Sri Budha Kavacham – శ్రీ బుధ కవచం


[గమనిక: ఈ స్తోత్రము “నవగ్రహ స్తోత్రనిధి” పారాయణ గ్రంథములో కూడా ఉన్నది. Click here to buy.]

అస్య శ్రీబుధ కవచస్తోత్రస్య కాత్యాయన ఋషిః, అనుష్టుప్ ఛందః, బుధో దేవతా, యం బీజం, క్లీం శక్తిః, ఊం కీలకం, బుధగ్రహ ప్రసాదసిద్ధ్యర్థే జపే వినియోగః ||

కరన్యాసః –
బాం అంగుష్ఠాభ్యాం నమః |
బీం తర్జనీభ్యాం నమః |
బూం మధ్యమాభ్యాం నమః |
బైం అనామికాభ్యాం నమః |
బౌం కనిష్ఠికాభ్యాం నమః |
బః కరతలకరపృష్ఠాభ్యాం నమః |

అంగన్యాసః –
బాం హృదయాయ నమః |
బీం శిరసే స్వాహా |
బూం శిఖాయై వషట్ |
బైం కవచాయ హుమ్ |
బౌం నేత్రత్రయాయ వౌషట్ |
బః అస్త్రాయ ఫట్ |

ధ్యానమ్ –
బుధః పుస్తకహస్తశ్చ కుంకుమస్య సమద్యుతిః |
బుధం జ్ఞానమయం సర్వం కుంకుమాభం చతుర్భుజమ్ || ౧ ||

ఖడ్గశూలగదాపాణిం వరదాంకితముద్రితమ్ |
పీతాంబరధరం దేవం పీతమాల్యానులేపనమ్ || ౨ ||

వజ్రాద్యాభరణం చైవ కిరీట మకుటోజ్జ్వలమ్ |
శ్వేతాశ్వరథమారూఢం మేరుం చైవ ప్రదక్షిణమ్ || ౩ ||

అథ కవచమ్ –
బుధః పాతు శిరోదేశం సౌమ్యః పాతు చ ఫాలకమ్ |
నేత్రే జ్ఞానమయః పాతు శ్రుతీ పాతు విధూద్భవః || ౧ ||

ఘ్రాణం గంధధరః పాతు భుజౌ పుస్తకభూషితః |
మధ్యం పాతు సురారాధ్యః పాతు నాభిం ఖగేశ్వరః || ౨ ||

కటిం కాలాత్మజః పాతు ఊరూ పాతు సురేశ్వరః |
జానునీ రోహిణీసూనుః పాతు జంఘే ఫలప్రదః || ౩ ||

పాదౌ బాణాసనః పాతు పాతు సౌమ్యోఽఖిలం వపుః |
ఏషోఽపి కవచః పుణ్యః సర్వోపద్రవశాంతిదః || ౪ ||

సర్వరోగప్రశమనః సర్వదుఃఖనివారకః |
ఆయురారోగ్యశుభదః పుత్రపౌత్రప్రవర్ధనః || ౫ ||

యః పఠేత్కవచం దివ్యం శృణుయాద్వా సమాహితః |
సర్వాన్కామానవాప్నోతి దీర్ఘమాయుశ్చ విందతిః || ౬ ||

ఇతి శ్రీబ్రహ్మవైవర్తపురాణే శ్రీ బుధ కవచం |


గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.

నవగ్రహ స్తోత్రనిధి

(నిత్య పారాయణ గ్రంథము)

Click here to buy


మరిన్ని నవగ్రహ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

error: Not allowed
%d bloggers like this: