Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీరామ స్తోత్రనిధి” పుస్తకములో కూడా ఉన్నది. Click here to buy.]
అగస్త్య ఉవాచ |
సౌమిత్రిం రఘునాయకస్య చరణద్వంద్వేక్షణం శ్యామలం
బిభ్రంతం స్వకరేణ రామశిరసి చ్ఛత్రం విచిత్రాంబరమ్ |
బిభ్రంతం రఘునాయకస్య సుమహత్కోదండబాణాసనే
తం వందే కమలేక్షణం జనకజావాక్యే సదా తత్పరమ్ || ౧ ||
ఓం అస్య శ్రీలక్ష్మణకవచమంత్రస్య అగస్త్య ఋషిః అనుష్టుప్ ఛందః శ్రీలక్ష్మణో దేవతా శేష ఇతి బీజం సుమిత్రానందన ఇతి శక్తిః రామానుజ ఇతి కీలకం రామదాస ఇత్యస్త్రం రఘువంశజ ఇతి కవచం సౌమిత్రిరితి మంత్రః శ్రీలక్ష్మణప్రీత్యర్థం సకలమనోఽభిలషితసిద్ధ్యర్థం జపే వినియోగః |
అథ కరన్యాసః |
ఓం లక్ష్మణాయ అంగుష్ఠాభ్యాం నమః |
ఓం శేషాయ తర్జనీభ్యాం నమః |
ఓం సుమిత్రానందనాయ మధ్యమాభ్యాం నమః |
ఓం రామానుజాయ అనామికాభ్యాం నమః |
ఓం రామదాసాయ కనిష్ఠికాభ్యాం నమః |
ఓం రఘువంశజాయ కరతలకరపృష్ఠాభ్యాం నమః |
అథ అంగన్యాసః |
ఓం లక్ష్మణాయ హృదయాయ నమః |
ఓం శేషాయ శిరసే స్వాహా |
ఓం సుమిత్రానందనాయ శిఖాయై వషట్ |
ఓం రామానుజాయ కవచాయ హుమ్ |
ఓం రామదాసాయ నేత్రత్రయాయ వౌషట్ |
ఓం రఘువంశజాయ అస్త్రాయ ఫట్ |
ఓం సౌమిత్రయే ఇతి దిగ్బంధః |
అథ ధ్యానమ్ |
రామపృష్ఠస్థితం రమ్యం రత్నకుండలధారిణమ్ |
నీలోత్పలదళశ్యామం రత్నకంకణమండితమ్ || ౧ ||
రామస్య మస్తకే దివ్యం బిభ్రంతం ఛత్రముత్తమమ్ |
వరపీతాంబరధరం ముకుటే నాతిశోభితమ్ || ౨ ||
తూణీరం కార్ముకం చాపి బిభ్రంతం చ స్మితాననమ్ |
రత్నమాలాధరం దివ్యం పుష్పమాలావిరాజితమ్ || ౩ ||
ఏవం ధ్యాత్వా లక్ష్మణం చ రాఘవన్యస్తలోచనమ్ |
కవచం జపనీయం హి తతో భక్త్యాత్ర మానవైః || ౪ ||
అథ కవచమ్ |
లక్ష్మణః పాతు మే పూర్వే దక్షిణే రాఘవానుజః |
ప్రతీచ్యాం పాతు సౌమిత్రిః పాతూదీచ్యాం రఘూత్తమః || ౫ ||
అధః పాతు మహావీరశ్చోర్ధ్వం పాతు నృపాత్మజః |
మధ్యే పాతు రామదాసః సర్వతః సత్యపాలకః || ౬ ||
స్మితాననః శిరః పాతు భాలం పాతూర్మిలాధవః |
భ్రువోర్మధ్యే ధనుర్ధారీ సుమిత్రానందనోఽక్షిణీ || ౭ ||
కపోలే రామమంత్రీ చ సర్వదా పాతు వై మమ |
కర్ణమూలే సదా పాతు కబంధభుజఖండనః || ౮ ||
నాసాగ్రం మే సదా పాతు సుమిత్రానందవర్ధనః |
రామన్యస్తేక్షణః పాతు సదా మేఽత్ర ముఖం భువి || ౯ ||
సీతావాక్యకరః పాతు మమ వాణీం సదాఽత్ర హి |
సౌమ్యరూపః పాతు జిహ్వామనంతః పాతు మే ద్విజాన్ || ౧౦ ||
చిబుకం పాతు రక్షోఘ్నః కంఠం పాత్వసురార్దనః |
స్కంధౌ పాతు జితారాతిర్భుజౌ పంకజలోచనః || ౧౧ ||
కరౌ కంకణధారీ చ నఖాన్ రక్తనఖోఽవతు |
కుక్షిం పాతు వినిద్రో మే వక్షః పాతు జితేంద్రియః || ౧౨ ||
పార్శ్వే రాఘవపృష్ఠస్థః పృష్ఠదేశం మనోరమః |
నాభిం గంభీరనాభిస్తు కటిం చ రుక్మమేఖలః || ౧౩ ||
గుహ్యం పాతు సహస్రాస్యః పాతు లింగం హరిప్రియః |
ఊరూ పాతు విష్ణుతుల్యః సుముఖోఽవతు జానునీ || ౧౪ ||
నాగేంద్రః పాతు మే జంఘే గుల్ఫౌ నూపురవాన్మమ |
పాదావంగదతాతోఽవ్యాత్ పాత్వంగాని సులోచనః || ౧౫ ||
చిత్రకేతుపితా పాతు మమ పాదాంగులీః సదా |౮
రోమాణి మే సదా పాతు రవివంశసముద్భవః || ౧౬ ||
దశరథసుతః పాతు నిశాయాం మమ సాదరమ్ |
భూగోలధారీ మాం పాతు దివసే దివసే సదా || ౧౭ ||
సర్వకాలేషు మామింద్రజిద్ధంతాఽవతు సర్వదా |
ఏవం సౌమిత్రికవచం సుతీక్ష్ణ కథితం మయా || ౧౮ ||
ఇదం ప్రాతః సముత్థాయ యే పఠంత్యత్ర మానవాః |
తే ధన్యా మానవా లోకే తేషాం చ సఫలో భవః || ౧౯ ||
సౌమిత్రేః కవచస్యాస్య పఠనాన్నిశ్చయేన హి |
పుత్రార్థీ లభతే పుత్రాన్ ధనార్థీ ధనమాప్నుయాత్ || ౨౦ ||
పత్నీకామో లభేత్పత్నీం గోధనార్థీ తు గోధనమ్ |
ధాన్యార్థీ ప్రాప్నుయాద్ధాన్యం రాజ్యార్థీ రాజ్యమాప్నుయాత్ || ౨౧ ||
పఠితం రామకవచం సౌమిత్రికవచం వినా |
ఘృతేన హీనం నైవేద్యం తేన దత్తం న సంశయః || ౨౨ ||
కేవలం రామకవచం పఠితం మానవైర్యది |
తత్పాఠేన తు సంతుష్టో న భవేద్రఘునందనః || ౨౩ ||
అతః ప్రయత్నతశ్చేదం సౌమిత్రికవచం నరైః |
పఠనీయం సర్వదైవ సర్వవాంఛితదాయకమ్ || ౨౪ ||
ఇతి శ్రీమదానందరామాయణే సుతీక్ష్ణాగస్త్యసంవాదే శ్రీలక్ష్మణకవచమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ రామ స్తోత్రనిధి
(నిత్య పారాయణ గ్రంథము)
మరిన్ని శ్రీ రామ స్తోత్రాలు చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
