Brahma Krutha Surya Stuti – శ్రీ సూర్య స్తుతిః (బ్రహ్మ కృతం)


[గమనిక: ఈ స్తోత్రము “శ్రీ సూర్య స్తోత్రనిధి” పారాయణ గ్రంథములో కూడా ఉన్నది. Click here to buy.]

బ్రహ్మోవాచ |
ఆదిదేవోఽసి దేవానామైశ్వర్యాచ్చ త్వమీశ్వరః |
ఆదికర్తాఽసి భూతానాం దేవదేవో దివాకరః || ౧ ||

జీవనః సర్వభూతానాం దేవగంధర్వరక్షసామ్ |
మునికిన్నరసిద్ధానాం తథైవోరగపక్షిణామ్ || ౨ ||

త్వం బ్రహ్మా త్వం మహాదేవస్త్వం విష్ణుస్త్వం ప్రజాపతిః |
వాయురింద్రశ్చ సోమశ్చ వివస్వాన్ వరుణస్తథా || ౩ ||

త్వం కాలః సృష్టికర్తా చ హర్తా భర్తా తథా ప్రభుః |
సరితః సాగరాః శైలా విద్యుదింద్రధనూంషి చ || ౪ ||

ప్రళయః ప్రభవశ్చైవ వ్యక్తావ్యక్తః సనాతనః |
ఈశ్వరాత్పరతో విద్యా విద్యాయాః పరతః శివః || ౫ ||

శివాత్పరతరో దేవస్త్వమేవ పరమేశ్వరః |
సర్వతః పాణిపాదాంతః సర్వతోక్షిశిరోముఖః || ౬ ||

సహస్రాంశుః సహస్రాస్యః సహస్రచరణేక్షణః |
భూతాదిర్భూర్భువః స్వశ్చ మహః సత్యం తపో జనః || ౭ ||

ప్రదీప్తం దీపనం దివ్యం సర్వలోకప్రకాశకమ్ |
దుర్నిరీక్ష్యం సురేంద్రాణాం యద్రూపం తస్య తే నమః || ౮ ||

సురసిద్ధగణైర్జుష్టం భృగ్వత్రిపులహాదిభిః |
స్తుతస్య పరమవ్యక్తం యద్రూపం తస్య తే నమః || ౯ ||

వేద్యం వేదవిదాం నిత్యం సర్వజ్ఞానసమన్వితమ్ |
సర్వదేవాధిదేవస్య యద్రూపం తస్య తే నమః || ౧౦ ||

విశ్వకృద్విశ్వభూతం చ వైశ్వానరసురార్చితమ్ |
విశ్వస్థితమవేద్యం చ యద్రూపం తస్య తే నమః || ౧౧ ||

పరం యజ్ఞాత్పరం వేదాత్పరం లోకాత్పరం దివః |
పరమాత్మేత్యభిఖ్యాతం యద్రూపం తస్య తే నమః || ౧౨ ||

అవిజ్ఞేయమనాలక్ష్యమధ్యానగతమవ్యయమ్ |
అనాదినిధనం చైవ యద్రూపం తస్య తే నమః || ౧౩ ||

నమో నమః కారణకారణాయ
నమో నమః పాపవిమోచనాయ |
నమో నమస్తేఽదితివందితాయ
నమో నమో రోగవినాశనాయ || ౧౪ ||

నమో నమః సర్వవరప్రదాయ
నమో నమః సర్వసుఖప్రదాయ |
నమో నమః సర్వధనప్రదాయ
నమో నమః సర్వమతిప్రదాయ || ౧౫ ||

ఇతి శ్రీబ్రహ్మపురాణే ఏకత్రింశోఽధ్యాయే బ్రహ్మకృత శ్రీ సూర్య స్తుతిః |


గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.

శ్రీ సూర్య స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ సూర్య స్తోత్రాలు చూడండి. మరిన్ని నవగ్రహ స్తోత్రాలు చూడండి.


గమనిక: రాబోయే హనుమజ్జయంతి సందర్భంగా హనుమాన్ స్తోత్రాలతో కూడిన "శ్రీ రామ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed