్నభూషోజ్జ్వలామ్ |
విరించిహరిసుందరీకలితచామరావీజనాం
మహాత్రిపురసుందరీం మనసి భావయే సంతతమ్ || ౬ ||
ఇతి శృంగేరి శ్రీజగద్గురు శ్రీసచ్చిదానందశివాభినవనృసింహ భారతీస్వామిభిః విరచితం శ్రీ మహాత్రిపురసుందరీ షట్కమ్ |
మరిన్ని దశమహావిద్యా స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
