Sri Mahalakshmi Chaturvimsati Nama Stotram – శ్రీ మహాలక్ష్మీ చతుర్వింశతినామ స్తోత్రం


దేవా ఊచుః |
నమః శ్రియై లోకధాత్ర్యై బ్రహ్మమాత్రే నమో నమః |
నమస్తే పద్మనేత్రాయై పద్మముఖ్యై నమో నమః || ౧ ||

ప్రసన్నముఖపద్మాయై పద్మకాంత్యై నమో నమః |
నమో బిల్వవనస్థాయై విష్ణుపత్న్యై నమో నమః || ౨ ||

విచిత్రక్షౌమధారిణ్యై పృథుశ్రోణ్యై నమో నమః |
పక్వబిల్వఫలాపీనతుంగస్తన్యై నమో నమః || ౩ ||

సురక్తపద్మపత్రాభకరపాదతలే శుభే |
సురత్నాంగదకేయూరకాంచీనూపురశోభితే |
యక్షకర్దమసంలిప్తసర్వాంగే కటకోజ్జ్వలే || ౪ ||

మాంగల్యాభరణైశ్చిత్రైర్ముక్తాహారైర్విభూషితే |
తాటంకైరవతంసైశ్చ శోభమానముఖాంబుజే || ౫ ||

పద్మహస్తే నమస్తుభ్యం ప్రసీద హరివల్లభే |
ఋగ్యజుస్సామరూపాయై విద్యాయై తే నమో నమః || ౬ ||

ప్రసీదాస్మాన్ కృపాదృష్టిపాతైరాలోకయాబ్ధిజే |
యే దృష్టాస్తే త్వయా బ్రహ్మరుద్రేంద్రత్వం సమాప్నుయుః || ౭ ||

ఇతి శ్రీవరాహపురాణే శ్రీవేంకటాచలమాహాత్మ్యే నవమోఽధ్యాయే దేవాదికృత శ్రీలక్ష్మీస్తుతిర్నామ మహాలక్ష్మీచతుర్వింశతినామస్తోత్రమ్ ||


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ వేంకటేశ్వర స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ లక్ష్మీ స్తోత్రాలు చూడండి.


గమనిక: "శ్రీ లక్ష్మీ స్తోత్రనిధి" పారాయణ గ్రంథము తెలుగులో ముద్రణ చేయుటకు ఆలోచన చేయుచున్నాము.

Report mistakes and corrections in Stotranidhi content.

Facebook Comments
error: Not allowed
%d bloggers like this: