Read in తెలుగు / ಕನ್ನಡ / தமிழ் / देवनागरी / English (IAST)
śrīpadminīśamaruṇōjjvalakāntimantaṁ
maunīndravr̥ndasuravanditapādapadmam |
nīrējasambhavamukundaśivasvarūpaṁ
śrībhāskaraṁ bhuvanabāndhavamāśrayāmi || 1 ||
mārtāṇḍamīśamakhilātmakamaṁśumanta-
-mānandarūpamaṇimādikasiddhidaṁ ca |
ādyantamadhyarahitaṁ ca śivapradaṁ tvāṁ
śrībhāskaraṁ natajanāśrayamāśrayāmi || 2 ||
saptāśvamabhramaṇimāśritapārijātaṁ
jāmbūnadābhamatinirmaladr̥ṣṭidaṁ ca |
divyāmbarābharaṇabhūṣitacārumūrtiṁ
śrībhāskaraṁ grahagaṇādhipamāśrayāmi || 3 ||
pāpārtirōgabhayaduḥkhaharaṁ śaraṇyaṁ
saṁsāragāḍhatamasāgaratārakaṁ ca |
haṁsātmakaṁ nigamavēdyamahaskaraṁ tvāṁ
śrībhāskaraṁ kamalabāndhavamāśrayāmi || 4 ||
pratyakṣadaivamacalātmakamacyutaṁ ca
bhaktapriyaṁ sakalasākṣiṇamapramēyam |
sarvātmakaṁ sakalalōkaharaṁ prasannaṁ
śrībhāskaraṁ jagadadhīśvaramāśrayāmi || 5 ||
jyōtisvarūpamaghasañcayanāśakaṁ ca |
tāpatrayāntakamanantasukhapradaṁ ca |
kālātmakaṁ grahagaṇēna susēvitaṁ ca |
śrībhāskaraṁ bhuvanarakṣakamāśrayāmi || 6 ||
sr̥ṣṭisthitipralayakāraṇamīśvaraṁ ca
dr̥ṣṭipradaṁ paramatuṣṭidamāśritānām |
iṣṭārthadaṁ sakalakaṣṭanivārakaṁ ca
śrībhāskaraṁ mr̥gapatīśvaramāśrayāmi || 7 ||
ādityamārtajanarakṣakamavyayaṁ ca
chāyādhavaṁ kanakarētasamagnigarbham |
sūryaṁ kr̥pālumakhilāśrayamādidēvaṁ
lakṣmīnr̥siṁhakavipālakamāśrayāmi || 8 ||
śrībhāskarāṣṭakamidaṁ paramaṁ pavitraṁ
yatra śrutaṁ ca paṭhitaṁ satataṁ smr̥taṁ ca |
tatra sthirāṇi kamalāptakr̥pāvilāsai-
-rdīrghāyurarthabalavīryasutādikāni || 9 ||
iti śrī bhāskarāṣṭakam |
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
