Sri Surya Ashtottara Shatanama Stotram 2 – ஶ்ரீ ஸூர்யாஷ்டோத்தரஶதநாம ஸ்தோத்ரம் – 2

ஸ்தோத்ரநிதி → ஶ்ரீ ஸூர்ய ஸ்தோத்திரங்கள் → ஶ்ரீ ஸூர்யாஷ்டோத்தரஶதநாம ஸ்தோத்ரம் – 2

ஸூர்யோ(அ)ர்யமா ப⁴க³ஸ்த்வஷ்டா பூஷார்க꞉ ஸவிதா ரவி꞉ ।
க³ப⁴ஸ்திமாநஜ꞉ காலோ ம்ருத்யுர்தா⁴தா ப்ரபா⁴கர꞉ ॥ 1 ॥

ப்ருதி²வ்யாபஶ்ச தேஜஶ்ச க²ம் வாயுஶ்ச பராயண꞉ ।
ஸோமோ ப்³ருஹஸ்பதி꞉ ஶுக்ரோ பு³தோ⁴(அ)ங்கா³ரக ஏவ ச ॥ 2 ॥

இந்த்³ரோ விவஸ்வாந் தீ³ப்தாம்ஶு꞉ ஶுசி꞉ ஶௌரி꞉ ஶநைஶ்சர꞉ ।
ப்³ரஹ்மா விஷ்ணுஶ்ச ருத்³ரஶ்ச ஸ்கந்தோ³ வைஶ்ரவணோ யம꞉ ॥ 3 ॥

வைத்³யுதோ ஜாட²ரஶ்சாக்³நிரைந்த⁴நஸ்தேஜஸாம் பதி꞉ ।
த⁴ர்மத்⁴வஜோ வேத³கர்தா வேதா³ங்கோ³ வேத³வாஹந꞉ ॥ 4 ॥

க்ருதம் த்ரேதா த்³வாபரஶ்ச கலி꞉ ஸர்வாமராஶ்ரய꞉ ।
கலா காஷ்டா² முஹூர்தாஶ்ச பக்ஷா மாஸா ருதுஸ்ததா² ॥ 5 ॥

ஸம்வத்ஸரகரோ(அ)ஶ்வத்த²꞉ காலசக்ரோ விபா⁴வஸு꞉ ।
புருஷ꞉ ஶாஶ்வதோ யோகீ³ வ்யக்தாவ்யக்த꞉ ஸநாதந꞉ ॥ 6 ॥

லோகாத்⁴யக்ஷ꞉ ப்ரஜாத்⁴யக்ஷோ விஶ்வகர்மா தமோநுத³꞉ ।
வருண꞉ ஸாக³ரோ(அ)ம்ஶுஶ்ச ஜீமூதோ ஜீவநோ(அ)ரிஹா ॥ 7 ॥

பூ⁴தாஶ்ரயோ பூ⁴தபதி꞉ ஸர்வபூ⁴தநிஷேவித꞉ ।
மணி꞉ ஸுவர்ணோ பூ⁴தாதி³꞉ காமத³꞉ ஸர்வதோமுக²꞉ ॥ 8 ॥

ஜயோ விஶாலோ வரத³꞉ ஶீக்⁴ரக³꞉ ப்ராணதா⁴ரண꞉ ।
த⁴ந்வந்தரிர்தூ⁴மகேதுராதி³தே³வோ(அ)தி³தே꞉ ஸுத꞉ ॥ 9 ॥

த்³வாத³ஶாத்மாரவிந்தா³க்ஷ꞉ பிதா மாதா பிதாமஹ꞉ ।
ஸ்வர்க³த்³வாரம் ப்ரஜாத்³வாரம் மோக்ஷத்³வாரம் த்ரிவிஷ்டபம் ॥ 10 ॥

தே³ஹகர்தா ப்ரஶாந்தாத்மா விஶ்வாத்மா விஶ்வதோமுக²꞉ ।
சராசராத்மா ஸூக்ஷ்மாத்மா மைத்ரேண வபுஷாந்வித꞉ ॥ 11 ॥

ஏதத்³வை கீர்தநீயஸ்ய ஸூர்யஸ்யைவ மஹாத்மந꞉ ।
நாம்நாமஷ்டோத்தரஶதம் ப்ரோக்தம் ஶக்ரேண தீ⁴மதா ॥ 12 ॥

ஶக்ராச்ச நாரத³꞉ ப்ராப்தோ தௌ⁴ம்யஶ்ச தத³நந்தரம் ।
தௌ⁴ம்யாத்³யுதி⁴ஷ்டி²ர꞉ ப்ராப்ய ஸர்வாந் காமாநவாப்தவாந் ॥ 13 ॥

ஸுரபித்ருக³ணயக்ஷஸேவிதம்
ஹ்யஸுரநிஶாசரஸித்³த⁴வந்தி³தம் ।
வரகநகஹுதாஶநப்ரப⁴ம்
த்வமபி மநஸ்யபி⁴தே⁴ஹி பா⁴ஸ்கரம் ॥ 14 ॥

ஸூர்யோத³யே யஸ்து ஸமாஹித꞉ படே²த்
ஸ புத்ரளாப⁴ம் த⁴நரத்நஸஞ்சயாந் ।
லபே⁴த ஜாதிஸ்மரதாம் ஸதா³ நர꞉
ஸ்ம்ருதிம் ச மேதா⁴ம் ச ஸ விந்த³தே புமாந் ॥ 15 ॥

இமம் ஸ்தவம் தே³வவரஸ்ய யோ நர꞉
ப்ரகீர்தயேச்சு²த்³த⁴மநா꞉ ஸமாஹித꞉ ।
ஸ முச்யதே ஶோகத³வாக்³நிஸாக³ரா-
-ல்லபே⁴த காமாந்மநஸா யதே²ப்ஸிதாந் ॥ 16 ॥

இதி ஶ்ரீமந்மஹாபா⁴ரதே ஆரண்யகபர்வணி த்ருதீயோ(அ)த்⁴யாயே ஶ்ரீ ஸூர்யாஷ்டோத்தரஶதநாம ஸ்தோத்ரம் ॥

---

மேலும் ஶ்ரீ ஸூர்ய ஸ்தோத்திரங்கள் பார்க்கவும். மேலும் நவக்ரஹ ஸ்தோத்திரங்கள் பார்க்கவும்.

Did you see any mistake/variation in the content above? Click here to report mistakes and corrections in Stotranidhi content.