Sri Sudarshana Kavacham 2 – శ్రీ సుదర్శన కవచం ౨

ప్రసీద భగవన్ బ్రహ్మన్ సర్వమన్త్రజ్ఞ నారద |
సౌదర్శనం తు కవచం పవిత్రం బ్రూహి తత్వతః || ౧ ||

నారద ఉవాచ |
శ్రుణుశ్వేహ ద్విజశ్రేష్ట పవిత్రం పరమాద్భుతమ్ |
సౌదర్శనం తు కవచం దృష్టాఽదృష్టార్థ సాధకమ్ || ౨ ||

కవచస్యాస్య ఋషిర్బ్రహ్మా ఛన్దోనుష్టుప్ తథా స్మృతమ్ |
సుదర్శన మహావిష్ణుర్దేవతా సమ్ప్రచక్షతే || ౩ ||

హ్రాం బీజం శక్తి రద్రోక్తా హ్రీం క్రోం కీలకమిష్యతే |
శిరః సుదర్శనః పాతు లలాటం చక్రనాయకః || ౪ ||

ఘ్రాణం పాతు మహాదైత్య-రిపురవ్యాత్ దృశౌ మమ |
సహస్రారః శృతిం పాతు కపోలం దేవవల్లభః || ౫ ||

విశ్వాత్మా పాతు మే వక్త్రం జిహ్వాం విద్యామయో హరిః |
కణ్ఠం పాతు మహాజ్వాలః స్కంధౌ దివ్యాయుధేశ్వరః || ౬ ||

భుజౌ మే పాతు విజయీ కరౌ కైటభనాశనః |
షట్కోణ సంస్థితః పాతు హృదయం ధామ మామకమ్ || ౭ ||

మధ్యం పాతు మహావీర్యః త్రినేత్రో నాభిమణ్డలమ్ |
సర్వయుధమయః పాతు కటిం శ్రోణిం మహాద్యుతిః || ౮ ||

సోమసూర్యాగ్ని నయనః ఊరూ పాతు చ మామకౌ |
గుహ్యం పాతు మహామాయో జానునీ తు జగత్పతిః || ౯ ||

జఙ్ఘే పాతు మమాజస్రం అహిర్బుధ్న్యః సుపూజితః |
గుల్ఫౌ పాతు విశుద్ధాత్మా పాదౌ పరపురఞ్జయః || ౧౦ ||

సకలాయుధ సంపూర్ణః నిఖిలాఙ్గం సుదర్శనః |
య ఇదం కవచం దివ్యం పరమానందదాయినమ్ || ౧౧ ||

సౌదర్శనమిదం యో వై సదా శుద్ధః పఠేన్నరః |
తస్యార్థ సిద్ధిర్విపులా కరస్థా భవతి ధ్రువమ్ || ౧౨ ||

కూష్మాణ్డ చణ్డ భూతాద్యాః యే చ దుష్టాః గ్రహాః స్మృతాః |
పలాయన్తేఽనిశం హి తాః వర్మణోస్య ప్రభావతః || ౧౩ ||

కుష్టాఽపస్మార గుల్మాద్యాః వ్యాధయః కర్మహేతుకాః |
నశ్యన్త్యే తన్మన్త్రితాంబు పానాత్ సప్త దినావధి || ౧౪ ||

అనేన మన్త్రితామ్మృత్స్నాం తులసీ మూల సంస్థితామ్ |
లలాటే తిలకం కృత్వా మోహయేత్ త్రిజగన్నరః || ౧౫ ||

వర్మణోస్య ప్రభావేన సర్వాన్కామానవాప్నుయాత్ |

ఇతి శ్రీభృగుసంహితోక్త శ్రీసుదర్శన కవచం సంపూర్ణమ్ ||