Naga Kavacham in Telugu – నాగ కవచం


నాగరాజస్య దేవస్య కవచం సర్వకామదమ్ |
ఋషిరస్య మహాదేవో గాయత్రీ ఛంద ఈరితః || ౧ ||

తారాబీజం శివాశక్తిః క్రోధబీజస్తు కీలకః |
దేవతా నాగరాజస్తు ఫణామణివిరాజితః || ౨ ||

సర్వకామార్థ సిద్ధ్యర్థే వినియోగః ప్రకీర్తితః |
అనంతో మే శిరః పాతు కంఠం సంకర్షణస్తథా || ౩ ||

కర్కోటకో నేత్రయుగ్మం కపిలః కర్ణయుగ్మకమ్ |
వక్షఃస్థలం నాగయక్షః బాహూ కాలభుజంగమః || ౪ ||

ఉదరం ధృతరాష్ట్రశ్చ వజ్రనాగస్తు పృష్ఠకమ్ |
మర్మాంగమశ్వసేనస్తు పాదావశ్వతరోఽవతు || ౫ ||

వాసుకిః పాతు మాం ప్రాచ్యే ఆగ్నేయాం తు ధనంజయః |
తక్షకో దక్షిణే పాతు నైరృత్యాం శంఖపాలకః || ౬ ||

మహాపద్మః ప్రతీచ్యాం తు వాయవ్యాం శంఖనీలకః |
ఉత్తరే కంబలః పాతు ఈశాన్యాం నాగభైరవః || ౭ ||

ఊర్ధ్వం చైరావతోఽధస్తాత్ నాగభేతాళనాయకః |
సదా సర్వత్ర మాం పాతు నాగలోకాధినాయకాః || ౮ ||

ఇతి నాగ కవచమ్ |

Report mistakes and corrections in Stotranidhi content.

Facebook Comments
error: Not allowed
%d bloggers like this: