Sankata Nashana Ganesha Stotram (Deva Krutam) – సంకటనాశన గణేశ స్తోత్రం (దేవ కృతం)

(గమనిక: ఈ స్తోత్రము “శ్రీ గణేశ స్తోత్రనిధి” పారాయణ గ్రంథములో కూడా ఉన్నది. Click here to buy.)

నమో నమస్తే పరమార్థరూప
నమో నమస్తేఽఖిలకారణాయ |
నమో నమస్తేఽఖిలకారకాయ
సర్వేంద్రియాణామధివాసినేఽపి || ౧ ||

నమో నమో భూతమయాయ తేఽస్తు
నమో నమో భూతకృతే సురేశ |
నమో నమః సర్వధియాం ప్రబోధ
నమో నమో విశ్వలయోద్భవాయ || ౨ ||

నమో నమో విశ్వభృతేఽఖిలేశ
నమో నమః కారణ కారణాయ |
నమో నమో వేదవిదామదృశ్య
నమో నమః సర్వవరప్రదాయ || ౩ ||

నమో నమో వాగవిచారభూత
నమో నమో విఘ్ననివారణాయ |
నమో నమోఽభక్త మనోరథఘ్నే
నమో నమో భక్త మనోరథజ్ఞ || ౪ ||

నమో నమో భక్తమనోరథేశ
నమో నమో విశ్వవిధానదక్ష |
నమో నమో దైత్యవినాశహేతో
నమో నమః సంకటనాశకాయ || ౫ ||

నమో నమః కారుణికోత్తమాయ
నమో నమో జ్ఞానమయాయ తేఽస్తు |
నమో నమోఽజ్ఞానవినాశనాయ
నమో నమో భక్త విభూతిదాయ || ౬ ||

నమో నమోఽభక్త విభూతిహంత్రే
నమో నమో భక్త విమోచనాయ |
నమో నమోఽభక్త విబంధనాయ
నమో నమస్తే ప్రవిభక్తమూర్తే || ౭ ||

నమో నమస్తత్త్వవిబోధకాయ
నమో నమస్తత్త్వవిదుత్తమాయ |
నమో నమస్తేఽఖిల కర్మసాక్షిణే
నమో నమస్తే గుణనాయకాయ || ౮ ||

ఇతి శ్రీగణేశపురాణే ఉపాసనాఖండే చత్వారింశోఽధ్యాయే దేవకృత సంకష్టనాశన గణేశ సోత్రం సంపూర్ణమ్ ||


(గమనిక: ఈ స్తోత్రము “శ్రీ గణేశ స్తోత్రనిధి” పారాయణ గ్రంథములో కూడా ఉన్నది. Click here to buy.)


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

error: Not allowed
%d bloggers like this: