Devi Narayaniyam Dasakam 34 – சதுஸ்த்ரிம்ஶ த³ஶகம் (34) – கௌ³தமஶாபம்


ஸ்வர்வாஸிபி⁴ர்கௌ³தமகீர்திருச்சை-
-ர்கீ³தா ஸபா⁴ஸு த்ரித³ஶை꞉ ஸதே³தி ।
ஆகர்ண்ய தே³வர்ஷிமுகா²த்க்ருதக்⁴நா
த்³விஜா ப³பூ⁴வு꞉ கில ஸேர்ஷ்யசித்தா꞉ ॥ 34-1 ॥

தைர்மாயயா(ஆ)ஸந்நம்ருதி꞉ க்ருதா கௌ³꞉
ஸா ப்ரேஷிதா கௌ³தமஹோமஶாலாம் ।
அகா³ந்முநேர்ஜுஹ்வத ஏவ வஹ்நௌ
ஹுங்காரமாத்ரேண பபாத சோர்வ்யாம் ॥ 34-2 ॥

ஹதா ஹதா கௌ³ரிஹ கௌ³தமேநே-
-த்யுச்சைர்த்³விஜா꞉ ப்ரோச்ய முநிம் நிநிந்து³꞉ ।
ஸ சேத்³த⁴கோப꞉ ப்ரளயாநலாப⁴-
-ஸ்தாந் ரக்தநேத்ர꞉ ப்ரஶபந்நுவாச ॥ 34-3 ॥

வ்ரதேஷு யஜ்ஞேஷு நிவ்ருத்திஶாஸ்த்ரே-
-ஷ்வபி த்³விஜா வோ விமுக²த்வமஸ்து ।
நிஷித்³த⁴கர்மாசரணே ரதா꞉ ஸ்த
ஸ்த்ரிய꞉ ப்ரஜா வோ(அ)பி ததா² ப⁴வந்து ॥ 34-4 ॥

ஸத்ஸங்க³மோ மா(அ)ஸ்து ஜக³ஜ்ஜநந்யா꞉
கதா²ம்ருதே வோ ந ரதி꞉ க²லு ஸ்யாத் ।
பாஷண்ட³காபாலிகவ்ருத்திபாபை꞉
பீடா³ ப⁴வேத்³வோ நரகேஷு நித்யம் ॥ 34-5 ॥

உக்த்வைவமார்யோ முநிரேத்ய கா³ய-
-த்ர்யாக்²யாம் க்ருபார்த்³ராம் ப⁴வதீம் நநாம ।
த்வமாத்த² து³க்³த⁴ம் பு⁴ஜகா³ய த³த்தம்
தா³து꞉ ஸதா³(அ)நர்த²த³மேவ வித்³தி⁴ ॥ 34-6 ॥

ஸதே³த்³ருஶீ கர்மக³திர்மஹர்ஷே
ஶாந்திம் ப⁴ஜ ஸ்வம் தப ஏவ ரக்ஷ ।
மா குப்யதாமேவம்ருஷிர்நிஶம்ய
மஹாநுதாபார்த்³ரமநா ப³பூ⁴வ ॥ 34-7 ॥

ஶப்தா த்³விஜா விஸ்ம்ருதவேத³மந்த்ரா
லப்³த்⁴வா விவேகம் மிலிதா முநிம் தம் ।
ப்ராப்தா꞉ ப்ரஸீதே³தி முஹுர்வத³ந்தோ
நத்வா த்ரபாநம்ரமுகா² அதிஷ்ட²ந் ॥ 34-8 ॥

க்ருபார்த்³ரநேத்ரோ முநிராஹ ந ஸ்யா-
-ந்ம்ருஷா வசோ மே நரகே வஸேத ।
ஜாயேத விஷ்ணுர்பு⁴வீ க்ருஷ்ணநாமா
வந்தே³த தம் ஶாபவிமோசநார்த²ம் ॥ 34-9 ॥

ஸ்வபாபமுக்த்யர்த²மநந்தஶக்திம்
தே³வீம் ஸதா³ த்⁴யாயத ப⁴க்திபூதா꞉ ।
ஸர்வத்ர பூ⁴யாச்சு²ப⁴மித்யுதீ³ர்ய
கா³யத்ரி த³த்⁴யௌ ப⁴வதீம் மஹர்ஷி꞉ ॥ 34-10 ॥

முஞ்சாநி மா வாக்ஷரமந்யசித்தே
க்ருதக்⁴நதா மா(அ)ஸ்து மமாந்தரங்கே³ ।
நிந்தா³நி மா ஸஜ்ஜநமேஷ பீ⁴தோ
ப⁴வாநி பாபாத்³வரதே³ நமஸ்தே ॥ 34-11 ॥

பஞ்சத்ரிம்ஶ த³ஶகம் (35) – அநுக்³ரஹவைசித்ர்யம் >>


ஸம்பூர்ண தே³வீ நாராயணீயம் பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed