Read in తెలుగు / ಕನ್ನಡ / தமிழ் / देवनागरी / English (IAST)
కదా బృందారణ్యే విపులయమునాతీరపులినే
చరంతం గోవిందం హలధరసుదామాదిసహితమ్ |
అహో కృష్ణ స్వామిన్ మధురమురళీమోహన విభో
ప్రసీదేతి క్రోశన్నిమిషమివ నేష్యామి దివసాన్ || ౧ ||
కదా కాళిందీయైః హరిచరణముద్రాంకితతటైః
స్మరన్గోపీనాథం కమలనయనం సస్మితముఖమ్ |
అహో పూర్ణానందాంబుజవదన భక్తైకలలన
ప్రసీదేతి క్రోశన్నిమిషమివ నేష్యామి దివసాన్ || ౨ ||
కదాచిత్ఖేలంతం వ్రజపరిసరే గోపతనయే
కుతశ్చిత్సంప్రాప్తం కిమపి భయదం హరవిభో |
అయే రాధే కిం వా హరసి రసికే కంచుకయుగం
ప్రసీదేతి క్రోశన్నిమిషమివ నేష్యామి దివసాన్ || ౩ ||
కదాచిద్గోపీనాం హసితచకితం స్నిగ్ధనయనం
స్థితం గోపీబృందే నటమివ నటంతం సులలితమ్ |
సురాధీశైః సర్వైః స్తుతపదమిమం శ్రీహరిమితి
ప్రసీదేతి క్రోశన్నిమిషమివ నేష్యామి దివసాన్ || ౪ ||
కదాచిత్సచ్ఛాయాశ్రితమభిమహాంతం యదుపతిం
సమాధిస్వచ్ఛాయాంచల ఇవ విలోలైకమకరమ్ |
అయే భక్తోదారాంబుజవదన నందస్య తనయ
ప్రసీదేతి క్రోశన్నిమిషమివ నేష్యామి దివసాన్ || ౫ ||
కదాచిత్కాళింద్యాం తటతరుకదంబే స్థితమిమం
స్మయంతం సాకూతం హృతవసనగోపీస్తనతటమ్ |
అహో శక్రానందాంబుజవదన గోవర్ధనధరం
ప్రసీదేతి క్రోశన్నిమిషమివ నేష్యామి దివసాన్ || ౬ ||
కదాచిత్కాంతారే విజయసఖమిష్టం నృపసుతం
వదంతం పార్థేంద్రం నృపసుత సఖే బంధురితి చ |
భ్రమంతం విశ్రాంతం శ్రితమురళి రమ్యం హరిమిమం
ప్రసీదేతి క్రోశన్నిమిషమివ నేష్యామి దివసాన్ || ౭ ||
కదా ద్రక్ష్యే పూర్ణం పురుషమమలం పంకజదృశం
అహో విష్ణో యోగిన్ రసికమురళీమోహన విభో |
దయాం కర్తుం దీనే పరమకరుణాబ్ధే సముచితం
ప్రసీదేతి క్రోశన్నిమిషమివ నేష్యామి దివసాన్ || ౮ ||
ఇతి వాసుదేవానందసరస్వతీకృత శ్రీకృష్ణలహరీ స్తోత్రమ్ |
మరిన్ని శ్రీ కృష్ణ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
