Read in తెలుగు / ಕನ್ನಡ / தமிழ் / देवनागरी / English (IAST)
స్వర్వాసిభిర్గౌతమకీర్తిరుచ్చై-
-ర్గీతా సభాసు త్రిదశైః సదేతి |
ఆకర్ణ్య దేవర్షిముఖాత్కృతఘ్నా
ద్విజా బభూవుః కిల సేర్ష్యచిత్తాః || ౩౪-౧ ||
తైర్మాయయాఽఽసన్నమృతిః కృతా గౌః
సా ప్రేషితా గౌతమహోమశాలామ్ |
అగాన్మునేర్జుహ్వత ఏవ వహ్నౌ
హుంకారమాత్రేణ పపాత చోర్వ్యామ్ || ౩౪-౨ ||
హతా హతా గౌరిహ గౌతమేనే-
-త్యుచ్చైర్ద్విజాః ప్రోచ్య మునిం నినిందుః |
స చేద్ధకోపః ప్రళయానలాభ-
-స్తాన్ రక్తనేత్రః ప్రశపన్నువాచ || ౩౪-౩ ||
వ్రతేషు యజ్ఞేషు నివృత్తిశాస్త్రే-
-ష్వపి ద్విజా వో విముఖత్వమస్తు |
నిషిద్ధకర్మాచరణే రతాః స్త
స్త్రియః ప్రజా వోఽపి తథా భవంతు || ౩౪-౪ ||
సత్సంగమో మాఽస్తు జగజ్జనన్యాః
కథామృతే వో న రతిః ఖలు స్యాత్ |
పాషండకాపాలికవృత్తిపాపైః
పీడా భవేద్వో నరకేషు నిత్యమ్ || ౩౪-౫ ||
ఉక్త్వైవమార్యో మునిరేత్య గాయ-
-త్ర్యాఖ్యాం కృపార్ద్రాం భవతీం ననామ |
త్వమాత్థ దుగ్ధం భుజగాయ దత్తం
దాతుః సదాఽనర్థదమేవ విద్ధి || ౩౪-౬ ||
సదేదృశీ కర్మగతిర్మహర్షే
శాంతిం భజ స్వం తప ఏవ రక్ష |
మా కుప్యతామేవమృషిర్నిశమ్య
మహానుతాపార్ద్రమనా బభూవ || ౩౪-౭ ||
శప్తా ద్విజా విస్మృతవేదమంత్రా
లబ్ధ్వా వివేకం మిళితా మునిం తమ్ |
ప్రాప్తాః ప్రసీదేతి ముహుర్వదంతో
నత్వా త్రపానమ్రముఖా అతిష్ఠన్ || ౩౪-౮ ||
కృపార్ద్రనేత్రో మునిరాహ న స్యా-
-న్మృషా వచో మే నరకే వసేత |
జాయేత విష్ణుర్భువీ కృష్ణనామా
వందేత తం శాపవిమోచనార్థమ్ || ౩౪-౯ ||
స్వపాపముక్త్యర్థమనంతశక్తిం
దేవీం సదా ధ్యాయత భక్తిపూతాః |
సర్వత్ర భూయాచ్ఛుభమిత్యుదీర్య
గాయత్రి దధ్యౌ భవతీం మహర్షిః || ౩౪-౧౦ ||
ముంచాని మా వాక్శరమన్యచిత్తే
కృతఘ్నతా మాఽస్తు మమాంతరంగే |
నిందాని మా సజ్జనమేష భీతో
భవాని పాపాద్వరదే నమస్తే || ౩౪-౧౧ ||
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
