Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రం “శ్రీ నరసింహ స్తోత్రనిధి” పారాయణ గ్రంథములో కూడా ఉన్నది. Click here to buy.]
మార్కండేయ ఉవాచ |
నారాయణం సహస్రాక్షం పద్మనాభం పురాతనమ్ |
ప్రణతోఽస్మి హృషీకేశం కిం మే మృత్యుః కరిష్యతి || ౧ ||
గోవిందం పుండరీకాక్షమనంతమజమవ్యయమ్ |
కేశవం చ ప్రపన్నోఽస్మి కిం మే మృత్యుః కరిష్యతి || ౨ ||
వాసుదేవం జగద్యోనిం భానువర్ణమతీంద్రియమ్ |
దామోదరం ప్రపన్నోఽస్మి కిం మే మృత్యుః కరిష్యతి || ౩ ||
శంఖచక్రధరం దేవం ఛన్నరూపిణమవ్యయమ్ |
అధోక్షజం ప్రపన్నోఽస్మి కిం మే మృత్యుః కరిష్యతి || ౪ ||
వారాహం వామనం విష్ణుం నరసింహం జనార్దనమ్ |
మాధవం చ ప్రపన్నోఽస్మి కిం మే మృత్యుః కరిష్యతి || ౫ ||
పురుషం పుష్కరం పుణ్యం క్షేమబీజం జగత్పతిమ్ |
లోకనాథం ప్రపన్నోఽస్మి కిం మే మృత్యుః కరిష్యతి || ౬ ||
భూతాత్మానం మహాత్మానం జగద్యోనిమయోనిజమ్ |
విశ్వరూపం ప్రపన్నోఽస్మి కిం మే మృత్యుః కరిష్యతి || ౭ ||
సహస్రశిరసం దేవం వ్యక్తావ్యక్తం సనాతనమ్ |
మహాయోగం ప్రపన్నోఽస్మి కిం మే మృత్యుః కరిష్యతి || ౮ ||
ఇత్యుదీరితమాకర్ణ్య స్తోత్రం తస్య మహాత్మనః |
అపయాతస్తతో మృత్యుర్విష్ణుదూతైశ్చ పీడితః || ౯ ||
ఇతి తేన జితో మృత్యుర్మార్కండేయేన ధీమతా |
ప్రసన్నే పుండరీకాక్షే నృసింహే నాస్తి దుర్లభమ్ || ౧౦ ||
మృత్యుంజయమిదం పుణ్యం మృత్యుప్రశమనం శుభమ్ |
మార్కండేయహితార్థాయ స్వయం విష్ణురువాచ హ || ౧౧ ||
య ఇదం పఠతే భక్త్యా త్రికాలం నియతః శుచిః |
నాకాలే తస్య మృత్యుః స్యాన్నరస్యాచ్యుతచేతసః || ౧౨ ||
హృత్పద్మమధ్యే పురుషం పురాణం
నారాయణం శాశ్వతమాదిదేవమ్ |
సంచింత్య సూర్యాదపి రాజమానం
మృత్యుం స యోగీ జితవాంస్తదైవ || ౧౩ ||
ఇతి శ్రీనరసింహపురాణే సప్తమోఽధ్యాయే మార్కండేయ ప్రోక్త మృత్యుంజయ స్తోత్రమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ నరసింహ స్తోత్రనిధి
(నిత్య పారాయణ గ్రంథము)
మరిన్ని శ్రీ నృసింహ స్తోత్రాలు చూడండి.
గమనిక: ఇటివలి ప్రచురణలు "శ్రీ కృష్ణ స్తోత్రనిధి" మరియు "శ్రీ ఆంజనేయ స్తోత్రనిధి"
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
