Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రం “శ్రీ నరసింహ స్తోత్రనిధి” పారాయణ గ్రంథములో కూడా ఉన్నది. Click here to buy.]
శ్రీమదకలంక పరిపూర్ణ శశికోటి-
-శ్రీధర మనోహర సటాపటల కాంత |
పాలయ కృపాలయ భవాంబుధినిమగ్నం
దైత్యవరకాల నరసింహ నరసింహ || ౧ ||
పాదకమలావనత పాతకిజనానాం
పాతకదవానల పతత్రివరకేతో |
భావన పరాయణ భవార్తిహరయా మాం
పాహి కృపయైవ నరసింహ నరసింహ || ౨ ||
తుంగనఖపంక్తిదలితాసురవరాసృక్
పంకనవకుంకుమవిపంకిలమహోరః |
పండితనిధాన కమలాలయ నమస్తే
పంకజనిషణ్ణ నరసింహ నరసింహ || ౩ ||
మౌళిషు విభూషణమివామర వరాణాం
యోగిహృదయేషు చ శిరః సునిగమానామ్ |
రాజదరవిందరుచిరం పదయుగం తే
దేహి మమ మూర్ధ్ని నరసింహ నరసింహ || ౪ ||
వారిజవిలోచన మదంతిమదశాయాం
క్లేశవివశీకృత సమస్తకరణాయామ్ |
ఏహి రమయా సహ శరణ్య విహగానాం-
-నాథమధిరుహ్య నరసింహ నరసింహ || ౫ ||
హాటకకిరీటవరహారవనమాలా
ధారరశనామకరకుండలమణీంద్రైః |
భూషితమశేషనిలయం తవ వపుర్మే
చేతసి చకాస్తు నరసింహ నరసింహ || ౬ ||
ఇందు రవి పావక విలోచన రమాయాః
మందిర మహాభుజలసద్వరరథాంగ |
సుందర చిరాయ రమతాం త్వయి మనో మే
నందిత సురేశ నరసింహ నరసింహ || ౭ ||
మాధవ ముకుంద మధుసూదన మురారే
వామన నృసింహ శరణం భవ నతానామ్ |
కామద ఘృణిన్ నిఖిలకారణ నయేయం
కాలమమరేశ నరసింహ నరసింహ || ౮ ||
అష్టకమిదం సకలపాతకభయఘ్నం
కామదమశేషదురితామయరిపుఘ్నమ్ |
యః పఠతి సంతతమశేషనిలయం తే
గచ్ఛతి పదం స నరసింహ నరసింహ || ౯ ||
ఇతి శ్రీ నృసింహాష్టకమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ నరసింహ స్తోత్రనిధి
(నిత్య పారాయణ గ్రంథము)
మరిన్ని శ్రీ నృసింహ స్తోత్రాలు చూడండి.
గమనిక: :"శ్రీ నరసింహ స్తోత్రనిధి" పుస్తకము అందుబాటులో ఉంది. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
