Sankatahara Chaturthi Puja Vidhanam – సంకటహర చతుర్థీ పూజా విధానం


(గమనిక: ఈ పూజ “శ్రీ గణేశ స్తోత్రనిధి” పారాయణ గ్రంథములో కూడా ఉన్నది. Click here to buy.)

పూర్వాంగం పశ్యతు |

ఆచమ్య | ప్రాణానాయమ్య | దేశకాలౌ సంకీర్త్య |

సంకల్పం –
మమ ఉపాత్త ………. సమేతస్య, మమ సర్వసంకటనివృత్తిద్వారా సకలకార్యసిద్ధ్యర్థం ___ మాసే కృష్ణచతుర్థ్యాం శుభతిథౌ శ్రీగణేశ దేవతా ప్రీత్యర్థం యథా శక్తి సంకటహరచతుర్థీ పుజాం కరిష్యే |

తదంగ కలశ పూజాం చ కరిష్యే | శ్రీ మహాగణపతి పూజాం చ కరిష్యే |

|| సంకటహరచతుర్థీ పూజా ప్రారంభః ||

ధ్యానం –
ఏకదంతం మహాకాయం తప్తకాంచనసన్నిభమ్ |
లంబోదరం విశాలాక్షం వందేఽహం గణనాయకమ్ ||
ఆఖుపృష్ఠసమాసీనం చామరైర్వీజితం గణైః |
శేషయజ్ఞోపవీతం చ చింతయామి గజాననమ్ ||
ఓం శ్రీవినాయకాయ నమః ధ్యాయామి |

ఆవాహనం –
ఆగచ్ఛ దేవ దేవేశ సంకటం మే నివారయ |
యావత్పూజా సమాప్యేత తావత్త్వం సన్నిధౌ భవ ||
ఓం గజాస్యాయ నమః ఆవాహయామి |

ఆసనం –
గణాధీశ నమస్తేఽస్తు సర్వసిద్ధిప్రదాయక |
ఆసనం గృహ్యతాం దేవ సంకటం మే నివారయ ||
ఓం విఘ్నరాజాయ నమః ఆసనం సమర్పయామి |

పాద్యం –
ఉమాపుత్ర నమస్తేఽస్తు నమస్తే మోదకప్రియ |
పాద్యం గృహాణ దేవేశ సంకటం మే నివారయ ||
ఓం లంబోదరాయ నమః పాద్యం సమర్పయామి |

అర్ఘ్యం –
లంబోదర నమస్తేఽస్తు రత్నయుక్తం ఫలాన్వితమ్ |
అర్ఘ్యం గృహాణ దేవేశ సంకటం మే నివారయ ||
ఓం శంకరసూనవే నమః అర్ఘ్యం సమర్పయామి |

ఆచమనీయం –
గంగాదిసర్వతీర్థేభ్యః ఆహృతం జలముత్తమమ్ |
గృహాణాచమనీయార్థం సంకటం మే నివారయ ||
ఓం ఉమాసుతాయ నమః ఆచమనీయం సమర్పయామి |

పంచామృత స్నానం –
పయోదధిఘృతం చైవ శర్కరామధుసంయుతమ్ |
పంచామృతం గృహాణేదం సంకటం మే నివారయ ||
ఓం వక్రతుండాయ నమః పంచామృతస్నానం సమర్పయామి |

శుద్ధోదక స్నానం –
కవేరజాసింధుగంగా కృష్ణాగోదోద్భవైర్జలైః |
స్నాపితోఽసి మయా భక్త్యా సంకటం మే నివారయ ||
ఓం ఉమాపుత్రాయ నమః శుద్ధోదకస్నానం సమర్పయామి |

వస్త్రం –
ఇభవక్త్ర నమస్తుభ్యం గృహాణ పరమేశ్వర |
వస్త్రయుగ్మం గణాధ్యక్ష సంకటం మే నివారయ ||
ఓం శూర్పకర్ణాయ నమః వస్త్రాణి సమర్పయామి |

ఉపవీతం –
వినాయక నమస్తుభ్యం నమః పరశుధారిణే |
ఉపవీతం గృహాణేదం సంకటం మే నివారయ ||
ఓం కుబ్జాయ నమః యజ్ఞోపవీతం సమర్పయామి |

గంధం –
ఈశపుత్ర నమస్తుభ్యం నమో మూషికవాహన |
చందనం గృహ్యతాం దేవ సంకటం మే నివారయ ||
ఓం గణేశ్వరాయ నమః గంధాన్ ధారయామి |

అక్షతాన్ –
ఘృతకుంకుమ సంయుక్తాః తండులాః సుమనోహరాః |
అక్షతాస్తే నమస్తుభ్యం సంకటం మే నివారయ ||
ఓం విఘ్నరాజాయ నమః అక్షతాన్ సమర్పయామి |

పుష్పం –
చంపకం మల్లికాం దూర్వాః పుష్పజాతీరనేకశః |
గృహాణ త్వం గణాధ్యక్ష సంకటం మే నివారయ ||
ఓం విఘ్నవినాశినే నమః పుష్పైః పూజయామి |

పుష్ప పూజా –
ఓం సుముఖాయ నమః | ఓం ఏకదంతాయ నమః |
ఓం కపిలాయ నమః | ఓం గజకర్ణకాయ నమః |
ఓం లంబోదరాయ నమః | ఓం వికటాయ నమః |
ఓం విఘ్నరాజాయ నమః | ఓం వినాయకాయ నమః |
ఓం ధూమకేతవే నమః | ఓం గణాధ్యక్షాయ నమః |
ఓం ఫాలచంద్రాయ నమః | ఓం గజాననాయ నమః |
ఓం వక్రతుండాయ నమః | ఓం శూర్పకర్ణాయ నమః |
ఓం హేరంబాయ నమః | ఓం స్కందపూర్వజాయ నమః |

ఏకవింశతి దూర్వాయుగ్మ పూజా –
గణాధిపాయ నమః దూర్వాయుగ్మం సమర్పయామి |
ఉమాపుత్రాయ నమః దూర్వాయుగ్మం సమర్పయామి |
అఘనాశనాయ నమః దూర్వాయుగ్మం సమర్పయామి |
ఏకదంతాయ నమః దూర్వాయుగ్మం సమర్పయామి |
ఇభవక్త్రాయ నమః దూర్వాయుగ్మం సమర్పయామి |
మూషికవాహనాయ నమః దూర్వాయుగ్మం సమర్పయామి |
వినాయకాయ నమః దూర్వాయుగ్మం సమర్పయామి |
ఈశపుత్రాయ నమః దూర్వాయుగ్మం సమర్పయామి |
సర్వసిద్ధిప్రదాయ నమః దూర్వాయుగ్మం సమర్పయామి |
లంబోదరాయ నమః దూర్వాయుగ్మం సమర్పయామి |
వక్రతుండాయ నమః దూర్వాయుగ్మం సమర్పయామి |
మోదకప్రియాయ నమః దూర్వాయుగ్మం సమర్పయామి |
విఘ్నవిధ్వంసకర్త్రే నమః దూర్వాయుగ్మం సమర్పయామి |
విశ్వవంద్యాయ నమః దూర్వాయుగ్మం సమర్పయామి |
అమరేశాయ నమః దూర్వాయుగ్మం సమర్పయామి |
గజకర్ణకాయ నమః దూర్వాయుగ్మం సమర్పయామి |
నాగయజ్ఞోపవీతినే నమః దూర్వాయుగ్మం సమర్పయామి |
ఫాలచంద్రాయ నమః దూర్వాయుగ్మం సమర్పయామి |
పరశుధారిణే నమః దూర్వాయుగ్మం సమర్పయామి |
విఘ్నాధిపాయ నమః దూర్వాయుగ్మం సమర్పయామి |
విద్యాప్రదాయ నమః దూర్వాయుగ్మం సమర్పయామి |

అష్టోత్తరశతనామావళిః –

శ్రీ గణేశ అష్టోత్తరశతనామావళిః పశ్యతు |

సంకటనాశన గణేశ స్తోత్రం పశ్యతు |

ధూపం –
లంబోదర మహాకాయ ధూమ్రకేతో సువాసితమ్ |
ధూపం గృహాణ దేవేశ సంకటం మే నివారయ ||
ఓం వికటాయ నమః ధూపం ఆఘ్రాపయామి |

దీపం –
విఘ్నాంధకార సంహార కారక త్రిదశాధిప |
దీపం గృహాణ దేవేశ సంకటం మే నివారయ ||
ఓం వామనాయ నమః దీపం దర్శయామి |

నైవేద్యం –
మోదకాపూపలడ్డుక పాయసం శర్కరాన్వితమ్ |
పక్వాన్నం సఘృతం దేవ నైవేద్యం ప్రతిగృహ్యతామ్ ||
ఓం సర్వదేవాయ నమః అమృతోపహారం సమర్పయామి |

ఫలం –
నారికేళ ఫలం ద్రాక్షా రసాలం దాడిమం శుభమ్ |
ఫలం గృహాణ దేవేశ సంకటం మే నివారయ ||
ఓం సర్వార్తినాశినే నమః ఫలం సమర్పయామి |

తాంబూలం –
క్రముకైలాలవంగాని నాగవల్లీదళాని చ |
తాంబూలం గృహ్యతాం దేవ సంకటం మే నివారయ ||
ఓం విఘ్నహర్త్రే నమః తాంబూలం సమర్పయామి |

నీరాజనం –
కర్పూరానలసంయుక్తం అశేషాఘౌఘనాశనమ్ |
నీరాజనం గృహాణేశ సంకటాన్మాం విమోచయ ||
ఓం శ్రీవినాయకాయ నమః కర్పూరనీరాజనం సమర్పయామి |

పుష్పాంజలిః –
చంపకాశోకవకుళ పారిజాత భవైః సుమైః |
పుష్పాంజలిం గృహాణేమం సంకటాన్మాం విమోచయ ||
ఓం దేవోత్తమాయ నమః సువర్ణపుష్పం సమర్పయామి |

నమస్కారం –
త్వమేవ విశ్వం సృజసీభవక్త్ర
త్వమేవ విశ్వం పరిపాసి దేవ |
త్వమేవ విశ్వం హరసేఽఖిలేశ
త్వమేవ విశ్వాత్మక ఆవిభాసి ||
నమామి దేవం గణనాథమీశం
విఘ్నేశ్వరం విఘ్నవినాశదక్షమ్ |
భక్తార్తిహం భక్తవిమోక్షదక్షం
విద్యాప్రదం వేదనిదానమాద్యమ్ ||
యే త్వామసంపూజ్య గణేశ నూనం
వాంఛంతి మూఢాః విహితార్థసిద్ధిమ్ |
త ఏవ నష్టా నియతం హి లోకే
జ్ఞాతో మయా తే సకలః ప్రభావః ||
ఓం ధూమ్రాయ నమః ప్రార్థనా నమస్కారాన్ సమర్పయామి |

అర్ఘ్యం –
తిథీనాముత్తమే దేవి గణేశప్రియవల్లభే |
సంకటం హర మే దేవి గృహాణార్ఘ్యం నమోఽస్తు తే ||
చతుర్థీతిథిదేవతాయై నమః ఇదమర్ఘ్యమ్ | (౭ సార్లు)

లంబోదర నమస్తుభ్యం సతతం మోదకప్రియ |
సంకటం హర మే దేవ గృహాణార్ఘ్యం నమోఽస్తు తే ||
సంకటహర విఘ్నేశాయ నమః ఇదమర్ఘ్యమ్ | (౭ సార్లు)

క్షీరోదార్ణవ సంభూత అత్రిగోత్రసముద్భవ |
గృహాణార్ఘ్యం మయా దత్తం రోహిణీసహితః శశిన్ ||
చంద్రాయ నమః ఇదమర్ఘ్యమ్ | (౭ సార్లు)

క్షమాప్రార్థన –
యస్య స్మృత్యా చ నామోక్త్యా తపః పూజా క్రియాదిషు |
న్యూనం సంపూర్ణతాం యాతి సద్యో వందే గజాననమ్ ||
మంత్రహీనం క్రియాహీనం భక్తిహీనం గణాధిప |
యత్పూజితం మయా దేవ పరిపూర్ణం తదస్తు తే ||

సమర్పణం –
అనయా ధ్యాన ఆవాహనాది షోడశోపచార పూజయా భగవాన్ సర్వాత్మికః శ్రీ గణేశః సుప్రీతో సుప్రసన్నో వరదో భవంతు | ఇదం సంకటహరచతుర్థీ పూజా గణేశార్పణమస్తు |

తీర్థప్రసాద స్వీకరణ –
అకాలమృత్యుహరణం సర్వవ్యాధినివారణమ్ |
సమస్తపాపక్షయకరం శ్రీ మహాగణాధిపతి పాదోదకం పావనం శుభమ్ ||
శ్రీ మహాగణపతి ప్రసాదం శిరసా గృహ్ణామి ||

ఉద్వాసనం –
గచ్ఛ సత్త్వముమాపుత్ర మమానుగ్రహకారణాత్ |
పూజితోఽసి మయా భక్త్యా గచ్ఛ స్వస్థానకం ప్రభో ||
గణపతయే నమః యథాస్థానం ఉద్వాసయామి |
శోభనార్థే క్షేమాయ పునరాగమనాయ చ |

ఓం శాంతిః శాంతిః శాంతిః |


గమనిక: పైన ఇవ్వబడిన పూజా , ఈ క్రింది పుస్తకములో కూడా ఉన్నది.

శ్రీ గణేశ స్తోత్రనిధి

(నిత్య పారాయణ గ్రంథము)

Click here to buy


మరిన్ని వ్రతములు చూడండి. మరిన్ని శ్రీ గణేశ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed