Sri Suryarya Stotram (Yajnavalkya Krutham) – శ్రీ సూర్యార్యా స్తోత్రం (యాజ్ఞవల్క్య కృతం)


[గమనిక: ఈ స్తోత్రము “శ్రీ సూర్య స్తోత్రనిధి” పారాయణ గ్రంథములో కూడా ఉన్నది. Click here to buy.]

శుకతుండచ్ఛవిసవితుశ్చండరుచేః పుండరీకవనబంధోః |
మండలముదితం వందే కుండలమాఖండలాశాయాః || ౧ ||

యస్యోదయాస్తసమయే సురముకుటనిఘృష్టచరణకమలోఽపి |
కురుతేంజలిం త్రినేత్రః స జయతి ధామ్నాం నిధిః సూర్యః || ౨ ||

ఉదయాచలతిలకాయ ప్రణతోఽస్మి వివస్వతే గ్రహేశాయ |
అంబరచూడామణయే దిగ్వనితాకర్ణపూరాయ || ౩ ||

జయతి జనానందకరః కరనికరనిరస్తతిమిరసంఘాతః |
లోకాలోకాలోకః కమలారుణమండలః సూర్యః || ౪ ||

ప్రతిబోధితకమలవనః కృతఘటనశ్చక్రవాకమిథునానామ్ |
దర్శితసమస్తభువనః పరహితనిరతో రవిః సదా జయతి || ౫ ||

అపనయతు సకలకలికృతమలపటలం సప్రతప్తకనకాభః |
అరవిందవృందవిఘటనపటుతరకిరణోత్కరః సవితా || ౬ ||

ఉదయాద్రిచారుచామర హరితహయఖురపరిహతరేణురాగ |
హరితహయ హరితపరికర గగనాంగణదీపక నమస్తేఽస్తు || ౭ ||

ఉదితవతి త్వయి విలసతి ముకులీయతి సమస్తమస్తమితబింబే |
న హ్యన్యస్మిన్ దినకర సకలం కమలాయతే భువనమ్ || ౮ ||

జయతి రవిరుదయసమయే బాలాతపః కనకసన్నిభో యస్య |
కుసుమాంజలిరివ జలధౌ తరంతి రథసప్తయః సప్త || ౯ ||

ఆర్యాః సాంబపురే సప్త ఆకాశాత్పతితా భువి |
యస్య కంఠే గృహే వాపి న స లక్ష్మ్యా వియుజ్యతే || ౧౦ ||

ఆర్యాః సప్త సదా యస్తు సప్తమ్యాం సప్తధా జపేత్ |
తస్య గేహం చ దేహం చ పద్మా సత్యం న ముంచతి || ౧౧ ||

నిధిరేష దరిద్రాణాం రోగిణాం పరమౌషధమ్ |
సిద్ధిః సకలకార్యాణాం గాథేయం సంస్మృతా రవేః || ౧౨ ||

ఇతి శ్రీయాజ్ఞవల్క్య విరచితం శ్రీ సూర్యార్యా స్తోత్రమ్ |


గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.

శ్రీ సూర్య స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ సూర్య స్తోత్రాలు చూడండి. మరిన్ని నవగ్రహ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed
%d bloggers like this: