Sri Janaki Jeevana Ashtakam – శ్రీ జానకీ జీవనాష్టకం


[గమనిక: ఈ స్తోత్రము “శ్రీరామ స్తోత్రనిధి” పుస్తకములో కూడా ఉన్నది. Click here to buy.]

ఆలోక్య యస్యాతిలలామలీలాం
సద్భాగ్యభాజౌ పితరౌ కృతార్థౌ |
తమర్భకం దర్పణదర్పచౌరం
శ్రీజానకీజీవనమానతోఽస్మి || ౧ ||

శ్రుత్వైవ యో భూపతిమాత్తవాచం
వనం గతస్తేన న నోదితోఽపి |
తం లీలయాహ్లాదవిషాదశూన్యం
శ్రీజానకీజీవనమానతోఽస్మి || ౨ ||

జటాయుషో దీనదశాం విలోక్య
ప్రియావియోగప్రభవం చ శోకమ్ |
యో వై విసస్మార తమార్ద్రచిత్తం
శ్రీజానకీజీవనమానతోఽస్మి || ౩ ||

యో వాలినా ధ్వస్తబలం సుకంఠం
న్యయోజయద్రాజపదే కపీనామ్ |
తం స్వీయసంతాపసుతప్తచిత్తం
శ్రీజానకీజీవనమానతోఽస్మి || ౪ ||

యద్ధ్యాననిర్ధూత వియోగవహ్ని-
-ర్విదేహబాలా విబుధారివన్యామ్ |
ప్రాణాన్దధే ప్రాణమయం ప్రభుం తం
శ్రీజానకీజీవనమానతోఽస్మి || ౫ ||

యస్యాతివీర్యాంబుధివీచిరాజౌ
వంశ్యైరహో వైశ్రవణో విలీనః |
తం వైరివిధ్వంసనశీలలీలం
శ్రీజానకీజీవనమానతోఽస్మి || ౬ ||

యద్రూపరాకేశమయూఖమాలా-
-నురంజితా రాజరమాపి రేజే |
తం రాఘవేంద్రం విబుధేంద్రవంద్యం
శ్రీజానకీజీవనమానతోఽస్మి || ౭ ||

ఏవం కృతా యేన విచిత్రలీలా
మాయామనుష్యేణ నృపచ్ఛలేన |
తం వై మరాలం మునిమానసానాం
శ్రీజానకీజీవనమానతోఽస్మి || ౮ ||

ఇతి శ్రీ జానకీజీవనాష్టకమ్ |


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ రామ స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ రామ స్తోత్రాలు చూడండి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

మీ ఈమెయిలు చిరునామా ప్రచురించబడదు.

error: Not allowed