Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ సూర్య స్తోత్రనిధి” పారాయణ గ్రంథములో కూడా ఉన్నది. Click here to buy.]
సూర్యోఽర్యమా భగస్త్వష్టా పూషార్కః సవితా రవిః |
గభస్తిమానజః కాలో మృత్యుర్ధాతా ప్రభాకరః || ౧ ||
పృథివ్యాపశ్చ తేజశ్చ ఖం వాయుశ్చ పరాయణః |
సోమో బృహస్పతిః శుక్రో బుధోఽంగారక ఏవ చ || ౨ ||
ఇంద్రో వివస్వాన్ దీప్తాంశుః శుచిః శౌరిః శనైశ్చరః |
బ్రహ్మా విష్ణుశ్చ రుద్రశ్చ స్కందో వైశ్రవణో యమః || ౩ ||
వైద్యుతో జాఠరశ్చాగ్నిరైంధనస్తేజసాం పతిః |
ధర్మధ్వజో వేదకర్తా వేదాంగో వేదవాహనః || ౪ ||
కృతం త్రేతా ద్వాపరశ్చ కలిః సర్వామరాశ్రయః |
కలా కాష్ఠా ముహూర్తాశ్చ పక్షా మాసా ఋతుస్తథా || ౫ ||
సంవత్సరకరోఽశ్వత్థః కాలచక్రో విభావసుః |
పురుషః శాశ్వతో యోగీ వ్యక్తావ్యక్తః సనాతనః || ౬ ||
లోకాధ్యక్షః ప్రజాధ్యక్షో విశ్వకర్మా తమోనుదః |
వరుణః సాగరోఽంశుశ్చ జీమూతో జీవనోఽరిహా || ౭ ||
భూతాశ్రయో భూతపతిః సర్వభూతనిషేవితః |
మణిః సువర్ణో భూతాదిః కామదః సర్వతోముఖః || ౮ ||
జయో విశాలో వరదః శీఘ్రగః ప్రాణధారణః |
ధన్వంతరిర్ధూమకేతురాదిదేవోఽదితేః సుతః || ౯ ||
ద్వాదశాత్మారవిందాక్షః పితా మాతా పితామహః |
స్వర్గద్వారం ప్రజాద్వారం మోక్షద్వారం త్రివిష్టపమ్ || ౧౦ ||
దేహకర్తా ప్రశాంతాత్మా విశ్వాత్మా విశ్వతోముఖః |
చరాచరాత్మా సూక్ష్మాత్మా మైత్రేణ వపుషాన్వితః || ౧౧ ||
ఏతద్వై కీర్తనీయస్య సూర్యస్యైవ మహాత్మనః |
నామ్నామష్టోత్తరశతం ప్రోక్తం శక్రేణ ధీమతా || ౧౨ ||
శక్రాచ్చ నారదః ప్రాప్తో ధౌమ్యశ్చ తదనంతరమ్ |
ధౌమ్యాద్యుధిష్ఠిరః ప్రాప్య సర్వాన్ కామానవాప్తవాన్ || ౧౩ ||
సురపితృగణయక్షసేవితం
హ్యసురనిశాచరసిద్ధవందితమ్ |
వరకనకహుతాశనప్రభం
త్వమపి మనస్యభిధేహి భాస్కరమ్ || ౧౪ ||
సూర్యోదయే యస్తు సమాహితః పఠేత్
స పుత్రలాభం ధనరత్నసంచయాన్ |
లభేత జాతిస్మరతాం సదా నరః
స్మృతిం చ మేధాం చ స విందతే పుమాన్ || ౧౫ ||
ఇమం స్తవం దేవవరస్య యో నరః
ప్రకీర్తయేచ్ఛుద్ధమనాః సమాహితః |
స ముచ్యతే శోకదవాగ్నిసాగరా-
-ల్లభేత కామాన్మనసా యథేప్సితాన్ || ౧౬ ||
ఇతి శ్రీమన్మహాభారతే ఆరణ్యకపర్వణి తృతీయోఽధ్యాయే శ్రీ సూర్యాష్టోత్తరశతనామ స్తోత్రమ్ ||
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ సూర్య స్తోత్రనిధి
(నిత్య పారాయణ గ్రంథము)
మరిన్ని శ్రీ సూర్య స్తోత్రాలు చూడండి. మరిన్ని నవగ్రహ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
