Read in తెలుగు / ಕನ್ನಡ / தமிழ் / देवनागरी / English (IAST)
śrīsūrya uvāca |
sāmba sāmba mahābāhō śr̥ṇu mē kavacaṁ śubham |
trailōkyamaṅgalaṁ nāma kavacaṁ paramādbhutam || 1 ||
yajjñātvā mantravit samyak phalaṁ prāpnōti niścitam |
yaddhr̥tvā ca mahādēvō gaṇānāmadhipō:’bhavat || 2 ||
paṭhanāddhāraṇādviṣṇuḥ sarvēṣāṁ pālakaḥ sadā |
ēvamindrādayaḥ sarvē sarvaiśvaryamavāpnuyuḥ || 3 ||
kavacasya r̥ṣirbrahmā chandō:’nuṣṭubudāhr̥taḥ |
śrīsūryō dēvatā cātra sarvadēvanamaskr̥taḥ || 4 ||
yaśa ārōgyamōkṣēṣu viniyōgaḥ prakīrtitaḥ |
praṇavō mē śiraḥ pātu ghr̥ṇirmē pātu bhālakam || 5 ||
sūryō:’vyānnayanadvandvamādityaḥ karṇayugmakam |
aṣṭākṣarō mahāmantraḥ sarvābhīṣṭaphalapradaḥ || 6 ||
hrīṁ bījaṁ mē mukhaṁ pātu hr̥dayaṁ bhuvanēśvarī |
candrabimbaṁ viṁśadādyaṁ pātu mē guhyadēśakam || 7 ||
akṣarō:’sau mahāmantraḥ sarvatantrēṣu gōpitaḥ |
śivō vahnisamāyuktō vāmākṣībindubhūṣitaḥ || 8 ||
ēkākṣarō mahāmantraḥ śrīsūryasya prakīrtitaḥ |
guhyādguhyatarō mantrō vāñchācintāmaṇiḥ smr̥taḥ || 9 ||
śīrṣādipādaparyantaṁ sadā pātu manūttamaḥ |
iti tē kathitaṁ divyaṁ triṣu lōkēṣu durlabham || 10 ||
śrīpradaṁ kāntidaṁ nityaṁ dhanārōgyavivardhanam |
kuṣṭhādirōgaśamanaṁ mahāvyādhivināśanam || 11 ||
trisandhyaṁ yaḥ paṭhēnnityamarōgī balavānbhavēt |
bahunā kimihōktēna yadyanmanasi vartatē || 12 ||
tattatsarvaṁ bhavēttasya kavacasya ca dhāraṇāt |
bhūtaprētapiśācāśca yakṣagandharvarākṣasāḥ || 13 ||
brahmarākṣasavētālā na draṣṭumapi taṁ kṣamāḥ |
dūrādēva palāyantē tasya saṅkīrtanādapi || 14 ||
bhūrjapatrē samālikhya rōcanāgurukuṅkumaiḥ |
ravivārē ca saṅkrāntyāṁ saptamyāṁ ca viśēṣataḥ |
dhārayēt sādhakaśrēṣṭhaḥ sa parō mē priyō bhavēt || 15 || [śrīsūryasya]
trilōhamadhyagaṁ kr̥tvā dhārayēddakṣiṇē karē |
śikhāyāmathavā kaṇṭhē sō:’pi sūryō na saṁśayaḥ || 16 ||
iti tē kathitaṁ sāmba trailōkyamaṅgalābhidham |
kavacaṁ durlabhaṁ lōkē tava snēhāt prakāśitam || 17 ||
ajñātvā kavacaṁ divyaṁ yō japēt sūryamuttamam |
siddhirna jāyatē tasya kalpakōṭiśatairapi || 18 ||
iti śrībrahmayāmalē trailōkyamaṅgalaṁ nāma śrī sūrya kavacam ||
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
