Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ లక్ష్మీ స్తోత్రనిధి” పారాయణ గ్రంథములో లో కూడా ఉన్నది.]
దేవా ఊచుః |
క్షమస్వ భగవత్యంబ క్షమాశీలే పరాత్పరే |
శుద్ధసత్త్వస్వరూపే చ కోపాదిపరివర్జితే || ౧ ||
ఉపమే సర్వసాధ్వీనాం దేవీనాం దేవపూజితే |
త్వయా వినా జగత్సర్వం మృతతుల్యం చ నిష్ఫలమ్ || ౨ ||
సర్వసంపత్స్వరూపా త్వం సర్వేషాం సర్వరూపిణి |
రాసేశ్వర్యధిదేవీ త్వం త్వత్కలాః సర్వయోషితః || ౩ ||
కైలాసే పార్వతీ త్వం చ క్షీరోదే సింధుకన్యకా |
స్వర్గే చ స్వర్గలక్ష్మీస్త్వం మర్త్యలక్ష్మీశ్చ భూతలే || ౪ ||
వైకుంఠే చ మహాలక్ష్మీర్దేవదేవీ సరస్వతీ |
గంగా చ తులసీ త్వం చ సావిత్రీ బ్రహ్మలోకతః || ౫ ||
కృష్ణప్రాణాధిదేవీ త్వం గోలోకే రాధికా స్వయమ్ |
రాసే రాసేశ్వరీ త్వం చ బృందావన వనే వనే || ౬ ||
కృష్ణప్రియా త్వం భాండీరే చంద్రా చందనకాననే |
విరజా చంపకవనే శతశృంగే చ సుందరీ || ౭ ||
పద్మావతీ పద్మవనే మాలతీ మాలతీవనే |
కుందదంతీ కుందవనే సుశీలా కేతకీవనే || ౮ ||
కదంబమాలా త్వం దేవి కదంబకాననేఽపి చ |
రాజలక్ష్మీః రాజగృహే గృహలక్ష్మీర్గృహే గృహే || ౯ ||
ఇత్యుక్త్వా దేవతాః సర్వాః మునయో మనవస్తథా |
రురుదుర్నమ్రవదనాః శుష్కకంఠోష్ఠతాలుకాః || ౧౦ ||
ఇతి లక్ష్మీస్తవం పుణ్యం సర్వదేవైః కృతం శుభమ్ |
యః పఠేత్ప్రాతరుత్థాయ స వై సర్వం లభేద్ధ్రువమ్ || ౧౧ ||
అభార్యో లభతే భార్యాం వినీతాం సుసుతాం సతీమ్ |
సుశీలాం సుందరీం రమ్యామతిసుప్రియవాదినీమ్ || ౧౨ ||
పుత్రపౌత్రవతీం శుద్ధాం కులజాం కోమలాం వరామ్ |
అపుత్రో లభతే పుత్రం వైష్ణవం చిరజీవినమ్ || ౧౩ ||
పరమైశ్వర్యయుక్తం చ విద్యావంతం యశస్వినమ్ |
భ్రష్టరాజ్యో లభేద్రాజ్యం భ్రష్టశ్రీర్లభతే శ్రియమ్ || ౧౪ ||
హతబంధుర్లభేద్బంధుం ధనభ్రష్టో ధనం లభేత్ |
కీర్తిహీనో లభేత్కీర్తిం ప్రతిష్ఠాం చ లభేద్ధ్రువమ్ || ౧౫ ||
సర్వమంగళదం స్తోత్రం శోకసంతాపనాశనమ్ |
హర్షానందకరం శశ్వద్ధర్మమోక్షసుహృత్ప్రదమ్ || ౧౬ ||
ఇతి సర్వదేవకృత శ్రీలక్ష్మీ స్తోత్రమ్ |
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ లక్ష్మీ స్తోత్రనిధి
(నిత్య పారాయణ గ్రంథము)
మరిన్ని శ్రీ లక్ష్మీ స్తోత్రాలు చూడండి.
గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
Srinivas vidya ela sastrothkam ga chyyalo dayachesi teliya chyyagalaru
Please see. https://stotranidhi.com/srinivasa-vidya-mantra-in-telugu/