Read in తెలుగు / ಕನ್ನಡ / தமிழ் / देवनागरी / English (IAST)
brahmōvāca |
ādidēvō:’si dēvānāmaiśvaryācca tvamīśvaraḥ |
ādikartā:’si bhūtānāṁ dēvadēvō divākaraḥ || 1 ||
jīvanaḥ sarvabhūtānāṁ dēvagandharvarakṣasām |
munikinnarasiddhānāṁ tathaivōragapakṣiṇām || 2 ||
tvaṁ brahmā tvaṁ mahādēvastvaṁ viṣṇustvaṁ prajāpatiḥ |
vāyurindraśca sōmaśca vivasvān varuṇastathā || 3 ||
tvaṁ kālaḥ sr̥ṣṭikartā ca hartā bhartā tathā prabhuḥ |
saritaḥ sāgarāḥ śailā vidyudindradhanūṁṣi ca || 4 ||
pralayaḥ prabhavaścaiva vyaktāvyaktaḥ sanātanaḥ |
īśvarātparatō vidyā vidyāyāḥ parataḥ śivaḥ || 5 ||
śivātparatarō dēvastvamēva paramēśvaraḥ |
sarvataḥ pāṇipādāntaḥ sarvatōkṣiśirōmukhaḥ || 6 ||
sahasrāṁśuḥ sahasrāsyaḥ sahasracaraṇēkṣaṇaḥ |
bhūtādirbhūrbhuvaḥ svaśca mahaḥ satyaṁ tapō janaḥ || 7 ||
pradīptaṁ dīpanaṁ divyaṁ sarvalōkaprakāśakam |
durnirīkṣyaṁ surēndrāṇāṁ yadrūpaṁ tasya tē namaḥ || 8 ||
surasiddhagaṇairjuṣṭaṁ bhr̥gvatripulahādibhiḥ |
stutasya paramavyaktaṁ yadrūpaṁ tasya tē namaḥ || 9 ||
vēdyaṁ vēdavidāṁ nityaṁ sarvajñānasamanvitam |
sarvadēvādhidēvasya yadrūpaṁ tasya tē namaḥ || 10 ||
viśvakr̥dviśvabhūtaṁ ca vaiśvānarasurārcitam |
viśvasthitamavēdyaṁ ca yadrūpaṁ tasya tē namaḥ || 11 ||
paraṁ yajñātparaṁ vēdātparaṁ lōkātparaṁ divaḥ |
paramātmētyabhikhyātaṁ yadrūpaṁ tasya tē namaḥ || 12 ||
avijñēyamanālakṣyamadhyānagatamavyayam |
anādinidhanaṁ caiva yadrūpaṁ tasya tē namaḥ || 13 ||
namō namaḥ kāraṇakāraṇāya
namō namaḥ pāpavimōcanāya |
namō namastē:’ditivanditāya
namō namō rōgavināśanāya || 14 ||
namō namaḥ sarvavarapradāya
namō namaḥ sarvasukhapradāya |
namō namaḥ sarvadhanapradāya
namō namaḥ sarvamatipradāya || 15 ||
iti śrībrahmapurāṇē ēkatriṁśō:’dhyāyē brahmakr̥ta śrī sūrya stutiḥ |
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
