Read in తెలుగు / ಕನ್ನಡ / தமிழ் / देवनागरी / English (IAST)
నమస్తస్మై గణేశాయ సర్వవిఘ్నవినాశినే |
కార్యారంభేషు సర్వేషు పూజ్యతే యః సురైరపి || ౧ ||
శ్రీమన్మహాగణపతేః కవచస్య ఋషిః శివః |
గణపతిర్దేవతా చ గాయత్రీ ఛందః ఏవ చ |
ధర్మార్థకామమోక్షేషు వినియోగః ప్రకీర్తితః |
శక్తిః స్వాహా గ్లైం బీజం వినియోగస్య కీర్తితః ||
అథ న్యాసః |
ఓం శ్రీం హ్రీం క్లీం అంగుష్ఠాభ్యాం నమః |
గ్లౌం గం గణపతయే తర్జనీభ్యాం నమః |
వరవరద మధ్యమాభ్యాం నమః |
సర్వజనం మే అనామికాభ్యాం నమః |
వశమానయ కనిష్ఠికాభ్యాం నమః |
స్వాహా కరతలకరపృష్ఠాభ్యాం నమః |
ఏవం హృదయాది న్యాసః ||
ధ్యానం –
హస్తీంద్రాననమిందుచూడమరుణచ్ఛాయం త్రినేత్రం రసా-
-దాశ్లిష్టం ప్రియయా సపద్మకరయా స్వాంకస్థయా సంతతమ్ |
బీజాపూరగదాధనుస్త్రిశిఖయుక్ చక్రాబ్జపాశోత్పల
వ్రీహ్యగ్రస్వవిషాణరత్నకలశాన్ హస్తైర్వహంతం భజే |
కవచం –
ఓం బ్రహ్మబీజం శిరః పాతు కేవలం ముక్తిదాయకమ్ |
శ్రీం బీజమక్షిణీ పాతు సర్వసిద్ధిసమర్పకమ్ || ౧ ||
హృల్లేఖా శ్రోత్రయోః పాతు సర్వశత్రువినాశినీ |
కామబీజం కపోలౌ చ సర్వదుష్టనివారణమ్ || ౨ ||
గ్లౌం గం చ గణపతయే వాచం పాతు వినాయకః |
వరబీజం తథా జిహ్వాం వరదం హస్తయోస్తథా || ౩ ||
సర్వజనం మే చ బాహుద్వయం కంఠం గణేశ్వరః |
వశం మే పాతు హృదయం పాతు సిద్ధీశ్వరస్తథా || ౪ ||
నాభిం ఆనయ మే పాతు సర్వసిద్ధివినాయకః |
జంఘయోర్గుల్ఫయోః స్వాహా సర్వాంగం విఘ్ననాయకః || ౫ ||
గణపతిస్త్వగ్రతః పాతు గణేశః పృష్ఠతస్తథా |
దక్షిణే సిద్ధిదః పాతు వామే విశ్వార్తిహారకః || ౬ ||
దుర్జయో రక్షతు ప్రాచ్యామాగ్నేయ్యాం గణపస్తథా |
దక్షిణస్యాం గిరిజజో నైరృత్యాం శంభునందనః || ౭ ||
ప్రతీచ్యాం స్థాణుజః పాతు వాయవ్యామాఖువాహనః |
కౌబేర్యామీశ్వరః పాతు ఈశాన్యామీశ్వరాత్మజః || ౮ ||
అధో గణపతిః పాతు ఊర్ధం పాతు వినాయకః |
ఏతాభ్యో దశదిగ్భ్యస్తు పాతు నిత్యం గణేశ్వరః || ౯ ||
ఇతీదం కథితం దేవి బ్రహ్మవిద్యాకలేవరమ్ |
త్రైలోక్యమోహనం నామ కవచం బ్రహ్మరూపకమ్ || ౧౦ ||
ఇతి శ్రీమహాగణపతి త్రైలోక్యమోహనకవచం సంపూర్ణమ్ |
మరిన్ని శ్రీ గణేశ స్తోత్రాలు చూడండి.
గమనిక: శరన్నవరాత్రుల సందర్భంగా "శ్రీ లలితా స్తోత్రనిధి" మరియు "శ్రీ దుర్గా స్తోత్రనిధి" పుస్తకములు కొనుగోలుకు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
