Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ సూర్య స్తోత్రనిధి” పారాయణ గ్రంథములో కూడా ఉన్నది. Click here to buy.]
బృహస్పతిరువాచ |
ఇంద్ర శృణు ప్రవక్ష్యామి కవచం పరమాద్భుతమ్ |
యద్ధృత్వా మునయః పూతా జీవన్ముక్తాశ్చ భారతే || ౧ ||
కవచం బిభ్రతో వ్యాధిర్న భియాఽఽయాతి సన్నిధిమ్ |
యథా దృష్ట్వా వైనతేయం పలాయంతే భుజంగమాః || ౨ ||
శుద్ధాయ గురుభక్తాయ స్వశిష్యాయ ప్రకాశయేత్ |
ఖలాయ పరశిష్యాయ దత్త్వా మృత్యుమవాప్నుయాత్ || ౩ ||
జగద్విలక్షణస్యాస్య కవచస్య ప్రజాపతిః |
ఋషిశ్ఛందశ్చ గాయత్రీ దేవో దినకరః స్వయమ్ || ౪ ||
వ్యాధిప్రణాశే సౌందర్యే వినియోగః ప్రకీర్తితః |
సద్యో రోగహరం సారం సర్వపాపప్రణాశనమ్ || ౫ ||
ఓం క్లీం హ్రీం శ్రీం శ్రీసూర్యాయ స్వాహా మే పాతు మస్తకమ్ |
అష్టాదశాక్షరో మంత్రః కపాలం మే సదాఽవతు || ౬ ||
ఓం హ్రీం హ్రీం శ్రీం శ్రీం సూర్యాయ స్వాహా మే పాతు నాసికామ్ |
చక్షుర్మే పాతు సూర్యశ్చ తారకం చ వికర్తనః || ౭ ||
భాస్కరో మేఽధరం పాతు దంతాన్ దినకరః సదా |
ప్రచండః పాతు గండం మే మార్తాండః కర్ణమేవ చ |
మిహిరశ్చ సదా స్కంధే జంఘే పూషా సదాఽవతు || ౮ ||
వక్షః పాతు రవిః శశ్వన్నాభిం సూర్యః స్వయం సదా |
కంకాలం మే సదా పాతు సర్వదేవనమస్కృతః || ౯ ||
కర్ణౌ పాతు సదా బ్రధ్నః పాతు పాదౌ ప్రభాకరః |
విభాకరో మే సర్వాంగం పాతు సంతతమీశ్వరః || ౧౦ ||
ఇతి తే కథితం వత్స కవచం సుమనోహరమ్ |
జగద్విలక్షణం నామ త్రిజగత్సు సుదుర్లభమ్ || ౧౧ ||
పురా దత్తం చ మనవే పులస్త్యేన తు పుష్కరే |
మయా దత్తం చ తుభ్యం తద్యస్మై కస్మై న దేహి భోః || ౧౨ ||
వ్యాధితో ముచ్యసే త్వం చ కవచస్య ప్రసాదతః |
భవానరోగీ శ్రీమాంశ్చ భవిష్యతి న సంశయః || ౧౩ ||
లక్షవర్షహవిష్యేణ యత్ఫలం లభతే నరః |
తత్ఫలం లభతే నూనం కవచస్యాస్య ధారణాత్ || ౧౪ ||
ఇదం కవచమజ్ఞాత్వా యో మూఢో భాస్కరం యజేత్ |
దశలక్షప్రజప్తోఽపి మంత్రసిద్ధిర్న జాయతే || ౧౫ ||
ఇతి శ్రీబ్రహ్మవైవర్తే మహాపురాణే గణపతిఖండే ఏకోనవింశోఽధ్యాయే బృహస్పతి కృత శ్రీ సూర్య కవచమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ సూర్య స్తోత్రనిధి
(నిత్య పారాయణ గ్రంథము)
మరిన్ని శ్రీ సూర్య స్తోత్రాలు చూడండి. మరిన్ని నవగ్రహ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
