Sri Sharva Stuti (Krishna Arjuna Krutam) – శ్రీ శర్వ స్తుతిః (కృష్ణార్జున కృతం)


కృష్ణార్జునావూచతుః |
నమో భవాయ శర్వాయ రుద్రాయ వరదాయ చ |
పశూనాం పతయే నిత్యముగ్రాయ చ కపర్దినే |
మహాదేవాయ భీమాయ త్ర్యంబకాయ చ శాంతయే || ౧ ||

ఈశానాయ భగఘ్నాయ నమోఽస్త్వంధకఘాతినే |
కుమారగురవే తుభ్యం నీలగ్రీవాయ వేధసే || ౨ ||

పినాకినే హవిష్యాయ సత్యాయ విభవే సదా |
విలోహితాయ ధూమ్రాయ వ్యాధాయ నపరాజితే || ౩ ||

నిత్యం నీలశిఖండాయ శూలినే దివ్యచక్షుషే |
హోత్రే పోత్రే త్రినేత్రాయ వ్యాధయే వసురేతసే || ౪ ||

అచింత్యాయాంబికాభర్త్రే సర్వదేవస్తుతాయ చ |
వృషధ్వజాయ ముండాయ జటినే బ్రహ్మచారిణే || ౫ ||

తప్యమానాయ సలిలే బ్రహ్మణ్యాయాజితాయ చ |
విశ్వాత్మనే విశ్వసృజే విశ్వమావృత్య తిష్ఠతే || ౬ ||

నమో నమస్తే సేవ్యాయ భూతానాం ప్రభవే సదా |
బ్రహ్మవక్త్రాయ సర్వాయ శంకరాయ శివాయ చ || ౭ ||

నమోఽస్తు వాచస్పతయే ప్రజానాం పతయే నమః |
నమో విశ్వస్య పతయే మహతాం పతయే నమః || ౮ ||

నమః సహస్రశిరసే సహస్రభుజమన్యవే |
సహస్రనేత్రపాదాయ నమోఽసంఖ్యేయకర్మణే || ౯ ||

నమో హిరణ్యవర్ణాయ హిరణ్యకవచాయ చ |
భక్తానుకంపినే నిత్యం సిద్ధ్యతాం నో వరః ప్రభో || ౧౦ ||

ఇతి శ్రీమన్మహాభారతే ద్రోణపర్వణి అర్జునస్వప్నదర్శనే అశీతితమోఽధ్యాయే శర్వ స్తుతిః ||


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ శివ స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ శివ స్తోత్రాలు


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed