Read in తెలుగు / ಕನ್ನಡ / தமிழ் / देवनागरी / English (IAST)
dēvā ūcuḥ |
kṣamasva bhagavatyamba kṣamāśīlē parātparē |
śuddhasattvasvarūpē ca kōpādiparivarjitē || 1 ||
upamē sarvasādhvīnāṁ dēvīnāṁ dēvapūjitē |
tvayā vinā jagatsarvaṁ mr̥tatulyaṁ ca niṣphalam || 2 ||
sarvasampatsvarūpā tvaṁ sarvēṣāṁ sarvarūpiṇi |
rāsēśvaryadhidēvī tvaṁ tvatkalāḥ sarvayōṣitaḥ || 3 ||
kailāsē pārvatī tvaṁ ca kṣīrōdē sindhukanyakā |
svargē ca svargalakṣmīstvaṁ martyalakṣmīśca bhūtalē || 4 ||
vaikuṇṭhē ca mahālakṣmīrdēvadēvī sarasvatī |
gaṅgā ca tulasī tvaṁ ca sāvitrī brahmalōkataḥ || 5 ||
kr̥ṣṇaprāṇādhidēvī tvaṁ gōlōkē rādhikā svayam |
rāsē rāsēśvarī tvaṁ ca br̥ndāvana vanē vanē || 6 ||
kr̥ṣṇapriyā tvaṁ bhāṇḍīrē candrā candanakānanē |
virajā campakavanē śataśr̥ṅgē ca sundarī || 7 ||
padmāvatī padmavanē mālatī mālatīvanē |
kundadantī kundavanē suśīlā kētakīvanē || 8 ||
kadambamālā tvaṁ dēvi kadambakānanē:’pi ca |
rājalakṣmīḥ rājagr̥hē gr̥halakṣmīrgr̥hē gr̥hē || 9 ||
ityuktvā dēvatāḥ sarvāḥ munayō manavastathā |
rurudurnamravadanāḥ śuṣkakaṇṭhōṣṭhatālukāḥ || 10 ||
iti lakṣmīstavaṁ puṇyaṁ sarvadēvaiḥ kr̥taṁ śubham |
yaḥ paṭhētprātarutthāya sa vai sarvaṁ labhēddhruvam || 11 ||
abhāryō labhatē bhāryāṁ vinītāṁ susutāṁ satīm |
suśīlāṁ sundarīṁ ramyāmatisupriyavādinīm || 12 ||
putrapautravatīṁ śuddhāṁ kulajāṁ kōmalāṁ varām |
aputrō labhatē putraṁ vaiṣṇavaṁ cirajīvinam || 13 ||
paramaiśvaryayuktaṁ ca vidyāvantaṁ yaśasvinam |
bhraṣṭarājyō labhēdrājyaṁ bhraṣṭaśrīrlabhatē śriyam || 14 ||
hatabandhurlabhēdbandhuṁ dhanabhraṣṭō dhanaṁ labhēt |
kīrtihīnō labhētkīrtiṁ pratiṣṭhāṁ ca labhēddhruvam || 15 ||
sarvamaṅgaladaṁ stōtraṁ śōkasantāpanāśanam |
harṣānandakaraṁ śaśvaddharmamōkṣasuhr̥tpradam || 16 ||
iti sarvadēvakr̥ta śrīlakṣmī stōtram |
See more śrī lakṣmī stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
