Read in తెలుగు / ಕನ್ನಡ / தமிழ் / देवनागरी / English (IAST)
దేవా ఊచుః |
నమోఽస్తు శశిసంకాశ నమస్తే జగతః పతే |
నమోఽస్తు దేవరూపాయ స్వర్గమార్గప్రదర్శక |
కర్మమార్గస్వరూపాయ సర్వగాయ నమో నమః || ౧ ||
త్వయేయం పాల్యతే పృథ్వీ త్రైలోక్యం చ త్వయైవ హి |
జనస్తపస్తథా సత్యం త్వయా సర్వం తు పాల్యతే || ౨ ||
న త్వయా రహితం కించిజ్జగత్స్థావరజంగమమ్ |
విద్యతే త్వద్విహీనం తు సద్యో నశ్యతి వై జగత్ || ౩ ||
త్వమాత్మా సర్వభూతానాం సతాం సత్త్వస్వరూపవాన్ |
రాజసానాం రజస్త్వం చ తామసానాం తమ ఏవ చ || ౪ ||
చతుష్పాదో భవాన్ దేవ చతుఃశృంగస్త్రిలోచనః |
సప్తహస్తిస్త్రిబంధశ్చ వృషరూప నమోఽస్తు తే || ౫ ||
త్వయా హీనా వయం దేవ సర్వ ఉన్మార్గవర్తినః |
తన్మార్గం యచ్ఛ మూఢానాం త్వం హి నః పరమాగతిః || ౬ ||
ఏవం స్తుతస్తదా దేవైర్వృషరూపీ ప్రజాపతిః |
తుష్టః ప్రసన్నమనసా శాంతచక్షురపశ్యత || ౭ ||
దృష్టమాత్రాస్తు తే దేవాః స్వయం ధర్మేణ చక్షుషా |
క్షణేన గతసంమోహాః సమ్యక్సద్ధర్మసంహితాః || ౮ ||
అసురా అపి తద్వచ్చ తతో బ్రహ్మా ఉవాచ తమ్ |
అద్యప్రభృతి తే ధర్మ తిథిరస్తు త్రయోదశీ || ౯ ||
యస్తాముపోష్య పురుషో భవంతం సముపార్జయేత్ |
కృత్వా పాపసమాహారం తస్మాన్ముంచతి మానవః || ౧౦ ||
యచ్చారణ్యమిదం ధర్మ త్వయా వ్యాప్తం చిరం ప్రభో |
తతో నామ్నా భవిష్యే తద్ధర్మారణ్యమితి ప్రభో || ౧౧ ||
చతుస్త్రిపాద్ద్వ్యేకపాచ్చ ప్రభో త్వం
కృతాదిభిర్లక్ష్యసే యేన లోకైః |
తథా తథా కర్మభూమౌ నభశ్చ
ప్రాయోయుక్తః స్వగృహం పాహి విశ్వమ్ || ౧౨ ||
ఇత్యుక్తమాత్రః ప్రపితామహోఽధునా
సురాసురాణామథ పశ్యతాం నృప |
అదృశ్యతామగమత్ స్వాలయాంశ్చ
జగ్ముః సురాః సవృషా వీతశోకాః || ౧౩ ||
ధర్మోత్పత్తిం య ఇమాం శ్రావయీత
తదా శ్రాద్ధే తర్పయేత పితౄంశ్చ |
త్రయోదశ్యాం పాయసేన స్వశక్త్యా
స స్వర్గగామీ తు సురానుపేయాత్ || ౧౪ ||
ఇతి శ్రీవరాహపురాణే భగవచ్ఛాస్త్రే ద్వాత్రింశోఽధ్యాయే ధర్మదేవతా స్తోత్రమ్ ||
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
