Read in తెలుగు / ಕನ್ನಡ / தமிழ் / देवनागरी / English (IAST)
dēvā ūcuḥ |
namaḥ śriyai lōkadhātryai brahmamātrē namō namaḥ |
namastē padmanētrāyai padmamukhyai namō namaḥ || 1 ||
prasannamukhapadmāyai padmakāntyai namō namaḥ |
namō bilvavanasthāyai viṣṇupatnyai namō namaḥ || 2 ||
vicitrakṣaumadhāriṇyai pr̥thuśrōṇyai namō namaḥ |
pakvabilvaphalāpīnatuṅgastanyai namō namaḥ || 3 ||
suraktapadmapatrābhakarapādatalē śubhē |
suratnāṅgadakēyūrakāñcīnūpuraśōbhitē |
yakṣakardamasaṁliptasarvāṅgē kaṭakōjjvalē || 4 ||
māṅgalyābharaṇaiścitrairmuktāhārairvibhūṣitē |
tāṭaṅkairavataṁsaiśca śōbhamānamukhāmbujē || 5 ||
padmahastē namastubhyaṁ prasīda harivallabhē |
r̥gyajussāmarūpāyai vidyāyai tē namō namaḥ || 6 ||
prasīdāsmān kr̥pādr̥ṣṭipātairālōkayābdhijē |
yē dr̥ṣṭāstē tvayā brahmarudrēndratvaṁ samāpnuyuḥ || 7 ||
iti śrīvarāhapurāṇē śrīvēṅkaṭācalamāhātmyē navamō:’dhyāyē dēvādikr̥ta śrīlakṣmīstutirnāma mahālakṣmīcaturviṁśatināmastōtram ||
See more śrī lakṣmī stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.