Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ సూర్య స్తోత్రనిధి” పారాయణ గ్రంథములో కూడా ఉన్నది. Click here to buy.]
శ్రీసూర్య ఉవాచ |
సాంబ సాంబ మహాబాహో శృణు మే కవచం శుభమ్ |
త్రైలోక్యమంగళం నామ కవచం పరమాద్భుతమ్ || ౧ ||
యజ్జ్ఞాత్వా మంత్రవిత్ సమ్యక్ ఫలం ప్రాప్నోతి నిశ్చితమ్ |
యద్ధృత్వా చ మహాదేవో గణానామధిపోఽభవత్ || ౨ ||
పఠనాద్ధారణాద్విష్ణుః సర్వేషాం పాలకః సదా |
ఏవమింద్రాదయః సర్వే సర్వైశ్వర్యమవాప్నుయుః || ౩ ||
కవచస్య ఋషిర్బ్రహ్మా ఛందోఽనుష్టుబుదాహృతః |
శ్రీసూర్యో దేవతా చాత్ర సర్వదేవనమస్కృతః || ౪ ||
యశ ఆరోగ్యమోక్షేషు వినియోగః ప్రకీర్తితః |
ప్రణవో మే శిరః పాతు ఘృణిర్మే పాతు భాలకమ్ || ౫ ||
సూర్యోఽవ్యాన్నయనద్వంద్వమాదిత్యః కర్ణయుగ్మకమ్ |
అష్టాక్షరో మహామంత్రః సర్వాభీష్టఫలప్రదః || ౬ ||
హ్రీం బీజం మే ముఖం పాతు హృదయం భువనేశ్వరీ |
చంద్రబింబం వింశదాద్యం పాతు మే గుహ్యదేశకమ్ || ౭ ||
అక్షరోఽసౌ మహామంత్రః సర్వతంత్రేషు గోపితః |
శివో వహ్నిసమాయుక్తో వామాక్షీబిందుభూషితః || ౮ ||
ఏకాక్షరో మహామంత్రః శ్రీసూర్యస్య ప్రకీర్తితః |
గుహ్యాద్గుహ్యతరో మంత్రో వాంఛాచింతామణిః స్మృతః || ౯ ||
శీర్షాదిపాదపర్యంతం సదా పాతు మనూత్తమః |
ఇతి తే కథితం దివ్యం త్రిషు లోకేషు దుర్లభమ్ || ౧౦ ||
శ్రీప్రదం కాంతిదం నిత్యం ధనారోగ్యవివర్ధనమ్ |
కుష్ఠాదిరోగశమనం మహావ్యాధివినాశనమ్ || ౧౧ ||
త్రిసంధ్యం యః పఠేన్నిత్యమరోగీ బలవాన్భవేత్ |
బహునా కిమిహోక్తేన యద్యన్మనసి వర్తతే || ౧౨ ||
తత్తత్సర్వం భవేత్తస్య కవచస్య చ ధారణాత్ |
భూతప్రేతపిశాచాశ్చ యక్షగంధర్వరాక్షసాః || ౧౩ ||
బ్రహ్మరాక్షసవేతాలా న ద్రష్టుమపి తం క్షమాః |
దూరాదేవ పలాయంతే తస్య సంకీర్తనాదపి || ౧౪ ||
భూర్జపత్రే సమాలిఖ్య రోచనాగురుకుంకుమైః |
రవివారే చ సంక్రాంత్యాం సప్తమ్యాం చ విశేషతః |
ధారయేత్ సాధకశ్రేష్ఠః స పరో మే ప్రియో భవేత్ || ౧౫ || [శ్రీసూర్యస్య]
త్రిలోహమధ్యగం కృత్వా ధారయేద్దక్షిణే కరే |
శిఖాయామథవా కంఠే సోఽపి సూర్యో న సంశయః || ౧౬ ||
ఇతి తే కథితం సాంబ త్రైలోక్యమంగళాభిధమ్ |
కవచం దుర్లభం లోకే తవ స్నేహాత్ ప్రకాశితమ్ || ౧౭ ||
అజ్ఞాత్వా కవచం దివ్యం యో జపేత్ సూర్యముత్తమమ్ |
సిద్ధిర్న జాయతే తస్య కల్పకోటిశతైరపి || ౧౮ ||
ఇతి శ్రీబ్రహ్మయామలే త్రైలోక్యమంగళం నామ శ్రీ సూర్య కవచమ్ ||
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ సూర్య స్తోత్రనిధి
(నిత్య పారాయణ గ్రంథము)
మరిన్ని శ్రీ సూర్య స్తోత్రాలు చూడండి. మరిన్ని నవగ్రహ స్తోత్రాలు చూడండి.
గమనిక: రాబోయే ధనుర్మాసం సందర్భంగా "శ్రీ కృష్ణ స్తోత్రనిధి" ముద్రించుటకు ఆలోచన చేయుచున్నాము. ఇటీవల మేము "శ్రీ సాయి స్తోత్రనిధి" పుస్తకము విడుదల చేశాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
