Read in తెలుగు / ಕನ್ನಡ / தமிழ் / देवनागरी / English (IAST)
|| భూషణప్రత్యభిజ్ఞానమ్ ||
పునరేవాబ్రవీత్ ప్రీతో రాఘవం రఘునందనమ్ |
అయమాఖ్యాతి మే రామ సచివో మంత్రిసత్తమః || ౧ ||
హనుమాన్ యన్నిమిత్తం త్వం నిర్జనం వనమాగతః |
లక్ష్మణేన సహ భ్రాత్రా వసతశ్చ వనే తవ || ౨ ||
రక్షసాఽపహృతా భార్యా మైథిలీ జనకాత్మజా |
త్వయా వియుక్తా రుదతీ లక్ష్మణేన చ ధీమతా || ౩ ||
అంతరప్రేప్సునా తేన హత్వా గృధ్రం జటాయుషమ్ |
భార్యావియోగజం దుఃఖమచిరాత్త్వం విమోక్ష్యసే || ౪ ||
అహం తామానయిష్యామి నష్టాం వేదశ్రుతీమివ |
రసాతలే వా వర్తంతీం వర్తంతీం వా నభస్తలే || ౫ ||
అహమానీయ దాస్యామి తవ భార్యామరిందమ |
ఇదం తథ్యం మమ వచస్త్వమవేహి చ రాఘవ || ౬ ||
న శక్యా సా జరయితుమపి సేంద్రైః సురాసురైః |
తవ భార్యా మహాబాహో భక్ష్యం విషకృతం యథా || ౭ ||
త్యజ శోకం మహాబాహో తాం కాంతామానయామి తే |
అనుమానాత్తు జానామి మైథిలీ సా న సంశయః || ౮ ||
హ్రియమాణా మయా దృష్టా రక్షసా క్రూరకర్మణా |
క్రోశంతీ రామ రామేతి లక్ష్మణేతి చ విస్వరమ్ || ౯ ||
స్ఫురంతీ రావణస్యాంకే పన్నగేంద్రవధూర్యథా |
ఆత్మనా పంచమం మాం హి దృష్ట్వా శైలతటే స్థితమ్ || ౧౦ ||
ఉత్తరీయం తయా త్యక్తం శుభాన్యాభరణాని చ |
తాన్యస్మాభిర్గృహీతాని నిహితాని చ రాఘవ || ౧౧ ||
ఆనయిష్యామ్యహం తాని ప్రత్యభిజ్ఞాతుమర్హసి |
తమబ్రవీత్తతో రామః సుగ్రీవం ప్రియవాదినమ్ || ౧౨ ||
ఆనయస్వ సఖే శీఘ్రం కిమర్థం ప్రవిలంబసే |
ఏవముక్తస్తు సుగ్రీవః శైలస్య గహనాం గుహామ్ || ౧౩ ||
ప్రవివేశ తతః శీఘ్రం రాఘవప్రియకామ్యయా |
ఉత్తరీయం గృహీత్వా తు శుభాన్యాభరణాని చ || ౧౪ ||
ఇదం పశ్యేతి రామాయ దర్శయామాస వానరః |
తతో గృహీత్వా తద్వాసః శుభాన్యాభరణాని చ || ౧౫ ||
అభవద్బాష్పసంరుద్ధో నీహారేణేవ చంద్రమాః |
సీతాస్నేహప్రవృత్తేన స తు బాష్పేణ దూషితః || ౧౬ ||
హా ప్రియేతి రుదన్ ధైర్యముత్సృజ్య న్యపతత్ క్షితౌ |
హృది కృత్వా తు బహుశస్తమలంకారముత్తమమ్ || ౧౭ ||
నిశశ్వాస భృశం సర్పో బిలస్థ ఇవ రోషితః |
అవిచ్ఛిన్నాశ్రువేగస్తు సౌమిత్రిం వీక్ష్య పార్శ్వతః || ౧౮ ||
పరిదేవయితుం దీనం రామః సముపచక్రమే |
పశ్య లక్ష్మణ వైదేహ్యా సంత్యక్తం హ్రియమాణయా || ౧౯ ||
ఉత్తరీయమిదం భూమౌ శరీరాద్భూషణాని చ |
శాద్వలిన్యాం ధ్రువం భూమ్యాం సీతయా హ్రియమాణయా || ౨౦ ||
ఉత్సృష్టం భూషణమిదం తథారూపం హి దృశ్యతే |
ఏవముక్తస్తు రామేణ లక్ష్మణో వాక్యమబ్రవీత్ || ౨౧ ||
నాహం జానామి కేయూరే నాహం జానామి కుండలే |
నూపురే త్వభిజానామి నిత్యం పాదాభివందనాత్ || ౨౨ ||
తతః స రాఘవో దీనః సుగ్రీవమిదమబ్రవీత్ |
బ్రూహి సుగ్రీవ కం దేశం హ్రియంతీ లక్షితా త్వయా || ౨౩ ||
రక్షసా రౌద్రరూపేణ మమ ప్రాణైః ప్రియా ప్రియా |
క్వ వా వసతి తద్రక్షో మహద్వ్యసనదం మమ || ౨౪ ||
యన్నిమిత్తమహం సర్వాన్నాశయిష్యామి రాక్షసాన్ |
హరతా మైథిలీం యేన మాం చ రోషయతా భృశమ్ |
ఆత్మనో జీవితాంతాయ మృత్యుద్వారమపావృతమ్ || ౨౫ ||
మమ దయితతరా హృతా వనాంతా-
-ద్రజనిచరేణ విమథ్య యేన సా |
కథయ మమ రిపుం త్వమద్య వై
ప్లవగపతే యమసన్నిధిం నయామి || ౨౬ ||
ఇత్యార్షే శ్రీమద్రామాయణే వాల్మీకీయే ఆదికావ్యే కిష్కింధాకాండే షష్ఠః సర్గః || ౬ ||
సంపూర్ణ వాల్మీకి రామాయణే కిష్కింధాకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
