Read in తెలుగు / ಕನ್ನಡ / தமிழ் / देवनागरी / English (IAST)
|| రావణశంకానివారణమ్ ||
తస్యాస్తద్వచనం శ్రుత్వా హనుమాన్హరియూథపః |
దుఃఖాద్దుఃఖాభిభూతాయాః సాంత్వముత్తరమబ్రవీత్ || ౧ ||
అహం రామస్య సందేశాద్దేవి దూతస్తవాగతః |
వైదేహి కుశలీ రామస్త్వాం చ కౌశలమబ్రవీత్ || ౨ ||
యో బ్రాహ్మమస్త్రం వేదాంశ్చ వేద వేదవిదాం వరః |
స త్వాం దాశరథీ రామో దేవి కౌశలమబ్రవీత్ || ౩ ||
లక్ష్మణశ్చ మహాతేజా భర్తుస్తేఽనుచరః ప్రియః |
కృతవాన్ శోకసంతప్తః శిరసా తేఽభివాదనమ్ || ౪ ||
సా తయోః కుశలం దేవీ నిశమ్య నరసింహయోః |
ప్రీతిసంహృష్టసర్వాంగీ హనుమంతమథాబ్రవీత్ || ౫ ||
కల్యాణీ బత గాథేయం లౌకికీ ప్రతిభాతి మా |
ఏతి జీవంతమానందో నరం వర్షశతాదపి || ౬ ||
తయా సమాగతే తస్మిన్ప్రీతిరుత్పాదితాఽద్భుతా |
పరస్పరేణ చాలాపం విశ్వస్తౌ తౌ ప్రచక్రతుః || ౭ ||
తస్యాస్తద్వచనం శ్రుత్వా హనుమాన్హరియూథపః |
సీతాయాః శోకదీనాయాః సమీపముపచక్రమే || ౮ ||
యథా యథా సమీపం స హనుమానుపసర్పతి |
తథా తథా రావణం సా తం సీతా పరిశంకతే || ౯ ||
అహో ధిగ్దుష్కృతమిదం కథితం హి యదస్య మే |
రూపాంతరముపాగమ్య స ఏవాయం హి రావణః || ౧౦ ||
తామశోకస్య శాఖాం సా విముక్త్వా శోకకర్శితా |
తస్యామేవానవద్యాంగీ ధరణ్యాం సముపావిశత్ || ౧౧ ||
హనుమానపి దుఃఖార్తాం తాం దృష్ట్వా భయమోహితామ్ |
అవందత మహాబాహుస్తతస్తాం జనకాత్మజామ్ || ౧౨ ||
సా చైనం భయవిత్రస్తా భూయో నైవాభ్యుదైక్షత |
తం దృష్ట్వా వందమానం తు సీతా శశినిభాననా || ౧౩ ||
అబ్రవీద్దీర్ఘముచ్ఛ్వస్య వానరం మధురస్వరా |
మాయాం ప్రవిష్టో మాయావీ యది త్వం రావణః స్వయమ్ || ౧౪ ||
ఉత్పాదయసి మే భూయః సంతాపం తన్న శోభనమ్ |
స్వం పరిత్యజ్య రూపం యః పరివ్రాజకరూపధృత్ || ౧౫ ||
జనస్థానే మయా దృష్టస్త్వం స ఏవాసి రావణః |
ఉపవాసకృశాం దీనాం కామరూప నిశాచర || ౧౬ ||
సంతాపయసి మాం భూయః సంతప్తాం తన్న శోభనమ్ |
అథవా నైతదేవం హి యన్మయా పరిశంకితమ్ || ౧౭ ||
మనసో హి మమ ప్రీతిరుత్పన్నా తవ దర్శనాత్ |
యది రామస్య దూతస్త్వమాగతో భద్రమస్తు తే || ౧౮ ||
పృచ్ఛామి త్వాం హరిశ్రేష్ఠ ప్రియా రామకథా హి మే |
గుణాన్రామస్య కథయ ప్రియస్య మమ వానర || ౧౯ ||
చిత్తం హరసి మే సౌమ్య నదీకూలం యథా రయః |
అహో స్వప్నస్య సుఖతా యాహమేవం చిరాహృతా || ౨౦ ||
ప్రేషితం నామ పశ్యామి రాఘవేణ వనౌకసమ్ |
స్వప్నేఽపి యద్యహం వీరం రాఘవం సహలక్ష్మణమ్ || ౨౧ ||
పశ్యేయం నావసీదేయం స్వప్నోఽపి మమ మత్సరీ |
నాహం స్వప్నమిమం మన్యే స్వప్నే దృష్ట్వా హి వానరమ్ || ౨౨ ||
న శక్యోఽభ్యుదయః ప్రాప్తుం ప్రాప్తశ్చాభ్యుదయో మమ |
కిం ను స్యాచ్చిత్తమోహోఽయం భవేద్వాతగతిస్త్వియమ్ || ౨౩ ||
ఉన్మాదజో వికారో వా స్యాదియం మృగతృష్ణికా |
అథవా నాయమున్మాదో మోహోఽప్యున్మాదలక్షణః || ౨౪ ||
సంబుధ్యే చాహమాత్మానమిమం చాపి వనౌకసమ్ |
ఇత్యేవం బహుధా సీతా సంప్రధార్య బలాబలమ్ || ౨౫ ||
రక్షసాం కామరూపత్వాన్మేనే తం రాక్షసాధిపమ్ |
ఏతాం బుద్ధిం తదా కృత్వా సీతా సా తనుమధ్యమా || ౨౬ ||
న ప్రతివ్యాజహారాథ వానరం జనకాత్మజా |
సీతాయాశ్చింతితం బుద్ధ్వా హనుమాన్మారుతాత్మజః || ౨౭ ||
శ్రోత్రానుకూలైర్వచనైస్తదా తాం సంప్రహర్షయత్ |
ఆదిత్య ఇవ తేజస్వీ లోకకాంతః శశీ యథా || ౨౮ ||
రాజా సర్వస్య లోకస్య దేవో వైశ్రవణో యథా |
విక్రమేణోపపన్నశ్చ యథా విష్ణుర్మహాయశాః || ౨౯ ||
సత్యవాదీ మధురవాగ్దేవో వాచస్పతిర్యథా |
రూపవాన్సుభగః శ్రీమాన్కందర్ప ఇవ మూర్తిమాన్ || ౩౦ ||
స్థానక్రోధః ప్రహర్తా చ శ్రేష్ఠో లోకే మహారథః |
బాహుచ్ఛాయామవష్టబ్ధో యస్య లోకో మహాత్మనః || ౩౧ ||
అపకృష్యాశ్రమపదాన్మృగరూపేణ రాఘవమ్ |
శూన్యే యేనాపనీతాసి తస్య ద్రక్ష్యసి యత్ఫలమ్ || ౩౨ ||
న చిరాద్రావణం సంఖ్యే యో వధిష్యతి వీర్యవాన్ |
రోషప్రముక్తైరిషుభిర్జ్వలద్భిరివ పావకైః || ౩౩ ||
తేనాహం ప్రేషితో దూతస్త్వత్సకాశమిహాగతః |
త్వద్వియోగేన దుఃఖార్తః స త్వాం కౌశలమబ్రవీత్ || ౩౪ ||
లక్ష్మణశ్చ మహాతేజాః సుమిత్రానందవర్ధనః |
అభివాద్య మహాబాహుః స త్వాం కౌశలమబ్రవీత్ || ౩౫ ||
రామస్య చ సఖా దేవి సుగ్రీవో నామ వానరః |
రాజా వానరముఖ్యానాం స త్వాం కౌశలమబ్రవీత్ || ౩౬ ||
నిత్యం స్మరతి రామస్త్వాం ససుగ్రీవః సలక్ష్మణః |
దిష్ట్యా జీవసి వైదేహి రాక్షసీవశమాగతా || ౩౭ ||
న చిరాద్ద్రక్ష్యసే రామం లక్ష్మణం చ మహాబలమ్ |
మధ్యే వానరకోటీనాం సుగ్రీవం చామితౌజసమ్ || ౩౮ ||
అహం సుగ్రీవసచివో హనుమాన్నామ వానరః |
ప్రవిష్టో నగరీం లంకాం లంఘయిత్వా మహోదధిమ్ || ౩౯ ||
కృత్వా మూర్ధ్ని పదన్యాసం రావణస్య దురాత్మనః |
త్వాం ద్రష్టుముపయాతోఽహం సమాశ్రిత్య పరాక్రమమ్ || ౪౦ ||
నాహమస్మి తథా దేవి యథా మామవగచ్ఛసి |
విశంకా త్యజ్యతామేషా శ్రద్ధత్స్వ వదతో మమ || ౪౧ ||
ఇత్యార్షే శ్రీమద్రామాయణే వాల్మీకీయే ఆదికావ్యే సుందరకాండే చతుస్త్రింశః సర్గః || ౩౪ ||
సుందరకాండ – పంచత్రింశః సర్గః (౩౫) >>
సంపూర్ణ వాల్మీకి సుందరకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
Share this:
2 thoughts on “Sundarakanda Sarga (Chapter) 34 – సుందరకాండ చతుస్త్రింశః సర్గః (౩౪)”
స్పందించండి
వ్యాఖ్యానించడానికి మీరు తప్పనిసరిగా ప్రవేశించి ఉండాలి.
సుందరకాండ లో మూలం తో పాటు తెలుగు ప్రతిపదార్థం ను కూడా ఉంటే మీకు ఆ మహాశివుని అనుగ్రహం తో పాటు,పాఠకులు యొక్క ఆనందానికి కారకులు అవుతారు….దయచేసి చేస్తారని ఆ భగవంతుడిని వేడుకుంటున్నాను….స్వస్తి…
స్తోత్రనిధి నిజంగానే ఆస్తిక జనాలకి ఒక నిధి.