౨౦) లఘు న్యాసః
ఓం అథాత్మానగ్ం శివాత్మానగ్ం శ్రీరుద్రరూపం ధ్యాయే”త్ ||
శుద్ధస్ఫటికసంకాశం త్రినేత్రం పఞ్చవక్త్రకమ్ |
గఙ్గాధరం దశభుజగ్ం సర్వాభరణభూషితమ్ ||
నీలగ్రీవగ్ం శశాఙ్క చిహ్నం నాగయజ్ఞోపవీతినం |
నాగాభరణభూషితం వ్యాఘ్రచర్మోత్తరీయకం ||
కమణ్డల్వక్షసూత్రధరమభయవరకరగ్ం శూలహస్తం |
జ్వలన్తం కపిలజటినగ్ం శిఖాముద్యోతధారిణమ్ ||
వృషస్కన్ధసమారూఢముమాదేహార్ధధారిణమ్ |
అమృతేనాప్లుతం హృష్టం దివ్యభోగసమన్వితమ్ ||
దిగ్దేవతాసమాయుక్తం సురాసురనమస్కృతమ్ |
నిత్యం చ శాశ్వతం శుద్ధం ధ్రువమక్షరమవ్యయమ్ ||
సర్వవ్యాపినమీశానం రుద్రం వై విశ్వరూపిణమ్ |
ఏవం ధ్యాత్వా ద్విజస్సమ్యక్ తతో యజనమారభేత్ ||
అథాత్మని దేవతాస్స్థాపయే”త్ |
ఓం ప్రజననే బ్రహ్మా తిష్ఠతు | పాదయోర్విష్ణుస్తిష్ఠతు |
హస్తయోర్హరస్తిష్ఠతు | బాహ్వోరిన్ద్రస్తిష్ఠతు |
జఠరే అగ్నిస్తిష్ఠతు | హృదయే శివస్తిష్ఠతు |
కణ్ఠే వసవస్తిష్ఠన్తు | వక్త్రే సరస్వతీ తిష్ఠతు |
నాసికయోర్వాయుస్తిష్ఠతు | నయనయోశ్చన్ద్రాదిత్యౌ తిష్ఠేతామ్ |
కర్ణయోరశ్వినౌ తిష్ఠేతామ్ |
లలాటే రుద్రాస్తిష్ఠన్తు | మూర్ధ్న్యాదిత్యాస్తిష్ఠన్తు |
శిరసి మహాదేవస్తిష్ఠతు | శిఖాయాం వామదేవస్తిష్ఠతు |
పృష్ఠే పినాకీ తిష్ఠతు | పురతశ్శూలీ తిష్ఠతు |
పార్శ్వయోశ్శివాశంకరౌ తిష్ఠేతామ్ |
సర్వతో వాయుస్తిష్ఠతు |
తతో బహిస్సర్వతోఽగ్నిర్జ్వాలామాలాః పరివృతాస్తిష్ఠన్తు |
సర్వేష్వఙ్గేషు సర్వాదేవతా యథాస్థానం తిష్ఠన్తు |
మాగ్ం రక్షన్తు యజమానగ్ం రక్షన్తు ||
ఓం అ॒గ్నిర్మే॑ వా॒చి శ్రి॒తః |
వాగ్ధృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
వా॒యుర్మే” ప్రా॒ణే శ్రి॒తః |
ప్రా॒ణో హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
సూర్యో॑ మే॒ చక్షు॑షి శ్రి॒తః |
చక్షు॒ర్హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
చ॒న్ద్రమా॑ మే॒ మన॑సి శ్రి॒తః |
మనో॒ హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
దిశో॑ మే॒ శ్రోత్రే” శ్రి॒తాః |
శ్రోత్ర॒గ్॒o హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఆపో॑ మే॒ రేత॑సి శ్రి॒తాః |
రేతో॒ హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
పృ॒థి॒వీ మే॒ శరీ॑రే శ్రి॒తా |
శరీ॑ర॒గ్॒o హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఓ॒ష॒ధి॒వ॒న॒స్ప॒తయో॑ మే॒ లోమ॑సు శ్రి॒తాః |
లోమా॑ని॒ హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఇన్ద్రో॑ మే॒ బలే” శ్రి॒తః |
బల॒గ్॒o హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ప॒ర్జన్యో॑ మే మూ॒ర్ధ్ని శ్రి॒తః |
మూ॒ర్ధా హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఈశా॑నో మే మ॒న్యౌ శ్రి॒తః |
మ॒న్యుర్హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
ఆ॒త్మా మ॑ ఆ॒త్మని॑ శ్రి॒తః |
ఆ॒త్మా హృద॑యే | హృద॑య॒o మయి॑ |
అ॒హమ॒మృతే” | అ॒మృత॒o బ్రహ్మ॑ణి |
పున॑ర్మ ఆ॒త్మా పున॒రాయు॒రాగా”త్ |
పున॑: ప్రా॒ణః పున॒రాకూ॑త॒మాగా”త్ |
వై॒శ్వా॒న॒రో ర॒శ్మిభి॑ర్వావృధా॒నః |
అ॒న్తస్తి॑ష్ఠత్వ॒మృత॑స్య గో॒పాః ||
(ఏవం యథాలిఙ్గమఙ్గాని సంమృజ్య దేవమాత్మానం చ ప్రత్యారాధయే”త్|)
౨౧) షోడశోపచార పూజా
ఆరాధితో మనుష్యైస్త్వం శుద్ధైర్దేవాసురాదిభిః |
ఆరాధయామి భక్త్యా త్వాం మాం గృహాణ మహేశ్వర ||
ఆ త్వా॑ వహన్తు॒ హర॑య॒స్సచే॑తసశ్శ్వే॒తైరశ్వై”స్స॒హ కే॑తు॒మద్భి॑: |
వాతా॑ జిరై॒ర్బల॑వద్భి॒ర్మనో॑జవై॒రాయా॑హి శీ॒ఘ్రం మమ॑ హ॒వ్యాయ॑ శ॒ర్వోమ్ ||
ఈశానమావాహయామి ||
మణ్డలాన్తరగతం హిరణ్మయం భ్రాజమానవపుషం శుచిస్మితమ్ |
చణ్డదీధితిమఖణ్డవిగ్రహం చిన్తయేన్మునిసహస్రసేవితమ్ ||
శఙ్కరస్య చరితా కథామృతం చన్ద్రశేఖరగుణానుకీర్తనమ్ |
నీలకణ్ఠ తవ పాదసేవనం సంభవన్తు మమ జన్మజన్మని ||
స్వామిన్ సర్వ జగన్నాథ యావత్పూజాఽవసానకమ్ |
తావత్త్వం ప్రీతి భావేన లిఙ్గేఽస్మిన్ సన్నిధిం కురు |
ఆవాహితో భవ | స్థాపితో భవ | సమ్ముఖో భవ |
సన్నిహితో భవ | సన్నిరుద్ధో భవ | అవకుణ్ఠితో భవ |
ప్రసీద ప్రసీద |
ఓం నమ॑స్తే రుద్ర మ॒న్యవ॑ ఉ॒తోత॒ ఇష॑వే॒ నమ॑: |
నమ॑స్తే అస్తు॒ ధన్వ॑నే బా॒హుభ్యా॑ము॒త తే॒ నమ॑: |
శ్రీ భవానీశంకరాస్వామినే నమః | ఆవాహనం సమర్పయామి |
ఓం త్ర్య॑oబకం యజామహే సుగ॒న్ధిం పు॑ష్టి॒ వర్ధ॑నమ్ |
ఉ॒ర్వా॒రు॒కమి॑వ॒ బన్ధ॑నాన్మృ॒త్యోర్ము॑క్షీయ॒ మాఽమృతా”త్ ||
శ్రీ భవానీశంకరాస్వామినే నమః | రత్న సింహాసనం సమర్పయామి ||
స॒ద్యోజా॒తం ప్ర॑పద్యా॒మి॒ స॒ద్యో జా॒తాయ॒ వై నమో॒ నమ॑: |
శ్రీ భవానీశంకరాస్వామినే నమః | పాద్యం సమర్పయామి |
భ॒వే భ॑వే॒ నాతి॑భవే భవస్వ॒ మామ్ |
శ్రీ భవానీశంకరాస్వామినే నమః | అర్ఘ్యం సమర్పయామి |
భ॒వోద్భ॑వాయ॒ నమ॑: |
శ్రీ భవానీశంకరాస్వామినే నమః | ఆచమనీయం సమర్పయామి |
ఓం వా॒మ॒దే॒వాయ॒ నమ॑: |
శ్రీ భవానీశంకరాస్వామినే నమః | స్నానం సమర్పయామి |
ఓం జ్యే॒ష్ఠాయ॒ నమ॑: |
శ్రీ భవానీశంకరాస్వామినే నమః | వస్త్రం సమర్పయామి |
ఓం శ్రే॒ష్ఠాయ॒ నమ॑: |
శ్రీ భవానీశంకరాస్వామినే నమః | ఉపవీతం సమర్పయామి |
ఓం రు॒ద్రాయ॒ నమ॒: |
శ్రీ భవానీశంకరాస్వామినే నమః | ఆభరణాని సమర్పయామి |
ఓం కాలా॑య॒ నమ॑: |
శ్రీ భవానీశంకరాస్వామినే నమః | గన్ధం సమర్పయామి |
ఓం కల॑వికరణాయ॒ నమ॑: |
శ్రీ భవానీశంకరాస్వామినే నమః | అక్షతాన్ సమర్పయామి |
ఓం బల॑ వికరణాయ॒ నమః |
శ్రీ భవానీశంకరాస్వామినే నమః | పుష్పాణి సమర్పయామి |
ఓం బలా॑య॒ నమ॑: |
శ్రీ భవానీశంకరాస్వామినే నమః | ధూపం సమర్పయామి |
ఓం బల॑ ప్రమథనాయ॒ నమ॑: |
శ్రీ భవానీశంకరాస్వామినే నమః | దీపం సమర్పయామి |
ఓం సర్వ॑భూతదమనాయ॒ నమ॑: |
శ్రీ భవానీశంకరాస్వామినే నమః | నైవేద్యం సమర్పయామి |
ఓం మ॒నోన్మ॑నాయ॒ నమ॑: |
శ్రీ భవానీశంకరాస్వామినే నమః | తామ్బూలం సమర్పయామి |
అ॒ఘోరే”భ్యోఽథ॒ ఘోరే”భ్యో॒ ఘోర॒ఘోర॑తరేభ్యః |
సర్వే”భ్యః సర్వ॒శర్వే”భ్యో॒ నమ॑స్తే అస్తు రు॒ద్రరూ॑పేభ్యః ||
శ్రీ భవానీశంకరాస్వామినే నమః | ఉత్తరనీరాజనమ్ సమర్పయామి |
తత్పురు॑షాయ వి॒ద్మహే॑ మహాదే॒వాయ॑ ధీమహి |
తన్నో॑ రుద్రః ప్రచో॒దయా”త్ ||
శ్రీ భవానీశంకరాస్వామినే నమః | మన్త్రపుష్పం సమర్పయామి |
ఈశానస్సర్వ॑విద్యా॒నా॒మీశ్వరస్సర్వ॑భూతా॒నా॒o బ్రహ్మాఽధి॑పతి॒ర్బ్రహ్మ॒ణోఽధి॑పతి॒ర్బ్రహ్మా॑ శి॒వో మే॑ అస్తు సదాశి॒వోమ్ ||
శ్రీ భవానీశంకరాస్వామినే నమః | ప్రదక్షిణనమస్కారాన్ సమర్పయామి |
పూష్పపూజ –
ఓం భ॒వాయ॑ దే॒వాయ॒ నమః – అర్క పుష్పం సమర్పయామి |
ఓం శ॒ర్వాయ॑ దే॒వాయ॒ నమః – చమ్పక పుష్పం సమర్పయామి |
ఓం ఈశా॑నాయ దే॒వాయ॒ నమః – పున్నాగ పుష్పం సమర్పయామి |
ఓం పశు॒పత॑యే దే॒వాయ॒ నమః – నన్ద్యావర్త పుష్పం సమర్పయామి |
ఓం రు॒ద్రాయ॑ దే॒వాయ॒ నమః – పాటల పుష్పం సమర్పయామి |
ఓం ఉ॒గ్రాయ॑ దే॒వాయ॒ నమః – బృహతీ పుష్పం సమర్పయామి |
ఓం భీ॒మాయ॑ దే॒వాయ॒ నమః – కరవీర పుష్పం సమర్పయామి |
ఓం మహ॑తే దే॒వాయ॒ నమః – ద్రోణ పుష్పం సమర్పయామి |
ఓం భ॒వస్య॑ దే॒వస్య॒ పత్న్యై॒ నమ॑: – అర్క పుష్పం సమర్పయామి |
ఓం శ॒ర్వస్య॑ దే॒వస్య॒ పత్న్యై॒ నమ॑: – చమ్పక పుష్పం సమర్పయామి |
ఓం ఈశా॑నస్య దే॒వస్య॒ పత్న్యై॒ నమ॑: – పున్నాగ పుష్పం సమర్పయామి |
ఓం పశు॒పతే”ర్దే॒వస్య పత్న్యై॒ నమ॑: – నన్ద్యావర్త పుష్పం సమర్పయామి |
ఓం రు॒ద్రస్య॑ దే॒వస్య॒ పత్న్యై॒ నమ॑: – పాటల పుష్పం సమర్పయామి |
ఓం ఉ॒గ్రస్య॑ దే॒వస్య॒ పత్న్యై॒ నమ॑: – బృహతీ పుష్పం సమర్పయామి |
ఓం భీ॒మస్య॑ దే॒వస్య॒ పత్న్యై॒ నమ॑: – కరవీర పుష్పం సమర్పయామి |
ఓం మహ॑తో దే॒వస్య॒ పత్న్యై॒ నమ॑: – ద్రోణ పుష్పం సమర్పయామి |
భవం దేవం తర్పయామి |
శర్వం దేవం తర్పయామి |
ఈశానం దేవం తర్పయామి |
పశుపతిం దేవం తర్పయామి |
రుద్రం దేవం తర్పయామి |
ఉగ్రం దేవం తర్పయామి |
భీమం దేవం తర్పయామి |
మహాన్తం దేవం తర్పయామి |
– భవస్య దేవస్య పత్నీం తర్పయామి |
– శర్వస్య దేవస్య పత్నీం తర్పయామి |
– ఈశానస్య దేవస్య పత్నీం తర్పయామి |
– పశుపతేర్దేవస్య పత్నీం తర్పయామి |
– రుద్రస్య దేవస్య పత్నీం తర్పయామి |
– ఉగ్రస్య దేవస్య పత్నీం తర్పయామి |
– భీమస్య దేవస్య పత్నీం తర్పయామి |
– మహతో దేవస్య పత్నీం తర్పయామి |
(అథాస్యాఘోరతనూరుపతిష్ఠతే)
అ॒ఘోరే”భ్యోఽథ॒ ఘోరే”భ్యో॒ ఘోర॒ఘోర॑తరేభ్యః |
సర్వే”భ్యః సర్వ॒శర్వే”భ్యో॒ నమ॑స్తే అస్తు రు॒ద్రరూ॑పేభ్యః ||
తత్పురు॑షాయ వి॒ద్మహే॑ మహాదే॒వాయ॑ ధీమహి |
తన్నో॑ రుద్రః ప్రచో॒దయా”త్ ||
ఆశా”స్తే॒యం యజ॑మానో॒సౌ | ఆయు॒రాశా”స్తే |
సు॒ప్ర॒జా॒స్త్వమాశా”స్తే | స॒జా॒త॒వ॒న॒స్యామాశా”స్తే |
ఉత్త॑రాం దేవయ॒జ్యామాశా”స్తే | భూయో॑హవి॒ష్కర॑ణ॒మాశా”స్తే |
ది॒వ్యంధామాశా”స్తే | విశ్వ॑o ప్రి॒యమాశా”స్తే |
యద॒నేన॑ హ॒విషాశా”స్తే | తద॑స్యా॒త్త॒దృ॑ధ్యాత్ |
తద॑స్మైదే॒వారా॑సన్తాం | తద॒గ్నిర్దే॒వో దే॒వేభ్యో॒ వన॑తే |
వ॒యమ॒గ్నేర్మాను॑షాః | ఇ॒ష్టంచ॑ వీ॒తంచ॑ |
ఉ॒భేచ॑నో॒ద్యావా॑పృథి॒వీ అగ్ంహ॑సస్పాతామ్ |
ఇ॒హగతి॑ర్వా॒ మస్యే॒దంచ॑ | నమో॑ దే॒వేభ్య॑: |
ఉత్తరతశ్చణ్డీశ్వరాయ నమః నిర్మాల్యం విసృజ్య ||
Mahanyasam 16 – Panchamrita Snanam, Malapakarshana Snanam- పఞ్చామృత స్నానం, మలాపకర్షణ స్నానం >>
సంపూర్ణ మహాన్యాస సూచిక చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
