Samsara Mohana Ganesha Kavacham – సంసారమోహన గణేశ కవచం


శ్రీవిష్ణురువాచ |
సంసారమోహనస్యాస్య కవచస్య ప్రజాపతిః |
ఋషిశ్ఛందశ్చ బృహతీ దేవో లంబోదరః స్వయమ్ || ౧ ||

ధర్మార్థకామమోక్షేషు వినియోగః ప్రకీర్తితః |
సర్వేషాం కవచానాం చ సారభూతమిదం మునే || ౨ ||

ఓం గం హుం శ్రీగణేశాయ స్వాహా మే పాతు మస్తకమ్ |
ద్వాత్రింశదక్షరో మంత్రో లలాటం మే సదాఽవతు || ౩ ||

ఓం హ్రీం క్లీం శ్రీం గమితి చ సంతతం పాతు లోచనమ్ |
తాలుకం పాతు విఘ్నేశః సంతతం ధరణీతలే || ౪ ||

ఓం హ్రీం శ్రీం క్లీమితి సంతతం పాతు నాసికామ్ |
ఓం గౌం గం శూర్పకర్ణాయ స్వాహా పాత్వధరం మమ || ౫ ||

దంతాని తాలుకాం జిహ్వాం పాతు మే షోడశాక్షరః |
ఓం లం శ్రీం లంబోదరాయేతి స్వాహా గండం సదాఽవతు || ౬ ||

ఓం క్లీం హ్రీం విఘ్ననాశాయ స్వహా కర్ణం సదాఽవతు |
ఓం శ్రీం గం గజాననాయేతి స్వాహా స్కంధం సదాఽవతు || ౭ ||

ఓం హ్రీం వినాయకాయేతి స్వాహా పృష్ఠం సదాఽవతు |
ఓం క్లీం హ్రీమితి కంకాలం పాతు వక్షఃస్థలం చ గమ్ || ౮ ||

కరౌ పాదౌ సదా పాతు సర్వాంగం విఘ్ననిఘ్నకృత్ |
ప్రాచ్యాం లంబోదరః పాతు ఆగ్నేయ్యాం విఘ్ననాయకః || ౯ ||

దక్షిణే పాతు విఘ్నేశో నైరృత్యాం తు గజాననః |
పశ్చిమే పార్వతీపుత్రో వాయవ్యాం శంకరాత్మజః || ౧౦ ||

కృష్ణస్యాంశశ్చోత్తరే చ పరిపూర్ణతమస్య చ |
ఐశాన్యామేకదంతశ్చ హేరంబః పాతు చోర్ధ్వతః || ౧౧ ||

అధో గణాధిపః పాతు సర్వపూజ్యశ్చ సర్వతః |
స్వప్నే జాగరణే చైవ పాతు మాం యోగినాం గురుః || ౧౨ ||

కథితం గణనాథస్య సర్వమంత్రౌఘవిగ్రహమ్ |
సంసారమోహనం నామ కవచం పరమాద్భుతమ్ |
పరం వరం సర్వపూజ్యం సర్వసంకటతారణమ్ || ౧౩ ||

ఇతి బ్రహ్మవైవర్తే గణపతిఖండే సంసారమోహనం నామ గణేశ కవచమ్ |


మరిన్ని శ్రీ గణేశ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed