Narayaneeyam Dasakam 73 – నారాయణీయం త్రిసప్తతితమదశకమ్

త్రిసప్తతితమదశకమ్ (౭౩) – శ్రీకృష్ణస్య మథురాయాత్రా |

నిశమయ్య తవాథ యానవార్తాం
భృశమార్తాః పశుపాలబాలికాస్తాః |
కిమిదం కిమిదం కథన్న్వితీమాః
సమవేతాః పరిదేవితాన్యకుర్వన్ || ౭౩-౧ ||

కరుణానిధిరేష నన్దసూనుః
కథమస్మాన్విసృజేదనన్యనాథాః |
బత నః కిము దైవమేవమాసీ-
దితి తాస్త్వద్గతమానసా విలేపుః || ౭౩-౨ ||

చరమప్రహరే ప్రతిష్ఠమానః
సహ పిత్రా నిజమిత్రమణ్డలైశ్చ |
పరితాపభరం నితంబినీనాం
శమయిష్యన్ వ్యముచః సఖాయమేకమ్ || ౭౩-౩ ||

అచిరాదుపయామి సన్నిధిం వో
భవితా సాధు మయైవ సఙ్గమశ్రీః |
అమృతాంబునిధౌ నిమజ్జయిష్యే
ద్రుతమిత్యాశ్వసితా వధూరకార్షీః || ౭౩-౪ ||

సవిషాదభరం సయాఞ్చముచ్చై-
రతిదూరం వనితాభిరీక్ష్యమాణః |
మృదు తద్దిశి పాతయన్నపాఙ్గాన్
సబలోఽక్రూరరథేన నిర్గతోఽభూః || ౭౩-౫ ||

అనసా బహులేన వల్లవానాం
మనసా చనుగతోఽథ వల్లభానామ్ |
వనమార్తమృగం విషణ్ణవృక్షం
సమతీతో యమునాతటీమయాసీః || ౭౩-౬ ||

నియమాయ నిమజ్య వారిణి త్వా-
మభివీక్ష్యాథ రథేఽపి గాన్దినేయః |
వివశోఽజని కిన్న్విదం విభోస్తే
నను చిత్రం త్వవలోకనం సమన్తాత్ || ౭౩-౭ ||

పునరేష నిమజ్య పుణ్యశాలీ
పురుషం త్వాం పరమం భుజఙ్గభోగే |
అరికంబుగదాంబుజైః స్ఫురన్తం
సురసిద్ధౌఘపరీతమాలులోకే || ౭౩-౮ ||

స తదా పరమాత్మసౌఖ్యసిన్ధౌ
వినిమగ్నః ప్రణువన్ప్రకారభేదైః |
అవిలోక్య పునశ్చ హర్షసిన్ధో-
రనువృత్యా పులకావృతో యయౌ త్వామ్ || ౭౩-౯ ||

కిము శీతలిమా మహాన్ జలే య-
త్పులకోఽసావితి చోదితేన తేన |
అతిహర్షనిరుత్తరేణ సార్ధం
రథవాసీ పవనేశ పాహి మాం త్వమ్ || ౭౩-౧౦ ||

ఇతి త్రిసప్తతితమదశకం సమాప్తమ్ |


సంపూర్ణ శ్రీమన్నారాయణీయం (౧౦౦ దశకాలు) చూడండి.

Facebook Comments

You may also like...

స్పందించండి

మీ ఈమెయిలు చిరునామా ప్రచురించబడదు.

error: Not allowed
%d bloggers like this: