Dharma Devata Stotram (Varaha Puranam) – த⁴ர்மதே³வதா ஸ்தோத்ரம் (வராஹபுராணே)


தே³வா ஊசு꞉ ।
நமோ(அ)ஸ்து ஶஶிஸங்காஶ நமஸ்தே ஜக³த꞉ பதே ।
நமோ(அ)ஸ்து தே³வரூபாய ஸ்வர்க³மார்க³ப்ரத³ர்ஶக ।
கர்மமார்க³ஸ்வரூபாய ஸர்வகா³ய நமோ நம꞉ ॥ 1 ॥

த்வயேயம் பால்யதே ப்ருத்²வீ த்ரைலோக்யம் ச த்வயைவ ஹி ।
ஜநஸ்தபஸ்ததா² ஸத்யம் த்வயா ஸர்வம் து பால்யதே ॥ 2 ॥

ந த்வயா ரஹிதம் கிஞ்சிஜ்ஜக³த்ஸ்தா²வரஜங்க³மம் ।
வித்³யதே த்வத்³விஹீநம் து ஸத்³யோ நஶ்யதி வை ஜக³த் ॥ 3 ॥

த்வமாத்மா ஸர்வபூ⁴தாநாம் ஸதாம் ஸத்த்வஸ்வரூபவாந் ।
ராஜஸாநாம் ரஜஸ்த்வம் ச தாமஸாநாம் தம ஏவ ச ॥ 4 ॥

சதுஷ்பாதோ³ ப⁴வாந் தே³வ சது꞉ஶ்ருங்க³ஸ்த்ரிலோசந꞉ ।
ஸப்தஹஸ்திஸ்த்ரிப³ந்த⁴ஶ்ச வ்ருஷரூப நமோ(அ)ஸ்து தே ॥ 5 ॥

த்வயா ஹீநா வயம் தே³வ ஸர்வ உந்மார்க³வர்திந꞉ ।
தந்மார்க³ம் யச்ச² மூடா⁴நாம் த்வம் ஹி ந꞉ பரமாக³தி꞉ ॥ 6 ॥

ஏவம் ஸ்துதஸ்ததா³ தே³வைர்வ்ருஷரூபீ ப்ரஜாபதி꞉ ।
துஷ்ட꞉ ப்ரஸந்நமநஸா ஶாந்தசக்ஷுரபஶ்யத ॥ 7 ॥

த்³ருஷ்டமாத்ராஸ்து தே தே³வா꞉ ஸ்வயம் த⁴ர்மேண சக்ஷுஷா ।
க்ஷணேந க³தஸம்மோஹா꞉ ஸம்யக்ஸத்³த⁴ர்மஸம்ஹிதா꞉ ॥ 8 ॥

அஸுரா அபி தத்³வச்ச ததோ ப்³ரஹ்மா உவாச தம் ।
அத்³யப்ரப்⁴ருதி தே த⁴ர்ம திதி²ரஸ்து த்ரயோத³ஶீ ॥ 9 ॥

யஸ்தாமுபோஷ்ய புருஷோ ப⁴வந்தம் ஸமுபார்ஜயேத் ।
க்ருத்வா பாபஸமாஹாரம் தஸ்மாந்முஞ்சதி மாநவ꞉ ॥ 10 ॥

யச்சாரண்யமித³ம் த⁴ர்ம த்வயா வ்யாப்தம் சிரம் ப்ரபோ⁴ ।
ததோ நாம்நா ப⁴விஷ்யே தத்³த⁴ர்மாரண்யமிதி ப்ரபோ⁴ ॥ 11 ॥

சதுஸ்த்ரிபாத்³த்³வ்யேகபாச்ச ப்ரபோ⁴ த்வம்
க்ருதாதி³பி⁴ர்லக்ஷ்யஸே யேந லோகை꞉ ।
ததா² ததா² கர்மபூ⁴மௌ நப⁴ஶ்ச
ப்ராயோயுக்த꞉ ஸ்வக்³ருஹம் பாஹி விஶ்வம் ॥ 12 ॥

இத்யுக்தமாத்ர꞉ ப்ரபிதாமஹோ(அ)து⁴நா
ஸுராஸுராணாமத² பஶ்யதாம் ந்ருப ।
அத்³ருஶ்யதாமக³மத் ஸ்வாலயாம்ஶ்ச
ஜக்³மு꞉ ஸுரா꞉ ஸவ்ருஷா வீதஶோகா꞉ ॥ 13 ॥

த⁴ர்மோத்பத்திம் ய இமாம் ஶ்ராவயீத
ததா³ ஶ்ராத்³தே⁴ தர்பயேத பித்ரூம்ஶ்ச ।
த்ரயோத³ஶ்யாம் பாயஸேந ஸ்வஶக்த்யா
ஸ ஸ்வர்க³கா³மீ து ஸுராநுபேயாத் ॥ 14 ॥

இதி ஶ்ரீவராஹபுராணே ப⁴க³வச்சா²ஸ்த்ரே த்³வாத்ரிம்ஶோ(அ)த்⁴யாயே த⁴ர்மதே³வதா ஸ்தோத்ரம் ॥

Facebook Comments
error: Not allowed
%d bloggers like this: