Read in తెలుగు / ಕನ್ನಡ / தமிழ் / देवनागरी / English (IAST)
agastya uvāca |
ataḥ paraṁ bharatasya kavacaṁ tē vadāmyaham |
sarvapāpaharaṁ puṇyaṁ sadā śrīrāmabhaktidam || 1 ||
kaikēyītanayaṁ sadā raghuvaranyastēkṣaṇaṁ śyāmalaṁ
saptadvīpapatērvidēhatanayākāntasya vākyē ratam |
śrīsītādhavasavyapārśvanikaṭē sthitvā varaṁ cāmaraṁ
dhr̥tvā dakṣiṇasatkarēṇa bharataṁ taṁ vījayantaṁ bhajē || 2 ||
asya śrībharatakavacamantrasya agastya r̥ṣiḥ śrībharatō dēvatā anuṣṭup chandaḥ śaṅkha iti bījaṁ kaikēyīnandana iti śaktiḥ bharatakhaṇḍēśvara iti kīlakaṁ rāmānuja ityastraṁ saptadvīpēśvaradāsa iti kavacaṁ rāmāṁśaja iti mantraḥ śrībharataprītyarthaṁ sakalamanōrathasiddhyarthaṁ japē viniyōgaḥ ||
atha karanyāsaḥ |
ōṁ bharatāya aṅguṣṭhābhyāṁ namaḥ |
ōṁ śaṅkhāya tarjanībhyāṁ namaḥ |
ōṁ kaikēyīnandanāya madhyamābhyāṁ namaḥ |
ōṁ bharatakhaṇḍēśvarāya anāmikābhyāṁ namaḥ |
ōṁ rāmānujāya kaniṣṭhikābhyāṁ namaḥ |
ōṁ saptadvīpēśvarāya karatalakarapr̥ṣṭhābhyāṁ namaḥ |
atha aṅganyāsaḥ |
ōṁ bharatāya hr̥dayāya namaḥ |
ōṁ śaṅkhāya śirasē svāhā |
ōṁ kaikēyīnandanāya śikhāyai vaṣaṭ |
ōṁ bharatakhaṇḍēśvarāya kavacāya hum |
ōṁ rāmānujāya nētratrayāya vauṣaṭ |
ōṁ saptadvīpēśvarāya astrāya phaṭ |
ōṁ rāmāṁśajāya cēti digbandhaḥ |
atha dhyānam |
rāmacandrasavyapārśvē sthitaṁ kēkayajāsutam |
rāmāya cāmarēṇaiva vījayantaṁ manōramam || 1 ||
ratnakuṇḍalakēyūrakaṅkaṇādisubhūṣitam |
pītāmbaraparīdhānaṁ vanamālāvirājitam || 2 ||
māṇḍavīdhautacaraṇaṁ raśanānūpurānvitam |
nīlōtpaladalaśyāmaṁ dvijarājasamānanam || 3 ||
ājānubāhuṁ bharatakhaṇḍasya pratipālakam |
rāmānujaṁ smitāsyaṁ ca śatrughnaparivanditam || 4 ||
rāmanyastēkṣaṇaṁ saumyaṁ vidyutpuñjasamaprabham |
rāmabhaktaṁ mahāvīraṁ vandē taṁ bharataṁ śubham || 5 ||
ēvaṁ dhyātvā tu bharataṁ rāmapādēkṣaṇaṁ hr̥di |
kavacaṁ paṭhanīyaṁ hi bharatasyēdamuttamam || 6 ||
atha kavacam |
pūrvatō bharataḥ pātu dakṣiṇē kaikayīsutaḥ |
nr̥pātmajaḥ pratīcyāṁ hi pātūdīcyāṁ raghūttamaḥ || 7 ||
adhaḥ pātu śyāmalāṅgaścōrdhvaṁ daśarathātmajaḥ |
madhyē bharatavarṣēśaḥ sarvataḥ sūryavaṁśajaḥ || 8 ||
śirastakṣapitā pātu bhālaṁ pātu haripriyaḥ |
bhruvōrmadhyaṁ janakajāvākyaikatatparō:’vatu || 9 ||
pātu janakajāmātā mama nētrē sadātra hi |
kapōlau māṇḍavīkāntaḥ karṇamūlē smitānanaḥ || 10 ||
nāsāgraṁ mē sadā pātu kaikēyītōṣavardhanaḥ |
udārāṅgō mukhaṁ pātu vāṇīṁ pātu jaṭādharaḥ || 11 ||
pātu puṣkaratātō mē jihvāṁ dantān prabhāmayaḥ |
cubukaṁ valkaladharaḥ kaṇṭhaṁ pātu varānanaḥ || 12 ||
skandhau pātu jitārātirbhujau śatrughnavanditaḥ |
karau kavacadhārī ca nakhān khaḍgadharō:’vatu || 13 ||
kukṣī rāmānujaḥ pātu vakṣaḥ śrīrāmavallabhaḥ |
pārśvē rāghavapārśvasthaḥ pātu pr̥ṣṭhaṁ subhāṣaṇaḥ || 14 ||
jaṭharaṁ ca dhanurdhārī nābhiṁ śarakarō:’vatu |
kaṭiṁ padmēkṣaṇaḥ pātu guhyaṁ rāmaikamānasaḥ || 15 ||
rāmamitraṁ pātu liṅgamūrū śrīrāmasēvakaḥ |
nandigrāmasthitaḥ pātu jānunī mama sarvadā || 16 ||
śrīrāmapādukādhārī pātu jaṅghē sadā mama |
gulphau śrīrāmabandhuśca pādau pātu surārcitaḥ || 17 ||
rāmājñāpālakaḥ pātu mamāṅgānyatra sarvadā |
mama pādāṅgulīḥ pātu raghuvaṁśasubhūṣaṇaḥ || 18 ||
rōmāṇi pātu mē ramyaḥ pātu rātrau sudhīrmama |
tūṇīradhārī divasaṁ dikpātu mama sarvadā || 19 ||
sarvakālēṣu māṁ pātu pāñcajanyaḥ sadā bhuvi |
ēvaṁ śrībharatasyēdaṁ sutīkṣṇa kavacaṁ śubham || 20 ||
mayā prōktaṁ tavāgrē hi mahāmaṅgalakārakam |
stōtrāṇāmuttamaṁ stōtramidaṁ jñēyaṁ supuṇyadam || 21 ||
paṭhanīyaṁ sadā bhaktyā rāmacandrasya harṣadam |
paṭhitvā bharatasyēdaṁ kavacaṁ raghunandanaḥ || 22 ||
yathā yāti paraṁ tōṣaṁ tathā svakavacēna na |
tasmādētatsadā japyaṁ kavacānāmanuttamam || 23 ||
asyātra paṭhanānmartyaḥ sarvānkāmānavāpnuyāt |
vidyākāmō labhēdvidyāṁ putrakāmō labhētsutam || 24 ||
patnīkāmō labhēt patnīṁ dhanārthī dhanamāpnuyāt |
yadyanmanō:’bhilaṣitaṁ tattatkavacapāṭhataḥ || 25 ||
labhyatē mānavairatra satyaṁ satyaṁ vadāmyaham |
tasmātsadā japanīyaṁ rāmōpāsakamānavaiḥ || 26 ||
iti śrīmadānandarāmāyaṇē sutīkṣṇāgastyasaṁvādē śrībharatakavacam |
See more śrī rāma stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
