Read in తెలుగు / ಕನ್ನಡ / தமிழ் / देवनागरी / English (IAST)
శక్రః పురా జీవగణస్య కర్మ-
-దోషాత్సమాః పంచదశ క్షమాయామ్ |
వృష్టిం న చక్రే ధరణీ చ శుష్క-
-వాపీతటాగాదిజలాశయాఽఽసీత్ || ౩౩-౧ ||
సస్యాని శుష్కాణి ఖగాన్ మృగాంశ్చ
భుక్త్వాఽప్యతృప్తాః క్షుధయా తృషా చ |
నిపీడితా మర్త్యశవాని చాహో
మర్త్యా అనిష్టాన్యపి భుంజతే స్మ || ౩౩-౨ ||
క్షుధాఽర్దితాః సర్వజనా మహాఽఽప-
-ద్విముక్తికామా మిళితాః కదాచిత్ |
తపోధనం గౌతమమేత్య భక్త్యా
పృష్టా మునిం స్వాగమహేతుమూచుః || ౩౩-౩ ||
విజ్ఞాయ సర్వం మునిరాట్ కృపాలుః
సంపూజ్య గాయత్ర్యభిధాం శివే త్వామ్ |
ప్రసాద్య దృష్ట్వా చ తవైవ హస్తా-
-ల్లేభే నవం కామదపాత్రమేకమ్ || ౩౩-౪ ||
దుకూలసౌవర్ణవిభూషణాన్న-
-వస్త్రాది గావో మహిషాదయశ్చ |
యద్యజ్జనైరీప్సితమాశు తత్త-
-త్తత్పాత్రతో దేవి సముద్బభూవ || ౩౩-౫ ||
రోగో న దైన్యం న భయం న చైవ
జనా మిథో మోదకరా బభూవుః |
తే గౌతమస్యోగ్రతపఃప్రభావ-
-ముచ్చైర్జగుస్తాం కరుణార్ద్రతాం చ || ౩౩-౬ ||
ఏవం సమా ద్వాదశ తత్ర సర్వే
నిన్యుః కదాచిన్మిళితేషు తేషు |
శ్రీనారదో దేవి శశీవ గాయ-
-త్ర్యాశ్చర్యశక్తిం ప్రగృణన్నవాప || ౩౩-౭ ||
స పూజితస్తత్ర నిషణ్ణ ఉచ్చై-
-ర్నివేద్య తాం గౌతమకీర్తిలక్ష్మీమ్ |
సభాసు శక్రాదిసురైః ప్రగీతాం
జగామ సంతో జహృషుః కృతజ్ఞాః || ౩౩-౮ ||
కాలే ధరాం వృష్టిసమృద్ధసస్యాం
దృష్ట్వా జనా గౌతమమానమంతః |
ఆపృచ్ఛ్య తే సజ్జనసంగపూతా
ముదా జవాత్స్వస్వగృహాణి జగ్ముః || ౩౩-౯ ||
దుఃఖాని మే సంతు యతో మనో మే
ప్రతప్తసంఘట్టితహేమశోభి |
విశుద్ధమస్తు త్వయీ బద్ధరాగో
భవాని తే దేవి నమోఽస్తు భూయః || ౩౩-౧౦ ||
చతుస్త్రింశ దశకమ్ (౩౪) – గౌతమశాపమ్ >>
సంపూర్ణ దేవీ నారాయణీయం (41 దశకాలు) చూడండి.
గమనిక: "నవగ్రహ స్తోత్రనిధి" పుస్తకము తాయారుచేయుటకు ఆలోచన చేయుచున్నాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
