// శ్లోకాలు – తాత్పర్యం //
(వరాహ పురాణంలోని వేంకటాచల మాహాత్మ్యం నుండి గ్రహించబడిన ఈ స్తోత్రం అత్యంత పవిత్రమైనది. ఆకాశరాజు పుత్రికగా అవతరించిన పద్మావతీ అమ్మవారిని (మహాలక్ష్మిని) దేవతలు స్తుతించిన సందర్భంలోనిది. ఈ స్తోత్రానికి ‘మహాలక్ష్మీ చతుర్వింశతి నామ స్తోత్రం’ అని పేరు. ఇందులో ప్రధానంగా అమ్మవారి అలంకార విశేషాలు, వేద స్వరూపం వర్ణించబడ్డాయి. భక్తితో దీనిని పఠించేవారికి సకల ఐశ్వర్యాలు లభిస్తాయని పురాణ వచనం.)
దేవా ఊచుః |
నమః శ్రియై లోకధాత్ర్యై బ్రహ్మమాత్రే నమో నమః |
నమస్తే పద్మనేత్రాయై పద్మముఖ్యై నమో నమః || ౧ ||
దేవతలు పలికారు: లోకములను ధరించే (రక్షించే) శోభాయమానమైన శ్రీదేవికి నమస్కారం. బ్రహ్మదేవునికే తల్లివైన నీకు వందనములు. పద్మముల వంటి కన్నులు కలిగినదానా, పద్మము వంటి ముఖము కలిగినదానా! నీకు మా నమస్కారములు.
ప్రసన్నముఖపద్మాయై పద్మకాంత్యై నమో నమః |
నమో బిల్వవనస్థాయై విష్ణుపత్న్యై నమో నమః || ౨ ||
ప్రసన్నమైన పద్మము వంటి ముఖము కలిగినదానా, పద్మము వంటి కాంతి కలిగిన ఓ తల్లీ! నీకు నమస్కారము. బిల్వ వనములో నివసించేదానా, శ్రీమహావిష్ణువు ధర్మపత్నీ! నీకు మా వందనములు.
విచిత్రక్షౌమధారిణ్యై పృథుశ్రోణ్యై నమో నమః |
పక్వబిల్వఫలాపీనతుంగస్తన్యై నమో నమః || ౩ ||
విచిత్రమైన (అందమైన) పట్టు వస్త్రములను ధరించినదానా, విశాలమైన కటి భాగము (నడుము) కలిగినదానా! నీకు నమస్కారము. పండిన బిల్వ ఫలముల వలె (మారేడు పండ్ల వలె) నిండుగా, ఉన్నతముగా ఉన్న వక్షఃస్థలము కలిగిన ఓ జననీ! నీకు నమస్కారము.
సురక్తపద్మపత్రాభకరపాదతలే శుభే |
సురత్నాంగదకేయూరకాంచీనూపురశోభితే |
యక్షకర్దమసంలిప్తసర్వాంగే కటకోజ్జ్వలే || ౪ ||
బాగా ఎర్రబడిన తామర రేకుల వంటి అరచేతులు, పాదతలాలు కలిగిన శుభప్రదాయినివి నీవు. శ్రేష్ఠమైన రత్నములు పొదిగిన అంగదములు (భుజకీర్తులు), కేయూరములు, మొలతాడు (కాంచీ), అందెలతో (నూపురము) శోభిల్లేదానా! యక్షకర్దమము (కస్తూరి, కుంకుమపువ్వు, గంధం కలిపిన సుగంధ ద్రవ్యం) శరీరమంతా అలముకున్నదానా, కంకణములతో ప్రకాశించేదానా!
మాంగల్యాభరణైశ్చిత్రైర్ముక్తాహారైర్విభూషితే |
తాటంకైరవతంసైశ్చ శోభమానముఖాంబుజే || ౫ ||
చిత్రవిచిత్రమైన మంగళకర ఆభరణములతో, ముత్యాల హారములతో అలంకరింపబడినదానా! తాటంకములతో (చెవి కమ్మలు), ఇతర కర్ణాభరణములతో పద్మము వంటి నీ ముఖము ఎంతో శోభాయమానంగా ఉంది.
పద్మహస్తే నమస్తుభ్యం ప్రసీద హరివల్లభే |
ఋగ్యజుస్సామరూపాయై విద్యాయై తే నమో నమః || ౬ ||
చేతిలో పద్మమును ధరించిన ఓ హరివల్లభా! మాపై ప్రసన్నురాలివి కమ్ము. ఋగ్వేద, యజుర్వేద, సామవేద స్వరూపిణివి అయినట్టి.. విద్యారూపిణివైన నీకు మా నమస్కారములు.
ప్రసీదాస్మాన్ కృపాదృష్టిపాతైరాలోకయాబ్ధిజే |
యే దృష్టాస్తే త్వయా బ్రహ్మరుద్రేంద్రత్వం సమాప్నుయుః || ౭ ||
సముద్ర పుత్రికా (అబ్ధిజే)! మాపై ప్రసన్నత చూపుము. నీ కరుణా వీక్షణములతో మమ్మల్ని చూడుము. నీవు ఎవరినైతే కటాక్షిస్తావో (చూస్తావో), వారు బ్రహ్మ పదవిని, రుద్ర పదవిని, చివరకు ఇంద్ర పదవిని కూడా పొందుతారు (అనగా నీ చూపు సోకితే సామాన్యులు కూడా అత్యున్నత స్థానానికి చేరుకుంటారు).
ఇతి శ్రీవరాహపురాణే శ్రీవేంకటాచలమాహాత్మ్యే నవమోఽధ్యాయే దేవాదికృత శ్రీలక్ష్మీస్తుతిర్నామ మహాలక్ష్మీచతుర్వింశతినామస్తోత్రమ్ ||
మరిన్ని శ్రీ లక్ష్మీ స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
