Read in తెలుగు / ಕನ್ನಡ / தமிழ் / देवनागरी / English (IAST)
లోకానాహూయ సర్వాన్ డమరుకనినదైర్ఘోరసంసారమగ్నాన్
దత్వాభీతిం దయాళుః ప్రణతభయహరం కుంచితం వామపాదమ్ |
ఉద్ధృత్యేదం విముక్తేరయనమితి కరాద్దర్శయన్ ప్రత్యయార్థం
బిభ్రద్వహ్నిం సభాయాం కలయతి నటనం యః స పాయాన్నటేశః || ౧ ||
దిగీశాది వంద్యం గిరీశానచాపం
మురారాతి బాణం పురత్రాసహాసమ్ |
కరీంద్రాది చర్మాంబరం వేదవేద్యం
మహేశం సభేశం భజేఽహం నటేశమ్ || ౨ ||
సమస్తైశ్చ భూతైః సదా నమ్యమాద్యం
సమస్తైకబంధుం మనోదూరమేకమ్ |
అపస్మారనిఘ్నం పరం నిర్వికారం
మహేశం సభేశం భజేఽహం నటేశమ్ || ౩ ||
దయాళుం వరేణ్యం రమానాథవంద్యం
మహానందభూతం సదానందనృత్తమ్ |
సభామధ్యవాసం చిదాకాశరూపం
మహేశం సభేశం భజేఽహం నటేశమ్ || ౪ ||
సభానాథమాద్యం నిశానాథభూషం
శివావామభాగం పదాంభోజ లాస్యమ్ |
కృపాపాంగవీక్షం హ్యుమాపాంగదృశ్యం
మహేశం సభేశం భజేఽహం నటేశమ్ || ౫ ||
దివానాథరాత్రీశవైశ్వానరాక్షం
ప్రజానాథపూజ్యం సదానందనృత్తమ్ |
చిదానందగాత్రం పరానందసౌధం
మహేశం సభేశం భజేఽహం నటేశమ్ || ౬ ||
కరేకాహలీకం పదేమౌక్తికాలిం
గళేకాలకూటం తలేసర్వమంత్రమ్ |
ముఖే మందహాసం భుజే నాగరాజం
మహేశం సభేశం భజేఽహం నటేశమ్ || ౭ ||
త్వదన్యం శరణ్యం న పశ్యామి శంభో
మదన్యః ప్రపన్నోస్తి కింతేతిదీనః |
మదర్థేహ్యుపేక్షా తవాసీత్కిమర్థం
మహేశం సభేశం భజేఽహం నటేశమ్ || ౮ ||
భవత్పాదయుగ్మం కరేణావలంబే
సదా నృత్తకారిన్ సభామధ్యదేశే |
సదా భావయే త్వాం తదా దాస్యసీష్టం
మహేశం సభేశం భజేఽహం నటేశమ్ || ౯ ||
భూయః స్వామిన్ జనిర్మే మరణమపి తథా మాస్తు భూయః సురాణాం
సామ్రాజ్యం తచ్ఛ తావత్సుఖలవరహితం దుఃఖదం నార్థయే త్వామ్ |
సంతాపఘ్నం పురారే ధురి చ తవసభా మందిరే సర్వదా త్వ-
-న్నృత్తం పశ్యన్వసేయం ప్రమథగణవరైః సాకమేతద్విధేహి || ౧౦ ||
ఇతి శ్రీ జ్ఞానసంబంధ కృత శ్రీ నటేశ్వర భుజంగ స్తుతిః |
మరిన్ని శ్రీ శివ స్తోత్రాలు చూడండి. మరిన్ని శ్రీ నటరాజ స్తోత్రాలు చూడండి.
ಗಮನಿಸಿ :"ಪ್ರಭಾತ ಸ್ತೋತ್ರನಿಧಿ" ಪುಸ್ತಕ ಬಿಡುಗಡೆಯಾಗಿದೆ ಮತ್ತು ಈಗ ಖರೀದಿಗೆ ಲಭ್ಯವಿದೆ. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
