Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీరామ స్తోత్రనిధి” పుస్తకములో కూడా ఉన్నది. Click here to buy.]
అగస్త్య ఉవాచ |
అతః పరం భరతస్య కవచం తే వదామ్యహమ్ |
సర్వపాపహరం పుణ్యం సదా శ్రీరామభక్తిదమ్ || ౧ ||
కైకేయీతనయం సదా రఘువరన్యస్తేక్షణం శ్యామలం
సప్తద్వీపపతేర్విదేహతనయాకాంతస్య వాక్యే రతమ్ |
శ్రీసీతాధవసవ్యపార్శ్వనికటే స్థిత్వా వరం చామరం
ధృత్వా దక్షిణసత్కరేణ భరతం తం వీజయంతం భజే || ౨ ||
అస్య శ్రీభరతకవచమంత్రస్య అగస్త్య ఋషిః శ్రీభరతో దేవతా అనుష్టుప్ ఛందః శంఖ ఇతి బీజం కైకేయీనందన ఇతి శక్తిః భరతఖండేశ్వర ఇతి కీలకం రామానుజ ఇత్యస్త్రం సప్తద్వీపేశ్వరదాస ఇతి కవచం రామాంశజ ఇతి మంత్రః శ్రీభరతప్రీత్యర్థం సకలమనోరథసిద్ధ్యర్థం జపే వినియోగః ||
అథ కరన్యాసః |
ఓం భరతాయ అంగుష్ఠాభ్యాం నమః |
ఓం శంఖాయ తర్జనీభ్యాం నమః |
ఓం కైకేయీనందనాయ మధ్యమాభ్యాం నమః |
ఓం భరతఖండేశ్వరాయ అనామికాభ్యాం నమః |
ఓం రామానుజాయ కనిష్ఠికాభ్యాం నమః |
ఓం సప్తద్వీపేశ్వరాయ కరతలకరపృష్ఠాభ్యాం నమః |
అథ అంగన్యాసః |
ఓం భరతాయ హృదయాయ నమః |
ఓం శంఖాయ శిరసే స్వాహా |
ఓం కైకేయీనందనాయ శిఖాయై వషట్ |
ఓం భరతఖండేశ్వరాయ కవచాయ హుమ్ |
ఓం రామానుజాయ నేత్రత్రయాయ వౌషట్ |
ఓం సప్తద్వీపేశ్వరాయ అస్త్రాయ ఫట్ |
ఓం రామాంశజాయ చేతి దిగ్బంధః |
అథ ధ్యానమ్ |
రామచంద్రసవ్యపార్శ్వే స్థితం కేకయజాసుతమ్ |
రామాయ చామరేణైవ వీజయంతం మనోరమమ్ || ౧ ||
రత్నకుండలకేయూరకంకణాదిసుభూషితమ్ |
పీతాంబరపరీధానం వనమాలావిరాజితమ్ || ౨ ||
మాండవీధౌతచరణం రశనానూపురాన్వితమ్ |
నీలోత్పలదలశ్యామం ద్విజరాజసమాననమ్ || ౩ ||
ఆజానుబాహుం భరతఖండస్య ప్రతిపాలకమ్ |
రామానుజం స్మితాస్యం చ శత్రుఘ్నపరివందితమ్ || ౪ ||
రామన్యస్తేక్షణం సౌమ్యం విద్యుత్పుంజసమప్రభమ్ |
రామభక్తం మహావీరం వందే తం భరతం శుభమ్ || ౫ ||
ఏవం ధ్యాత్వా తు భరతం రామపాదేక్షణం హృది |
కవచం పఠనీయం హి భరతస్యేదముత్తమమ్ || ౬ ||
అథ కవచమ్ |
పూర్వతో భరతః పాతు దక్షిణే కైకయీసుతః |
నృపాత్మజః ప్రతీచ్యాం హి పాతూదీచ్యాం రఘూత్తమః || ౭ ||
అధః పాతు శ్యామలాంగశ్చోర్ధ్వం దశరథాత్మజః |
మధ్యే భరతవర్షేశః సర్వతః సూర్యవంశజః || ౮ ||
శిరస్తక్షపితా పాతు భాలం పాతు హరిప్రియః |
భ్రువోర్మధ్యం జనకజావాక్యైకతత్పరోఽవతు || ౯ ||
పాతు జనకజామాతా మమ నేత్రే సదాత్ర హి |
కపోలౌ మాండవీకాంతః కర్ణమూలే స్మితాననః || ౧౦ ||
నాసాగ్రం మే సదా పాతు కైకేయీతోషవర్ధనః |
ఉదారాంగో ముఖం పాతు వాణీం పాతు జటాధరః || ౧౧ ||
పాతు పుష్కరతాతో మే జిహ్వాం దంతాన్ ప్రభామయః |
చుబుకం వల్కలధరః కంఠం పాతు వరాననః || ౧౨ ||
స్కంధౌ పాతు జితారాతిర్భుజౌ శత్రుఘ్నవందితః |
కరౌ కవచధారీ చ నఖాన్ ఖడ్గధరోఽవతు || ౧౩ ||
కుక్షీ రామానుజః పాతు వక్షః శ్రీరామవల్లభః |
పార్శ్వే రాఘవపార్శ్వస్థః పాతు పృష్ఠం సుభాషణః || ౧౪ ||
జఠరం చ ధనుర్ధారీ నాభిం శరకరోఽవతు |
కటిం పద్మేక్షణః పాతు గుహ్యం రామైకమానసః || ౧౫ ||
రామమిత్రం పాతు లింగమూరూ శ్రీరామసేవకః |
నందిగ్రామస్థితః పాతు జానునీ మమ సర్వదా || ౧౬ ||
శ్రీరామపాదుకాధారీ పాతు జంఘే సదా మమ |
గుల్ఫౌ శ్రీరామబంధుశ్చ పాదౌ పాతు సురార్చితః || ౧౭ ||
రామాజ్ఞాపాలకః పాతు మమాంగాన్యత్ర సర్వదా |
మమ పాదాంగుళీః పాతు రఘువంశసుభూషణః || ౧౮ ||
రోమాణి పాతు మే రమ్యః పాతు రాత్రౌ సుధీర్మమ |
తూణీరధారీ దివసం దిక్పాతు మమ సర్వదా || ౧౯ ||
సర్వకాలేషు మాం పాతు పాంచజన్యః సదా భువి |
ఏవం శ్రీభరతస్యేదం సుతీక్ష్ణ కవచం శుభమ్ || ౨౦ ||
మయా ప్రోక్తం తవాగ్రే హి మహామంగళకారకమ్ |
స్తోత్రాణాముత్తమం స్తోత్రమిదం జ్ఞేయం సుపుణ్యదమ్ || ౨౧ ||
పఠనీయం సదా భక్త్యా రామచంద్రస్య హర్షదమ్ |
పఠిత్వా భరతస్యేదం కవచం రఘునందనః || ౨౨ ||
యథా యాతి పరం తోషం తథా స్వకవచేన న |
తస్మాదేతత్సదా జప్యం కవచానామనుత్తమమ్ || ౨౩ ||
అస్యాత్ర పఠనాన్మర్త్యః సర్వాన్కామానవాప్నుయాత్ |
విద్యాకామో లభేద్విద్యాం పుత్రకామో లభేత్సుతమ్ || ౨౪ ||
పత్నీకామో లభేత్ పత్నీం ధనార్థీ ధనమాప్నుయాత్ |
యద్యన్మనోఽభిలషితం తత్తత్కవచపాఠతః || ౨౫ ||
లభ్యతే మానవైరత్ర సత్యం సత్యం వదామ్యహమ్ |
తస్మాత్సదా జపనీయం రామోపాసకమానవైః || ౨౬ ||
ఇతి శ్రీమదానందరామాయణే సుతీక్ష్ణాగస్త్యసంవాదే శ్రీభరతకవచమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ రామ స్తోత్రనిధి
(నిత్య పారాయణ గ్రంథము)
మరిన్ని శ్రీ రామ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
