Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ వేంకటేశ్వర స్తోత్రనిధి” పారాయణ గ్రంథములో లో కూడా ఉన్నది. Click here to buy.]
శ్రీమాన్ వేంకటనాథార్యః కవితార్కికకేసరీ |
వేదాంతాచార్యవర్యో మే సన్నిధత్తాం సదాహృది ||
నమః పన్నగనద్ధాయ వైకుంఠవశవర్తినే |
శ్రుతిసింధుసుధోత్పాదమందరాయ గరుత్మతే ||
గరుడమఖిలవేదనీడాధిరూఢం ద్విషత్పీడనోత్కంఠితాకుంఠ వైకుంఠపీఠీకృత స్కంధమీడే స్వనీడా గతిప్రీతరుద్రా సుకీర్తిస్తనాభోగ గాఢోపగూఢం స్ఫురత్కంటక వ్రాత వేధవ్యథా వేపమాన ద్విజిహ్వాధిపా కల్పవిష్ఫార్యమాణ స్ఫటావాటికా రత్నరోచిశ్ఛటా రాజినీరాజితం కాంతికల్లోలినీ రాజితమ్ || ౧ ||
జయ గరుడ సుపర్ణ దర్వీకరాహార దేవాధిపా హారహారిన్ దివౌకస్పతి క్షిప్తదంభోళి ధారాకిణా కల్పకల్పాంత వాతూల కల్పోదయానల్ప వీరాయితోద్యత్ చమత్కార దైత్యారి జైత్రధ్వజారోహ నిర్ధారితోత్కర్ష సంకర్షణాత్మన్ గరుత్మన్ మరుత్పంచకాధీశ సత్యాదిమూర్తే న కశ్చిత్ సమస్తే నమస్తే పునస్తే నమః || ౨ ||
నమ ఇదమజహత్ సపర్యాయ పర్యాయనిర్యాత పక్షానిలాస్ఫాలనోద్వేలపాథోధి వీచీ చపేటాహతా గాధ పాతాళ భాంకార సంక్రుద్ధ నాగేంద్ర పీడా సృణీభావ భాస్వన్నఖశ్రేణయే చండ తుండాయ నృత్యద్భుజంగభ్రువే వజ్రిణే దంష్ట్రయా తుభ్యమధ్యాత్మవిద్యా విధేయా విధేయా భవద్దాస్యమాపాదయేథా దయేథాశ్చ మే || ౩ ||
మనురనుగత పక్షివక్త్ర స్ఫురత్తారకస్తావకశ్చిత్రభానుప్రియా శేఖరస్త్రాయతాం నస్త్రివర్గాపవర్గ ప్రసూతిః పరవ్యోమధామన్ వలద్వేషిదర్ప జ్వలద్వాలఖిల్య ప్రతిజ్ఞావతీర్ణ స్థిరాం తత్త్వబుద్ధిం పరాం భక్తిధేనుం జగన్మూలకందే ముకుందే మహానందదోగ్ధ్రీం దధీథా ముధా కామహీనామహీనామహీనాంతక || ౪ ||
షట్త్రింశద్గణచరణో నరపరిపాటీనవీనగుంభగణః |
విష్ణురథదండకోఽయం విఘటయతు విపక్షవాహినీవ్యూహమ్ || ౫ ||
విచిత్రసిద్ధిదః సోఽయం వేంకటేశవిపశ్చితా |
గరుడధ్వజతోషాయ గీతో గరుడదండకః || ౬ ||
కవితార్కికసింహాయ కళ్యాణగుణశాలినే |
శ్రీమతే వేంకటేశాయ వేదాంతగురవే నమః ||
శ్రీమతే నిగమాంతమహాదేశికాయ నమః |
ఇతి శ్రీ గరుడ దండకమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ వేంకటేశ్వర స్తోత్రనిధి
(నిత్య పారాయణ గ్రంథము)
మరిన్ని శ్రీ విష్ణు స్తోత్రాలు చూడండి. మరిన్ని నాగదేవత స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
It is very useful for the devotees. I don’t know why you are not allowing for print.
Mistakes are being corrected continuously. So unless the stotra stays in digital format, I can not push the correct versions regularly.