Sarva Deva Krutha Sri Lakshmi Stotram – ஶ்ரீ லக்ஷ்மீஸ்தோத்ரம் (ஸர்வதே³வ க்ருதம்)


தே³வா ஊசு꞉ ।
க்ஷமஸ்வ ப⁴க³வத்யம்ப³ க்ஷமாஶீலே பராத்பரே ।
ஶுத்³த⁴ஸத்த்வஸ்வரூபே ச கோபாதி³பரிவர்ஜிதே ॥ 1 ॥

உபமே ஸர்வஸாத்⁴வீநாம் தே³வீநாம் தே³வபூஜிதே ।
த்வயா விநா ஜக³த்ஸர்வம் ம்ருததுல்யம் ச நிஷ்ப²லம் ॥ 2 ॥

ஸர்வஸம்பத்ஸ்வரூபா த்வம் ஸர்வேஷாம் ஸர்வரூபிணி ।
ராஸேஶ்வர்யதி⁴தே³வீ த்வம் த்வத்கலா꞉ ஸர்வயோஷித꞉ ॥ 3 ॥

கைலாஸே பார்வதீ த்வம் ச க்ஷீரோதே³ ஸிந்து⁴கந்யகா ।
ஸ்வர்கே³ ச ஸ்வர்க³ளக்ஷ்மீஸ்த்வம் மர்த்யலக்ஷ்மீஶ்ச பூ⁴தலே ॥ 4 ॥

வைகுண்டே² ச மஹாலக்ஷ்மீர்தே³வதே³வீ ஸரஸ்வதீ ।
க³ங்கா³ ச துலஸீ த்வம் ச ஸாவித்ரீ ப்³ரஹ்மலோகத꞉ ॥ 5 ॥

க்ருஷ்ணப்ராணாதி⁴தே³வீ த்வம் கோ³ளோகே ராதி⁴கா ஸ்வயம் ।
ராஸே ராஸேஶ்வரீ த்வம் ச ப்³ருந்தா³வந வநே வநே ॥ 6 ॥

க்ருஷ்ணப்ரியா த்வம் பா⁴ண்டீ³ரே சந்த்³ரா சந்த³நகாநநே ।
விரஜா சம்பகவநே ஶதஶ்ருங்கே³ ச ஸுந்த³ரீ ॥ 7 ॥

பத்³மாவதீ பத்³மவநே மாலதீ மாலதீவநே ।
குந்த³த³ந்தீ குந்த³வநே ஸுஶீலா கேதகீவநே ॥ 8 ॥

கத³ம்ப³மாலா த்வம் தே³வி கத³ம்ப³காநநே(அ)பி ச ।
ராஜலக்ஷ்மீ꞉ ராஜக்³ருஹே க்³ருஹலக்ஷ்மீர்க்³ருஹே க்³ருஹே ॥ 9 ॥

இத்யுக்த்வா தே³வதா꞉ ஸர்வா꞉ முநயோ மநவஸ்ததா² ।
ருருது³ர்நம்ரவத³நா꞉ ஶுஷ்ககண்டோ²ஷ்ட²தாலுகா꞉ ॥ 10 ॥

இதி லக்ஷ்மீஸ்தவம் புண்யம் ஸர்வதே³வை꞉ க்ருதம் ஶுப⁴ம் ।
ய꞉ படே²த்ப்ராதருத்தா²ய ஸ வை ஸர்வம் லபே⁴த்³த்⁴ருவம் ॥ 11 ॥

அபா⁴ர்யோ லப⁴தே பா⁴ர்யாம் விநீதாம் ஸுஸுதாம் ஸதீம் ।
ஸுஶீலாம் ஸுந்த³ரீம் ரம்யாமதிஸுப்ரியவாதி³நீம் ॥ 12 ॥

புத்ரபௌத்ரவதீம் ஶுத்³தா⁴ம் குலஜாம் கோமளாம் வராம் ।
அபுத்ரோ லப⁴தே புத்ரம் வைஷ்ணவம் சிரஜீவிநம் ॥ 13 ॥

பரமைஶ்வர்யயுக்தம் ச வித்³யாவந்தம் யஶஸ்விநம் ।
ப்⁴ரஷ்டராஜ்யோ லபே⁴த்³ராஜ்யம் ப்⁴ரஷ்டஶ்ரீர்லப⁴தே ஶ்ரியம் ॥ 14 ॥

ஹதப³ந்து⁴ர்லபே⁴த்³ப³ந்து⁴ம் த⁴நப்⁴ரஷ்டோ த⁴நம் லபே⁴த் ।
கீர்திஹீநோ லபே⁴த்கீர்திம் ப்ரதிஷ்டா²ம் ச லபே⁴த்³த்⁴ருவம் ॥ 15 ॥

ஸர்வமங்க³ளத³ம் ஸ்தோத்ரம் ஶோகஸந்தாபநாஶநம் ।
ஹர்ஷாநந்த³கரம் ஶஶ்வத்³த⁴ர்மமோக்ஷஸுஹ்ருத்ப்ரத³ம் ॥ 16 ॥

இதி ஸர்வதே³வக்ருத ஶ்ரீலக்ஷ்மீ ஸ்தோத்ரம் ।


மேலும் ஶ்ரீ லக்ஷ்மீ ஸ்தோத்திரங்கள் பார்க்க.


గమనిక: "శ్రీ లక్ష్మీ స్తోత్రనిధి" ముద్రణ పూర్తి అయినది. Click here to buy

Report mistakes and corrections in Stotranidhi content.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: